➿صيدتو بصنارة➿
بقلمي:دعاء ابن الفقيه
الجزء27:
غير كملت طامو جميع الحوايج لبست جلابتها وخرجت عند المختار جر الفاليزة وهو عاقد حجبانو خرجو وشدو الباب ومشاو فالأول شراو اتاي وجوج قوالب دسكر عاد مشاو يركبو
عند زهور
وصلت للدار وهي معصبة وكلها فازكة دخلت ومشات مباشرة عند البقرة زهرة
زهور:دبا انتي البقرة تاخدي سميتي هاه انا مكنشبهلكش سمعتي هاه
البقرة زهرة:موووو
زهور:شنو مووو حتى نتي كتقولي كنشبه ليك وهاك لمك... علات يدها وسرفقت البقرة ومع مكانتش مربوطة ضربت البقرة رجلها مع الأرض بجهد ودخلت فزهور صدقات مزدوحة فالأرض وحوايجها عمرو غير غيص ووسخ وقفت كتشوف فحالتها وشافت فالبقرة
زهور:بربي نتي لي انعيدو بيك فالعيد الكبير غير تسناي
دارت البقرة كتاكل وزهور طلعت لبيتها جبدت حوايجها ومشات لدوش من حسن حظها لقاتو خاوي دخلت تدوش
عند إسحاق
بقا فوق الشجرة الملل ومدرق بالاوراق دشجر شعة دشمس كانت شجرة طويلة وكبيرة هو طلع غير شوية فيها من قوة الملل وعيا يشوف على الله يبان ليه شي حد والو بدا يغني اغنية طيور الجنة
إسحاق :انا الموزة الامورة صفرة وحلوي وغندورة انا طعمي مافي منو في الانحاء المعمورة انا طعمي مافي منو في الانحاء المعمورة... بان ليه واحد صياد دايز وهو ينقز من بلاصتو ووقف عليه كي ملك الموت
إسحاق :اسي سمح لي نسولك
الصياد:بسم الله رحمن رحيم قل هو الله أحد واش انت جن ولا أنس استغفر الله الله اكبر أعود بالله من الشيطان الرجيك
اسحاق:ولا راني أنس قالاك جن راني جيت غير من المدينة وكنت فدوار عند شي ناس فلخر خرجت ندور وضعت
الصياد:ايه ومالك فازك بالما ومنقز من فوق شجرة كيشي قرد طيرتها مني خلعة وزايدها كتغني بجهد انت الموزة الامورة... تافين بغيتي نديك
إسحاق :دوار الرواجح غير تم نقدر نعقل على طريق
الصياد:ايه معليش يلاه نديك طريقي على طريقك
اسحاق:ربي يخليك
يتبع
أنت تقرأ
🌺صيدتو بصنارة🌺 ( مكتملة )
Actionوحيت معنديش مع التقديمات المملة لي اغلبكم مكيقراهش فغاندوزو مباشرة للموضوع😜 القصة من النوع الكوميدي وشي حاجة فوق الكوميدية رغم أن العنوان بسيط وغريب😂 بعنوان:#صيدتو_بصنارة بكلافيي اقصدي بقلمي: ✍️ دعاء ابن الفقيه حصريا على صفحة قصص مغربية بالدارجة �...
