🌺صيدتو بصنارة🌺 ( مكتملة )

part13

➿صيدتو بصنارة➿
بقلمي:دعاء ابن الفقيه
الجزء 13:
غيثة:يحفظااك هكاك زوينة و مختصرة متملش منك
قدور :ايه يلاهي معايا نروح لعندها راها كترعا فجنان
غيثة:وانا اش غادي ندير معاكم توما العشاق
قدور:حتى لا شافونا ناس يقولو جوج بنات تيسلمو على ولد دوار اما لا شافونا غير انا وياها غادي تخرج الهضرة ونصدقو فشي طاب وشي مطاب
غيثة:وخا زيد.... جر بيسيكليطو وتمشاو فالدوار معروفين بجوج صحاب اصلا من صغرهم وهوما كيلعبو مع بعض كل واحد فيهم عيب ولكن متقبلين بعضهم البعض لمال واحد فيهم كيشدو تاني فحال العكاز لي كيتسند عليه الشارف هكا الصحبة الحقيقية اما لمكانتش هكا فغا رمي زبل فلابوبيل.... وصلو للجنان ولالة فرح طالقة الخرفان كيرعاو وهازة عود رقيق حتى شافت قدور وهي توقف وكتفرنس ليه وهو حال فمو فيها قرب لعندها وشد فيدها ونسا كاع الشعر لي كان غادي يقولها اما غيثة فبقات مقابلة الخرفان
قدور:فرح كل نهار تزيدي تزياني ابغيتك غير فوقاش تكوني حلالي
فرح:اووه سي قدور كتحشمني
قدور:احح على سميتي خرجت من فمك سمن على عسل يا النحيلة شفتاي راني ضبرت على خدمة نغسل سيارات الدوار ونتخلص من عندهم هاكي شدي( جبد من جيبو شي بركة دالفلوس)روحي للسوق وشري بيها لي حبات خاطرك وانا غا نجمع شوية د الفلوس لعرسنا ونجي نخطبك يالالة البنات
فرح:هذاك هو النهار الكبير لي نتسناه كل يوم
قدور:لديك البنت واش كتاكلي شي حاجة من غير الخبز اهاه غا قري قري
فرح :وايلي علاش؟
قدور:حيت كتزياني كل نهار  فحال زهرة
فرح:اتا شكون هاد زهرة
قدور:البقرة تاع غيثة
يتبع
فرح