🌺صيدتو بصنارة🌺 ( مكتملة )

part18

➿صيدتو بصنارة➿
بقلمي:دعاء ابن الفقيه
الجزء. 18:
ولدت نعجة غيثة خلصات يزة الحجام ومشا فحالو حطات النعجة ومشات جابت من بيتها الوشاح لي حاكتو ليها حطاتو وغسلت النعجة الصغيرة وحطاتها قدام مها وغطاتها بداك الوشاح وطلعت لبيتها دوشات ومقاصتش شعرها نزلت لقات الفطور واجد وزهور فايقة على غير عادتها وجالسة هي واسحاق حد مقادر يهضر مع تاني زهور دافعة كبير واسحاق ممسوقش اساسا ... خرج جواد من بيتو شاد تيليفونو كيتفرج وهو يدخل فغيثة بجهد حتى كانت اتطيح كون مشات فراسها
غيثة:اتا بشوية مالك طورو باغي تنطح
جواد:انتي لي واقفة فطريق كيف الحيط
غيثة:واشوف قدامك يا العور ولا لبس النضاضر
نزلت زوليخة لابسة حوايجها المعتادة ووقفت عليهم بعكازها
زوليخة:اتو مالكم واقفين هنا كتحابو لا بغيتو تباوسو وديرو رومنسية سيرو للخلا ارا متبوس غا هو لا جيتي تقيص اتشد غا فالعضم
غيثة :هاويلي مي لالة من نيتك
زوليخة:اتا متحشموش غا هو عنداك تسير تحبلها المسخوط هاهاي.... مشات وخلاتهم غا كيرمشو مشات غيثة الكوزينة عند مها اما جواد فمشا وجلس حدا اسحاق
نزل شعيب بسروالو القندريسي وتيشورط خفيفة كيتفوه جلس ومد يدو كب كويس تاع اتاي كيشرب منو وكيشوف فدراري
شعيب:اتو متزوجين مخطوبين ولا عزاب
اسحاق:عزاب
شعيب:واتو جريو وتزوجو باش تشبعو فلخر يموت ليكم الموطور وتبقاو تتنهدو تقولو ايه يا ليام( تفرشخ إسحاق بالضحك اما زهور فملقات فين تعمل وجهها وزوليخة مسمعاتهمش اصلا نعسات جالسة)اجي كيف بقات تا مك طامو
جواد :بخير اعمي
شعيب:اتا لا بغيت نقصد باقي صغيرة و زوينة( غمزو بعينيه حتى حس بضربة فقرفادتو من عند يزة)
يزة:اداك الراجل ترجل ولا نقطع مك
زوليخة غا سمعت نقطع مك وهي توقف:عاودي اش قلتي اديك شاطا ماطا ياوجه البقرة
يزة:اتي كلسي وديها فتاعتك
زوليخة:اسيري اذيك صوبيصة يعطيك جلدة لضهر وتكركيبة من الدرج وجهنم يا السحارة
مد يديه شعيب قطع طرف من الرغيفة تياكل وهوما يشوفو فيه بجوج
يزة:وتا ساكت هاه دوي
ضحك ليها شعيب وعطاها الصبع:اتوحومق ها لي متديو من عندي
يتبع