🌺صيدتو بصنارة🌺 ( مكتملة )

part16

➿صيدتو بصنارة➿
بقلمي:دعاء ابن الفقيه
الجزء 16:
دخلت غيثة لقات كلشي تفرتك مها وجداتها مشاو ينعسو وزهور واسحاق كل واحد فبيتو طلعت لبيتها لفوق و مشات بدلت حوايجها ونعسات بلاصتها
دخل جواد بعد ما برد شد الباب وراه ودخل لبيتو لي كان اللتحت غير ملابسو طل على رجلو لقا فيه شراطي حومر ددم عقمو وتمد بلاصتو ونعس
     جاصباح جديد وكيف العادة فاقت غيثة قبل الفجر بشوية صلاتو ومشات كتعمل فالشغل هي ومها تجمع الدار وتخملها وتعجن... خرجت غيثة طل على بقرتها ونعجاتها حتى لقات نعجتها لي حاملة كتولد دخلت بزربة معارفة اش تعمل مبان لها غير بيت إسحاق دخلت كتفيق فيه وتقول واش فاق نعاسو تقيل خرجت ومشات لعند جواد كتفيقو حتى هو ناعس مكيتزعزعش مخلات صرفقاتو عضاتو مفطنش فالاخير هزات كأس دالما وكباتو عليه
جواد:هيييه( ناض كيمسح فعينو )واش من نيتك اش بغيتي
غيثة:عتق عتق جيب الطبيب راها كتولد
جواد:شكون كتولد؟
غيثة:لولا لولا
جواد:شكون هاد لولا كلبة ولا
غيثة:لا نعجتي
جواد:واش كطنزي عليا
غيثة:والله مكنكذب نوض راها كتتعذب
وقف كيتكسل ومد يديه ليها :بوسي لمك يدي عاد نشوف فين هاد طبيب
غيثة:شناااهوا جالس فداري وناعس نوض تكردع جيبو ولا بربي حتى نعاود ليك الفلقة
جواد:اك... رجع تمد وغطا راسو وهي تعريه تاني وبدأت تجبدو
غيثة:واافيق حسبها مك كتولد حسبها ختك كتزحم واش ترضاها لها قالك كما تدين تدان تخيل مك كتموت هكاك
ناض كيشوف فيها باستغراب:واش من نيتك كتشبهي مي بنعجة.
غيثة:وكنطلبك ياك ....شاف حتى عيا فالاخر عرفها مغاتفرقوش ناض وسلم امرو لله خرج معاها داتو كتوريه النعجة تحنات لعندها
غيثة:لولا زحمي الحبيبة زحمي
يتبع