🌺صيدتو بصنارة🌺 ( مكتملة )

part46

➿صيدتو بصنارة➿
بقلمي:دعاء ابن الفقيه
الجزء 46:
بقات ماشا كتجري بالبشكليطة حتى وصلت للوطوروط بقات ماشا فيها دازت من حداها كاميون بقات حتى وصلت لها وهي راكبة فالبشكليط مدت يدها وشدت فالحديدة وطلعت فيها سمحت فبشكليطتها تم مرمية بقات شادا فيها مزيان وكتنتاظرو يوصل لشي بلاصة قريبة من محطة الكيران شافتو وصل لها وموقفش شافت طريق خاوية من لور وهي تنقز طاحت فالأرض بجهد... ناضت ووجهها تخبش من حنكها ويدها وركبتها تجرحت وقفت كتنفض حوايجها ومشات كتعرج وقفت حدا ناس وهوما كيشوفو فيها يطلعو ويهبطو يسحب لهم غير شي حمقة... بقات كتنتاظر الكار لي ماشي لسلا حتى وصل طلعت وخلصت مشات وجلست جلت صاكها جبدت تيشورط فزكاتو بالما ومسحت جيهة الدم والجروح ووجهها
      عند زهور
كملت غداها ومشات جلست فصالون حدا زوليخة كيتفرجو وهو يجي إسحاق هاز شيبس فيدو وجلس كياكلها
زوليخة:اداك الولد اش كتاكل
اسحاق:شيبس
زوليخة:شناهوا هاد سيبس
اسحاق:بطاطا هاكي ذوقي... مد ليها وحدة خشاتها ففمها بقات كتدورها ففمها مع معندهاش سنان فلخر بلعاتها وكملت فراجتها
بقات كتشوف فيه زهور وهو كيهز وحدة ويعضها ويتبنن ويشوف فيها ويخشي تانية فحلقو بدأت تبلع فريقها وتشهاتها لكن كرامتها مغاتسمحش لها
زهور:اوا منين شريتيها نشري لجدة شي وحدة
زوليخة:لالا انا معنديش سنان عندي غير اصطناعيين راهم لفوق مابغيتهمش يتوسخو مبغيتهاش
اسحاق:امم دوماج راه عندي فالبيت بزاف لكن مبغاتهاش هي
زهور:وايلي على عندك فلبيت بزاف
اسحاق:مالي عارض أزياء باش نجي بفاليزة غير دالحوايج راها عامرة غير بيهم شكالط وشيبس ودوريطوس وبزاف وشوية دالحوايج وصاف
زهور:اه بالصحة
اسحاق:يعطيك شي قتلة
زهور:لعدوية ولي ميبغيني
خشا ففمو شيبس وخلاها كتنتاظرو يجاوب لكن مداهاش فيها وقفت وقالت:انا انمشي نشوف خالتي يزة وطامو اش كيديرو
زوليخة:سيري عندهم يعلموك السحر يا السحارة
اسحاق:هههه ناري
زوليخة :تهجرو يضحكو فيك عديانك يتهرسو بيضاتك نهار عرسك طيح ويسكنك جن هكاو ضحك ليا على حفيدتي انا الوحيدة لي من حقي نضحك عليها
زهور:ااححح عطاتك
زوليخة:وتي مالك كتوحوحي سيري دوشي بما بارد ابنتي الله يستر فسدتو ليا وضوئي وطهارتي
يتبع