➿صيدتو بصنارة➿
بقلمي:دعاء ابن الفقيه
الجزء 26:
بقا فالواد كيعوم حتى برد خرج كيتمشا معارف فين يمشي ومنين يدوز ناسي طريق عيا يعيط على زهور وتقول واش لقاها طلع فوق شجرة وجلس
عند يزة
كانت ف الكوزينة كطيب وهو يصوني ليها تيليفون مسحت يدها وهزات تليفونها صغرت عينيها كتشوف شكون كيعيط لقاتها طامو وهي ترد بزربة
يزة:طامو ختي الغزالة وتوحشاك كيف دايرة لباس سي المختار لباس؟
طامو:اكولشاي لباس وتي كيف بقيتي بخير وكيف دايرة مع عجوزتك وسي شعيب بخير وولدي بيخير
يزة:اكلشي بخير من غير ديك الحلقومة دزوليخة تقول بالعة شوكة متبلع متخرج لهلا يسلط على شي حد وحدة فحالها لسانها طويل عريض كي الأفاعي ميخرج غير السم
طامو:والله يهديها وصافي اوا ياختي مانشكي عليك سي المختار شد فلوس التقاعد اوا ياختي دارهم فالبزطام فلخر تسرق وبقينا شهر بلا فلوس بلا والو
يزة:هاويلي وحدي وممشيتوشي للمقدم ولا البوليس تشكيو بيهم
طامو:وتي اشمن مقدم ولا بوليس تي راه حنا فسلا تغفل تلقا غير يديك وريح
يزة:ايه دعوة بيهم لله اوا تعالي عندنا حتى انا توحشت بزاف
طامو:حتانا كنت ناوية نجي
يزة:مرحبا والف مرحبا هذا النهار الكبير
طامو:الله يكبر بيك ازين ليوم ليل نكونو عندكم
يزة:غانساينك بسلامة عليك
طامو:بسلامة... قطعت طامو الاتصال ومشات جبدت برادة دالتراب هرساتها وجبدت منها الفلوس خبت فصدرها الزايد وخلات غير لي ايحتاجو وخرجت لعند المختار وعطاتهم ليه
طامو:انا شد هاذا باش نركبو ونديو فيدنا قوالب السكر واتاي
المختار:اتي منين جاواك هاد الفلوس اديك المرا
طامو:اوا رزقي
المختار:رزقك ولا لفلوس لي تاتاخديهم ليا من جيبي اه دوي
طامو:ولهلا يطيح علينا شي باطل
المختار:تي الباطل بكمالك يخخ سيري سيري جمعي الحوايج هانا غانمشي نقطع ضو والما ويلاهي نركبو
طامو:والله يسمح ليك أسي المختار وصاف مشات تجمع الحوايج اما المختار مشا قطع ضو والما
يتبع
أنت تقرأ
🌺صيدتو بصنارة🌺 ( مكتملة )
Actionوحيت معنديش مع التقديمات المملة لي اغلبكم مكيقراهش فغاندوزو مباشرة للموضوع😜 القصة من النوع الكوميدي وشي حاجة فوق الكوميدية رغم أن العنوان بسيط وغريب😂 بعنوان:#صيدتو_بصنارة بكلافيي اقصدي بقلمي: ✍️ دعاء ابن الفقيه حصريا على صفحة قصص مغربية بالدارجة �...
