🌺صيدتو بصنارة🌺 ( مكتملة )

part58

➿صيدتو بصنارة➿
بقلمي:دعاء ابن الفقيه
الجزء 58:
خرج وهو غادي بغيثة متوجه للواد وهي باقا مصدومة
جبدت زهور إسحاق وجراتو لبيتو وشدت الباب
زهور:من نيتك وافقتي هاه واش حمقتي
اسحاق:اه وافقت شنو بغيتي تمسحي فيا كلشي ونطلع انا الغلط غير حلمي ابنتي
زهور:( هملت يدها فخصرها وطلعاتو وهبطاتو)واش انت مريض ولا دبا خصرولي كاع خططي هاااربي اش اندير
إسحاق :ياك بغيتي تمشي لطنجة اوا صاف اناخدك ليها
زهور:واش انت بعقلك صاف سلينا من شي حرب دالمقالب انت ربحتي وانا خصرت
اسحاق:لاانا خصرت(شد يدها وحطها فوق قلبو)خصرت هاذ القلب لي كان متحرر ودبا ولا يدق غير باسمك وصوتك وصورتك
بقات كتشوف فيه وترمش بعينيها وحالة شوية فمها بصدمة جبدت يدها من يدو ونزلت عليه بتصرفيقة وطلعت حاجب ونزلت تاني وقالت:هايهات شفتك تأترتي بشاروخان اتا جمع راسك حاسب راسك كتمتل ف zee aflam وغادي يخرجو الهنود ويشطحو ونشطحو انا وياك ونغنيو طيري ميري طيريمي
علا حواجبو بجوج وصغر عينو فيها :بغيت نسولك؟
زهور:ايه تفضل
اسحاق:اشمن مشكل عندك غير قولي نقدر نعاونك جالسة كتحركي فيدك وتتعوجي فحال شي مونيكة هاه... شد لها يدها.. لا نسيتي تهريسة لي عرستك ديك نهار وخا باقا حتى مابرات مزيان نعاود لك تانية اه وعلاش حيدتي الجبيرة وغير كيفاش حيدتيها
زهور:حيدتها وصافي اصلا راه كتعقرني
جبد لها يدها لي كانت مهرسة وبقا كيشوف فيها:شوية معليش اصلا مكانتش متضررة بزاف لكن لا عودتي مديتي يدك نقصمها
زهور:يدي لا إذا رجلي وخا ياك
اسحاق:زهوور راني هضرت
زهور:اوا صاف انا انخرج لايفهمو غلط
اسحاق:اصلا اتولي مرتي
زهور:حلم
اسحاق:ها حنا انشوفو
زهور:عتابرو تحدي وهانتا اتشوف واذا مربحتش راني ماشي مرا
اسحاق:وراكي اصلا بنت ماشي مرا
يتبع