🌺صيدتو بصنارة🌺 ( مكتملة )

part 9

�صيدتو بصنارة�
بقلمي:دعاء ابن الفقيه
الجزء 9:
جواد:اجي انتي لي رميتيني فالواد
غيثة:والله يعطيك كسيدا لاكنت انا
جواد:والله حتى نتي غا دبا صاوبتي شعرك ولا درتي شعر مستعار
غيثة:والله يعطيك تشتيتة وتونيا فراس وكزيمة فرجل وحبة فوسط ضهر لا كنت انا
جواد:وتا بربي حتى نتي فين ديك القفة دشعرك فين مخبياها... مد يدو لشعرها كيجبدو وهي كتغوت
غيثة:ووك وواك عتقو روح شعري أولد الحرام وااع
علات زوليخة العكاز لي فيدها وعطاتو لراس جواد
زوليخة:بعد من البنت باغي تحيد لها شعر تسحر لها يا تريكة سحارة هاه
يزة:اتي بعدي من الولد انتي لي سحارة
غيثة:وااع طلق طلق كتنتف فحال العيالات
جواد:والله يامك حتى نربيك
دخل راجل بلحية شايبة باين عليه كبير فالسن شاف روينة نايضة وكلشي كيدابز مشا بشوية للكوزينة غسل يديه لقا طاسة فيها شلادة غرف فطبسيل وخرج جلس فوق الكرسي كيتفرج فيهم وياكل اما زهور فواقفة بينات زوليخة ويزة كتحاول تفارقهم وشعرها كلو تخصر
غيثة:وتا طلق غا نشرح لك وااشعري انقمشك لامطلقتيش
جواد:مطالقش نوريك ترميني فالواد وفوقها ضربني لراسي
غيثة:هكاو انت قلبتي عليها( علات ركبتها وعطاتو لبين رجلو)
شعيب:وهداااااف وتسددد العز ابنتي العز هكا يكونو العيالات والا فلا تعالي تعالي عندي
يزة:انت هنا شوف مك اش دارت لي
زوليخة:طلقها هاد سحارة
بقا جواد مخرج عينو وعاقد حجبانو شاد بين رجلو ووجهو حمر ليه بالحريق انا غيثة فمشات عند باها وضربو اليد فاليد وعانقها من كتفها
شعيب:وامي راها سحارة سحرتني بجمالها
زوليخة:وتا اشمن جمال جمال الضفاضع ولا
يزة:اوه كتغاري مني حيت وجهك مكمش
زوليخة:فحال قاعك

يتبع
#شعيب