🌺صيدتو بصنارة🌺 ( مكتملة )

part54

➿صيدتو بصنارة➿
بقلمي:دعاء ابن الفقيه
الجزء 54:
جلسو بجوج كيتعشاو فهدوء تام حتى كسرت الصمت غيثة قائلة :تقدر تصوني على ماماك تطمنهم عليا
جواد:اه طبعا... ناض مشا لصالون هز تيليفونو لقاه طافي عملو يتسارجة ورجع جلس... على منكملو لعشا يكون تسارجا تيليفون
غيثة :اه صاف... كملو ماكلتهم وناضت غيثة جمعت داك شي وغسلاتو عاد مشا جواد حل تيليفون لقا مو شحال صوناتلو وهو يعاود يصوني وهي ترد بزربة
طامو :وخا تكون صمك تشوف تيليفون كيصوني
جواد:راه تسالالو سرج ومشتوش المهم غيثة هاهيا معايا كونو هانيين
طامو: عافا ولدي جيبها غدا فالصبح راه حالف باها بحلوفو لملقاهاش غدا حتى يذبح بقرتها وهي عمرها تدخل للدار
جواد:وايلي صاف كوني هانية غدا تكون تم... قطع الاتصال وشاف فغيثة
جواد:غدا نفيقو فالصباح  بكري باش نمشيو دغيا باك حالف حلوفو لامجيتيش غدا يدبح بقرتك ونتي عمرك تدخلي لدار
غيثة:اويلي الا البقرة هذيك روحي
جواد:تخافيش انعمر ساعة سيري تنعسي غدا نمشيو ومغايطرا والو
غيثة:صاف وخا... دخلت للبيت تنعس وهو مشا جبد مانطا وعمر ساعة وتمد فوق الفوتوي ومع نعس فالنهار بقا شحال يتقلب ويتشقلب عاذ نعس
  جا صباح جديد حلت عينها غيثة مع الفجر ناضت توضات ومشات فيقت جواد حتى هو ناض مشا توضأ وصلى لبس عليه وغيثة جبدت حوايجها البالكون كانو باقي فازكين شوية وهو يهزهم من عندها جواد عمل لهم البلانشا يبسهم وعطاهم لها وخرج لبساتهم وهزت صاكها ونزلو وركبو فلوطو وكسيرا متوجه للدوار شوية دار شاف فيها لقاها كتحك يدها مع بعضهم شوية دوز لكتفها
جواد:واش فيك البرد!؟
غيثة:لا كنصخن عضامي للقتيلة ددق لي اناكل
يتبع