➿صيدتو بصنارة➿
بقلمي:دعاء ابن الفقيه
الجزء 62:
اسحاق:خاطفك وفدارك ياه على مكلخة كمل كمل العدول
بدا العدول فالهضرة ديالو وزهور طايحة تزطم على رجل اسحاق فلخر وقعات وزغرتو العيالات وتكتب كتابهم عاد دخلت غيثة وجواد تكتب كتابهم ووقعو وخرجو وناس يزغرتو وناصو العيالات يغنيو والبنات يشطحو وكلشي ناض وفواحد القنت كانت واقفة فرح مع باها الزوبير شاد فراسو ملوي بضمادة بعد مهرست غيثة عليه القرعة داك نهار... جا عندو قدور وهو كيضحك مع فرح وقال:عمي الزوبير جيت طلبك وطلبي مالو رخيص
زوبير :إذا كان غالي فراني حازق وجيبي متقوب غا رول عليا وراني واقف غير تنساين فزردة
قدور:ايه اعمي زوبير راني بديت كانخدم وبغيت نكمل نص ديني
زوبير :حتى تكمل نص تاني وبلا دخول وخرج فالهضرة جيني نيشان
قدور:راني طالب راغب فيد بنتك فرح نتزوجها
دفعها الزوبير جيهتو وقال:انا موافق يلاه براكة متتغامزو راكم تقطعو فالقلب سيرو نشطو وهنيونا وغدا تعال لدار وجيب مك وباك نكتبو كتابكم اصلا وصلتني الهضرة عليكم
قدور:ايه ربي يخليك... مشات فرح مع قدور بعيد على باهم وهو غير كيفرنس وقال:كتبت ليك شعر احبي
فرح:قول الحبيب نسمع
قدور :نوركي كالشمس ساطع يحرقني شوقا لرأيتك انتي جميلة كجمال الحمارتي عندما تولدو انتي ساحرة كالسحارة بجمالك الاخاذي دمتي لي وفيتا كالكلبة يا حبيبتي
فرح:ناري حشمتيني هبهيهي
ناضو بجوج يشطحو وداز العرس بسيط خفيف حطو الدجاج وجلسو كلاو عاد طلعو العرايس لطبقة تانية كل واحد فبيتو
يتبع
أنت تقرأ
🌺صيدتو بصنارة🌺 ( مكتملة )
Actionوحيت معنديش مع التقديمات المملة لي اغلبكم مكيقراهش فغاندوزو مباشرة للموضوع😜 القصة من النوع الكوميدي وشي حاجة فوق الكوميدية رغم أن العنوان بسيط وغريب😂 بعنوان:#صيدتو_بصنارة بكلافيي اقصدي بقلمي: ✍️ دعاء ابن الفقيه حصريا على صفحة قصص مغربية بالدارجة �...
