صبح صباح جديد بأحداث جديدة فقصر العائلة او بضبط فواحد الغرفة لي لي كانت باللون أسود أو رمادي باينة او معروفة غرفة ديالمن غرفة دياب،كان خالس فواحد الكرسي قدام بالكون ديال بيت أو شاد فيدو ليمنة كارو أو فيد أخوراا شاد بيها تصويرة ديال عالية أو ساهي فيها.
دياب: علاش خليتيني أعاليا علاش ما قادرش نساك علاش.
طاحت دمعة من عينو أو مسحها دغيا او هو يحط ديك تصويرة قدام سرير ديالو او هبط لتحت، هبط لقا كولشي مجموع تما او جالسين كي فطرو نطق ببرود
دياب:صباح الخير.
رد عليه لكل او جلس فبلاستو بدا كي فطر بكل هدوء، نطقات لالة مليكة او هي كتحط الماكلة فطبسيل ديال دياب
لالة مليكة:كول أولدي هاك بال ليا ماكونتيش كتاكل مزيان او ضعفيتي.
دياب:صافي الوليدة راني كان ناكول مابقيتش دري صغير.
فالمطبخ البنات لي كانت كل وحدة كدير شغلها ليالي لي كانت كتخسل فالماعن او كلثوم لي كتقاد فالقهوة باش إيديوها لطبلة أما نور لي كانت كتشد الماعن لي كتغسلهم ليالي او كتمسحهم او تحطهم فبلاستهوم ، سالت ليالي او جلسات فالكرسي او هي عيانة سالت كلثوم حتى هي القهوة أو دارت عند البنات او نطقات
لالة كلثوم: شكون تدي القهوة لطبلة ديال الفطور.
البنات كاملين ولاو كاي دابزو على شكون لي يديها اما ليالي لي ماكنش مسوقة ليهوم هزات حبة ديال زيتونة كحلة او خشاتها فمها كتكلها بلا مبالات حتي نطقات
كلثوم:سكتونا ليالي اجي دي القهوة لعندهم.
شيرات ليالي لنفسها زعما واش انا.
كلثوم:اهه نتي يلاه نوضي دغيا.
ناضت ليالي أو شدات البلاطو على كلثوم او مشات خرجات من الكوزينة او هي مامرتحاش فديك la jupe مزيرة عليها أو مكتخليهاش تحرك كيفما بغات بقات غادية او هي مركزة على البلاطو ماتكب القهوة
ولكن وقع لي كانت خايفة منو ليالي رجليها خوات بيها بسباب طالون او طاح بلاطو او طاحت معاه حتى هي او تسمعات فداك صالون زدردلاف او زجاج تشتت فالأرض او البعض منو دخل فاليد او رجل ديال ليالي كولشي دار شاف فيها او دياب حتى هو دار شاف شكون طاح ماشافهاش مزيان من وجهها بحكم شعرها مغطي ليها على على ملامحها شاف اش واقع او عقد غباشتوا ضحك بستهزاء او نطق.
دياب: كتخدموا دراري صغار مكاي عرفوا حتى يهزوا القهوة.
ناض او هز فيست ديالوا او سوارت ديال لوطو او خرج مخليهم ملهين مع ليالي عند ليالي لي ناضت او بدات كطلب سماحة منهم او عينيها مغرغرين خايفة مايي طردوها من خدمة.
ليالي:سمحلوا ليا ماغاديش إتعاود هاد الغلاط.
هزات البلاطو او بدات كتجمع فجاج نطقات حاجةزهور
VOUS LISEZ
👑ليتني لم أحبك👑 (بدارجة المغربية)
Romanceسلام البنات مرحبا بيكم فقصة.... {👑 ليتني لم أحبك 👑} . . * ممنوع أخد القصة من دون إدني❌❌ -تأليف و الكتابة : @za3imaikram157. -وكذلك الغلاف من تأليفي: @za3imaikr...
