تـــــــــتـمــــــــة
.
.
.
.
.
أما هي لي كتمشى فالشارع وقفات فاللحضة لي كانت كتشوف واحد الطونوبيل جاية فجيهتها غمضات عينيها كتسناها ضربها ولكن حسات بشي واحد جرها بجهد فتحات عينيها شافت فيه هو لي كان كاي شوف فيها بغضب نطق.
دياب:شنو كتفكري راسك...واش الموت هو الحل الوحيد لي لقيتي.
جيهان لي تمات جايا كتجري لعندهوم....أو وقفات عندهم عنقات ليالي أو كتمسح ليها على راسها.
جيهان:صافي أحبيبتي صافي ماديريش فراسك هاكا.
ليالي:ديني لدار أجيهان مابغيتش نبقا هنا.
جيهان:واخا يلا نمشيو...ماما هاكي دي ليالي أو سبقوني شدو طاكسي أنا جايا.
لالة عائشة لي حضنات ليالي أو مشاو وقفو كاي تسناو شي طاكسي إيدوز.
دياب(ببرود):ليالي أتمشي معايا للقصر.
جيهان:كان نتمنى تفهم الموقف الحالة ديالها أ سيد دياب دابا عالأقل خليها هاد الليلة أو غدا فدارهوم حتى دوز الغنازة.
نزار:صافي يمكن تمشي..
جيهان لي مشات أو خلاتهوم.
نزار:خليها حتى دوز الغنازة أو ديك ساعة يمكن ليك تديها.
دياب لي ماجاوبوش مشا ركب سيارتو أو مشا مكسيري للوجهة ديالو أو نزار كذلك.
عند الليالي شدو الطاكسي أو مشاو نيشان للدار،وصلو أو دخلو ليالي بداو عينيها كاي دمعو.
ليالي:أنا طالعة لبيتي.
لالة عائشة:واخا أبنتي سيري رتاحي،سيري معاها أجيهان.
جيهان حركات ليها راسها أو شدات اليد ديال ليالي عوناتها حتى طلعو لفوق دخلو للغرفة ديالها.
جيهان:يلاه أحبيبة ديالي دوشي باش تحيدي عليك العية.
ليالي لي كتافت غير بتحريك راسها،دخلاتها جيهان عاوناتها حتى دوشات ليها أو عوناتها حتى لبسات حوايجها،أو ها هي جالسة قبالت المريا كتمشط ليها شعرها شافت فيها كانو عينيها حمرين بالبكى أو وجهها لي شاحب كانت كاتشوف غير فالخوى عقلها ما كينش فهاد العالم،ناضت على غفلة خلات جيهان كتشوف فيها بتساؤل.
جيهان:ليالي فين غادا؟؟
أما ليالي ما جوباتهاش أو حلات الباب الغرفة أو خرجات مشات لغرفة لي مقابلة مع الغرفة ديالها مشات فتحات الباب أو دخلات كتشوف أو كدور عينيها فالغرفة مشات أو حلات البلاكار ديال الحوايج أو هزات حوايج ماماها أو قرباتهوم لوجهها أو بدات كتشم فيهوم غمضات عينيها بقوة خلات الدموع لي كانو متحجرين فعينيها ايطيحو تكات فالسرير أو الملابس باقي حضناهوم حطات راسها على المخدة أو كتشوف فالطرف الأخر ديال السرير البلاصة لي كانت كتنعس فيها ماماها نطقات بهمس.
VOUS LISEZ
👑ليتني لم أحبك👑 (بدارجة المغربية)
Romanceسلام البنات مرحبا بيكم فقصة.... {👑 ليتني لم أحبك 👑} . . * ممنوع أخد القصة من دون إدني❌❌ -تأليف و الكتابة : @za3imaikram157. -وكذلك الغلاف من تأليفي: @za3imaikr...
