~ تـــــــــتـمــــــــة ~
.
.
.
.
.
صبح صباح جديد أو بأحداث جديدة
عند ليالي لي فاقت بكري أو دارت روتينها الصباحي غسلات وجهها أو دوشات سلات أو خرجات من الحمام أو لبسات سروال لي باللون الأسود أو معاها شوميزة بالچرونة أو شعرها لي نشفاتو أو خلاتو مطلوق على راحتو،هبطات لتحت أو بدات كتوجد الفطور لماماها وجظات كلشي أو حطاتو فوق الطبلة...مشات طالعة لبيت عند ماماها تشوفها فبل ماتخرج،فتحات بالشوية أو شافتها باقي ناعسة قربات ليها أو باست ليها راسها أو خرجات من البيت بلاما دير الحس باش متفيفهاش،خرجات من دار أو شدات طاكسي أو مشات نيشان للقصر.
فمكان ٱخر:
دياب لي حتى هو ناض أو مارس روتينو الصباحي،لبس سروال حلاس أسود أو القميجة حتى هي أو كوستووم لي كذالك باللون الأسون،أو لبس ساعة يدوية أو رش البغفان ديالو أو خرج ركب سيارتو أو مشا مكسيري لشركة.
عند ليالي وصلات لقصر أو دخلات لكوزينة أو لقات كلثوم أو نور أو البنات خرين كاي وجدو الفطور.
ليالي(بفرحة):صباح الخيرر.
هوما لي شافوها أو بتاسمو ليها أو جابوها:صباح الخير.
ضحكات أو مشات عند كلثوم أو عنقاتها من لور.
ليالي:خالتي كلثوم كي صبحتي.
كلثوم:بخيير أ بنيتي أو نتي بخير.
ليالي:مزيانن أخالتي...ااه نسيت.
دارت لعند نور أو نطقات.
ليالي:باقي ما ناضت شمس ياك أ نور.
نور:لا باقي ماناضت سيري فيقيها باش تهبط تفطر.
حركات ليها راسها أو نطقات.
ليالي:أه واخا أنمشي نفيقها مهم نخليكوم دابا الله يعاونكوم.
خرجات من الكوزينة أو طالعات مع دروج غادة لبيت ديال شمس،وصلات لحدا الباب ديال بيتها أو دقات أو ماجاوبها حتى واحد أو فتحات الباب بشوية أو دخلات أو سداتو من وراها دورات عينيها فالبيت أو شافت شمس لي باقا ناعسة قربات ليها أو جلسات حداها فالسرير بدات كتشوف فيها كانت ناعسة كيبحال شي ملاك ردات البال ليالي لديك تصويرة لي كانت حاضناها شمس،خداتها منها بشوية أو شافتها كانت تصويرة ديال دياب أو واحد المرا جالسة حداه أو شادا ليه فيديه أو كانت كرشها كبيرة من الضاهر كانت حاملة.
تفكراتها ليالي كانت نفسها المرا لي شافت تصويرتها فالبيت ديال دياب داك نهار بدات كاتشوف فديك تصويرة مطولة كاتشوف فدياب لي باين فرحان فديك الوقت عكس دابا ضرها قلبها عليه بزاف غرغرو عينيها بدموع حطات ديك تصويرة فوق ديك طابل دونوي لي تما أو دارت عند شمس أو بدات كتفيق فيها.
ليالي بدات كتلعب بشعر ديال شمس:شمس حبيبة فيقي يلاه براكا من نعاس.
شمس:مممم باقي شوية عافاك.
ليالي:مابغيتيش تبقي ياكي أنا غادي نفيقك بطريقتي.
بدات كتهر فيها ليالي أو شمس لي بدات كاضحك.
شمس:هههه...صافي....هههه ها أنا.....هههه.....فقتت ههههه.
حبسات ليالي أو بدات كضحك.
ليالي:هههه أن نبقا ديما نفيقك بهاد طريقة باش تنوضي دغيا هههه.
شمس جمعات يديها عندها:أووفف أنا باقي فيا نعاس.
ليالي:لا أحبيبة يلاه دابا ندوش ليك أو نلبس ليك حوايجك أو نمشيو نفطروا لتحت صافي أحبيبة.
شمس:اه واخا...ولكن واش أيكون بابا.
ليالي لي سكتات شحال او نطقات:ما عرفاش أحبيبة....يلا دابا نمشيو ندوشو.
شمس لي عقدات غباشتها أو دخلات مع ليالي لحمام....دوشات ليها ليالي أو لبسات ليها حويجها...جلساتها قبالتها أو بدات كتمشط ليها شعرها أو كتنشفو ليها سالات ليها ليالي أو هبطو لتحت لقاو العائلة لي كانت مجموعة فالطبلة ديال الفطور أو كاي فطرو.
لالة مليكة:صباح الخير حبيبت جداتها شنو هاد الجمال على الصباح.
مشات عندها شمس أو عنقاتها لالة مليكة لي جلساتها فحجرها أو باست ليها راسها.
شمس:جداا.
لالة مليكة:نعام أحبيبت جداتها.
شمس:فيناهوا بابا واش ماجاش.
سكتات لالة مليكة معارفاش بشنو أتجاوبها....نزار لي حنحن أو نطق.
نزار:لا أحبيبة ديالي ولكن غاي جي كان نواعد صافي.
حركات ليه راسها بلما تجاوبو أو ناضت أو مشات لكرسي ديالها أو جلسات بالمعاونة ديال ليالي...بداو كاي فطرو أو ليالي لي كاتوكل شمس.
ناض نزار أو نطق:بصحة فطوركوم عندي الخدمة كاي خسني نمشي ليها.
الحاج إبراهيم:واخا أولدي سير الله يعاونك.
خرج نزار أو خلاهوم كاي كملو فطورهوم.
.
.
.
.
.
♡ يــــــتبــــــع ♡
VOUS LISEZ
👑ليتني لم أحبك👑 (بدارجة المغربية)
Romanceسلام البنات مرحبا بيكم فقصة.... {👑 ليتني لم أحبك 👑} . . * ممنوع أخد القصة من دون إدني❌❌ -تأليف و الكتابة : @za3imaikram157. -وكذلك الغلاف من تأليفي: @za3imaikr...
