♡تـــــــــتـمــــــــة♡
.
.
.
.
.
.
أو هاكذا نقولو صبح صباح جديد أو بأحداث جديدة...دياب لي فتح عينو أو جاو فيها فالليالي لي ناعسة أو راسها لي صدرو بتاسم بخفة أو قبل ليها جبينها أو ناض للحمام دوش أو دخل لدريسينك إلبس حوايجو...أما لي فتحت عيني لقيت بلاصة دياب خاوية سمعت صوت دالما فالحمام عرفتو كاي دوش...بتاسمت من بعد ما تفكر أحداث البارح.
ليالي:واش يعني صافي تصلحات لعلاقة ديالنا، كاي خسني نقلو بلي أنا حاملة.
عند نعيمة لي تمات هابطة أو مشات نيشان لكوزينة بدات كدور فعينيها حتى شافتها كلثوم.
كلثوم:لالة نعيمة بغيتي شي حاجة واش كتقلبي على شي حد.
نعيمة لي ماداتهاش فكلثوم أو شيرات لواحد الخادمة.
نعيمة:نتي أجي بغيتك.
خادمة:أ..أنا.
نعيمة:أه نتي أو شكون من غيرك...تبعيني يلاه.
خادمة لي شافت فالبنات لي معاها أو فكلثوم أو تمات تابعاهوم.
كلثوم:ياربي سلامة معمرها أتبدل هادي.
أما نعيمة لي تمات طالعة لفوق أو الخادمة تابعها حتى دخلات للغرفة أو هي تنطق للخادمة لي بقات واقفة حدا الباب أو مدخلاتش.
نعيمة:دخلي دغيا.
دخلات لخادمة أو بقات واقفة كتسائل شنو بغاتها نعيمة.
نعيمة:عارفاك دابا كتقولي علاش معيطا ليك او كتسائلي.
خادمة لي حركات ليها راسها.
نعيمة:شوفي زينب أنا عارفة مزيان بلي ختك مريضة أو خسك لفلوس للعلاج ديالها...أنا أنعطيك لفلوس.
أو مسات لديك طابل دونوي لي كانت تما او فتحات لمجر لول او هزات واحد ضرف بيد او رجعات وقفات قبالتها او هزات داك ضرف قدام وجهها.
نعيمة:أنا انعطيك لفلوس ولكن بماقبل ديري ليا واحد الحاجة.
زينب سكتات او بدات كتفكرك.
نعيمة:شوفي زينب ما تحتاجيش تفكري نتي لفلوس محتاجة ليهوم.
زينب:أهيه...أو شنو بغيتيني ندير.
نعيمة مدات يديها لجيبها أو جبدات واحد قرعة صغيرة.
نعيمة:هاد دوا بغيتك تعطيه لليالي.
VOUS LISEZ
👑ليتني لم أحبك👑 (بدارجة المغربية)
Romanceسلام البنات مرحبا بيكم فقصة.... {👑 ليتني لم أحبك 👑} . . * ممنوع أخد القصة من دون إدني❌❌ -تأليف و الكتابة : @za3imaikram157. -وكذلك الغلاف من تأليفي: @za3imaikr...
