👑ليتني لم أحبك👑 (بدارجة المغربية)

👑Episode:01👑

.
.
.

كانت غادة جاية فداك كلوار أو هي خايفة وقفها دكتور لي خرج من ديك الغرفة.
ليالي:عافاك أدكتور كي بقات ماما

دكتور:ماماك فحالة خطيرة خصنا ضروري نديرواا ليها عملية حيتاش المرض ديالها غادي أو كي زيد أو هدشي كي هدد لحيات ديالها لخطر
ليالي: عفاك شوف كيفاش دير ليها عملية أدكتور أو غادي ندبر على الفلوس أو نجيبهوم ليك.
دكتور:كنتأسف منقدرش ندير ليها لعملية قبل ماتجيبي لفلوس.
ليالي:شكرا أدكتور غادي نحاول ندبر على لفلوس أو نجيبهوم.
دكتور:ماي كون باس .
ليالي:شكرا أدكتور.
مشا طبيب أو دخلات عند ماماها أو لقتها متكية على داك سرير أو هي عيانة
ليالي:ماما.

طلعات فيها عينيها دابلين أو مدات ليا يديها مشات بزربة أو جلسات فداك لكرسي لي كان تما أو شدات ليها فيديها.

ليالي:باش كتحسي أماما واش كدرك شي حاجة.

حيدات داك أوكسيجين لي كان على فمها او قالت بصوت عيان
لالةكنزة: لاباس أبنيتي مكضرني كتى حاجة، ماتبكيش أبنتي أنا معاك.
ليالي:ماما خفت بزاف خفت ماتمشي أو تخليني كيفما خلاني بابا.
لالة كنزة:بنتي ليوم أولا غدا غادي يدي مول أمانة أمانتوا كاملين بينا مكتب علينا الله نموتو .
ليالي: متغوليش كي بحال هاكا أماما، فراسك أماما لقيت لخدمة غادي نخدم أو نجمع لفلوس أو غادي ديري لعملية أو غادي توقفي على رجليك إنشاء الله.
لالة كنزة:بصاح أبنتي إيوا أش غان نجول ليك أبنتي سيري أبنتي الله يرضي عليك.
ليالي:أمين أماما أماما.

مشات هي أو ماماها لدار دخلات لكوزينة أو بدات كات توجد لعشا ماي ياكلو أجي ماعرفتكومش على راسي أنا سميتي ليالي فعمري 24 سنة أنا حروفي كوحل شعري كحل أو عيني عسلين كبيحال لون دلعسل شفايفي منفخين من عند الله أنا سمرا شوية عندي كل حاجة فبلستها...أنا بابا ميت ملي كان فعمري 18 ملي مات بابا حتا واحد ماوقف معنا لا من عائلة بابا و لا ماما كانت ماما كاتخدم فديور أو متجيب لينا مصروف باش ناكلوا أو باش نخلصوا لكرا ف ثلث سنين لخرا عرفت بلي ماما مريضة بلقلب فلول كان مرض ديالها عاد فمرحلة لولة ديالو مع لوقت بدا مرض ديالها كي طور أو كي خسها دير لعملية فأسرع وقت ماخليت حتا شي خدما ماخدمتهاش ماخليت قهاوي ماخليت ديور ولكن مصروف لي كنشد كي كفينا غي مع لكرا أو ضو أو لما شديت لباك ولكن مكنقراش أو مكنخدمش، ولكن لقيت خدمة صحبتي مامها كتعرف شي ناس كي خسهوم خدامة أو عرضات عليهوم أنا نمشي نخدم عندهم أو قبلوا أو كي خسني نمشي عندهم غدا.

سالات لعشا أو حطاتواا أو كلاوه هي أو ماماها أو مشات مع ماماها لبيتها حتا عطتها دوا ديالها أو نعسات او مشات لبيتيها أو بدلات عليها حوايجها أو تكات أو شدات تيليفونها او بدلت كات تهدر مع صاحبتها أبيل