~ تـــــــــتـمــــــــة ~
.
.
.
.
.
فالمستشفى هوما لي كانو واقفين كاي تسناو فالدكتور إخروج أو كلشي متوتر من أنها إوقع ليها شي حاجا....خرج طبيب أو قربو ليه.
الحاج إبراهيم:كي بقات واش هي بصحة مزيانة.
الطبيب:لا الحمد الله الحاجة بصحة مزيانة غير طاح ليها طونسيو...أو كاي خسكوم تحاولو ماتبقاوش تعصبوها حيتاش هادشي صعيب على صحتها.
سيد إسماعيل:واخا أ دكتور شكرا.
الطبيب:نخليكوم دابا تقضرو دخلو عندها.
دخلو عندها كاملين باش إشوفوها هي لي ضحكات ليهوم ملي شافتوهوم ولكن غير شافت دياب أو عي دور وجها لجهة خرا....قرب لعندها أو شد ليها إيديها أو باسها.
دياب:دادا باقي معصبة مني.
مجاوباتوش هو لي تنهد أو باس ليها راسها أو خرج عارفها باقا معصبة منو أو بغا إيخليها حتى تهدر تبعو نزار.
دياب جلس فالكرسا لي كان مقابلين مع الباب ديال الغرفة لي فيها جداه جالس أو شاد راسو نزار لي جلس حداه بقاو ساكتين شحال أو هو ينطق نزار بواحد الكلمة لي خلات دياب إيشوف فيه بكل عصبية.
نزار:تزوج أدياب.
طلع دياب راسو أو شاف فيه بكل عصبية.
دياب:شكاتغول حتى نتا.
نزار:اه أدياب تزوج صافي بركا ماتعدبنا معاك.
خرجات لالة مليكة أو سمعات هضرت نزار أو نطقات حتى هي.
لالة مليكة:صافي أولدي تزوج بركاا من هاد الحماق هافاك أولدي الله يرضي عليك جداتك مريضة ماتزيدش تمرضها.
دياب لي بقا ساكت ماجاوبهاش بدا غير كاي فكرر....عند ليالي لي كانت غادا جاية فداك الكولوار أو دموع لي عابطين من عينيها مابغاوش إوقفو وقفات من بعض ما شافت طبيب خارج من الغرفة.
الطبيبة:الأنسة ماماك فحالة حرجة بزافف كاي سها العملية فأسرع وقت ممكن ماي مكنش تكمل كياتها علي هاد الحالة.
ليالي(أو هي كتبكي):عافاك ديرو ليها العملية أنا...أنا أجيب الفلوس باش ما كان.
الطبيب:ماكرهتش ولكن هادو هوما قوانين ديال المستشفى مايمكنش ليا ندير ليها العملية من غير إيلا جبتي الفلوس،أو كان نعتادر.
مشا أو خلاها هي لي طاحت للأرض أو كتبكي...جات جيهان هي كتجريي.
جيهان:ليالي...ليالي ماديريش أصاحبتي هاد الحالة فراسك ماماك أتوليي بخير عفاك نوضي.
ليالي:جي..هاان...مابغا....وش إعت...قو ما..ما مابغاوش.
عنقتها جيهان بكل حصرة ماعرفاش أشنو أدير...هادسي كامل لي داز من بين عينين دياب أو نزار أو لالة مليكة.
نزار:ماشي هادي هي المربية ديال شمس.
لالة مليكة أو عينيها مغرغرين بقات فيها الحالة ديال هاد البنت:أه هي.
دياب لي غير كاي شوف أو كاي سمع لهضرتهوم.
لالة مليكة:كان نضن أولدي لقيت البنت لي أتزوج...أتزوج بالليالي أو بالمقابل أو نعطيها الفلوس للعملية ديال مها.
دياب:شكاتغولي الوليدة واقيلا حماقيتي لا مستحيل نتزوج بهاديك.
لالة مليكة:أنا هضرت أو هادا هو كلامي اللخر.
أو مشات أو خلاتو.
نزار:كان نضن هادا هو الحل المناسب.
دياب:اشنو كتغول حتى نتا.
نزار:من الأحسن تزوج باليالي بالمقابل تعطي ليها فلوس على قبل ماماها...أو لا تزوج بشي وحدة ماغديش تفك منك أو اتبقا لسقاك،لهوما تزوج بالليالي بنت ضريفة كي بحال ليالي أو ماغاديش تطمع ليك ف فلوسك أو الأملاك ديالك.
لالة مليكة لي مشات أو وقفات عليهوم أو نطقات:بنتي ليالي.
ليالي لي شافتها أو ناضت مسحات عينيها.
ليالي:لالة مليكة أشنو كديري هنا.
لالة مليكة:قصة طويلة أبيتي،يمكن ليك تجي معايا نهضرو.
حركات ليها ليالي راسها بلاما ماتجاوب.
مشاو أو حتى جيهان معاهوم أو جلسو فالكافيتيريا.
لالة مليكة:سمعت كلشي أبنتي فاش كنتي كاتهضري معاه،أو انا بغيت نعاونك.
ليالي:بصح ألالة مليكة.
لالة مليكة:أه أبنتي،ولكن أبنتي بغيتك تزوجي بولدي دياب.
ليالي لي تصدمات من هضرتها،لالة مليكة لي شرحات ليها كلشي أو ليالي لي بقات غير ساكتة.
.
.
.
.
.
♡ يــــــتبــــــع ♡
VOUS LISEZ
👑ليتني لم أحبك👑 (بدارجة المغربية)
Romanceسلام البنات مرحبا بيكم فقصة.... {👑 ليتني لم أحبك 👑} . . * ممنوع أخد القصة من دون إدني❌❌ -تأليف و الكتابة : @za3imaikram157. -وكذلك الغلاف من تأليفي: @za3imaikr...
