👑ليتني لم أحبك👑 (بدارجة المغربية)

👑Episode:03👑

فمكان آخر عند ليالي فالكوزينة كانو كاي وجدوا للعشا دخلات رئيسة الخدم حليمة او هي تقول.

حليمة:البنات سمعوني.

دار كولشي كاي سمع ليها

حليمة:نور نتي اتمشي تجمعي الحمامات غزلان نتي أتمشي تجمعي البيوت لي لفوق من غير ديال سيد دياب او نتي أليالي اتمشي تكلفي بالغرفة ديال سيد دياب او تجمعي الحوايج لي موسخين او نتي أ كلثوم تكلفي بالعشا كيفما ديما، صافي مفهوم يلا كل الواحد امشي لخدمتوا يلاه.

خرجات حليمة او خلات غزلان كتقلا فبلستها علاش ليالي تمشي تجمع البيت ديال دياب او هي لا شكون تكون هي باش تجمع ليه بيتوا بدات كتخنزر فيها اما ليالي لي حسات بشوفات ديالها ولكن ماتسوقاتش ليها او امشات تدير خدمتها طلعات مع نور باش توريها البيت دياب طلعات معاها حتى وصلو لحدا واحد الباب او وقفوا قبالتو او هي تنطق نور

نور: هاي البيت ديال سيد دياب، شوفي ليالي ردي بالك ماتهرسي شي حاجة حيتاش سي دياب مكاي تفاكش ماتوصليش لحوايج ديال مرتو واياك أليالي حيتاش ديك ساعة ماكاين لي فكك منو.

نطقات ليالي بتساؤل.

علاش فين هي مراتو؟او علاش هو صعيب كيبحال هكا او علاش كتخافو منو حتى لهاد درجة؟

نور:شوفي ماشي وقت أسئلة دابا سيري حتا نساليو او نعاود ليك كولشي صافي.

حركات ليها ليالي راسها او مشات نور او خلات ليالي لي فتحات الباب او دخلات مع فتحات الباب شمات ريحة روجولية بمتياز دخلات ليها مالأعماق ديالها حسات بشي حاجة غريبة و لكن معرفاتش شنو هي زادت دخلات او بدات كدور فعينها فديك الغرفة حتى شافت مزيان او بدات كتجمع فيها او تخملها او جمعات الحوايخ لي محطوطين من فوق السرير هزاتهوم أو بدات كتشم فيهم معارفاش علاش كتشم فيهوم واش حيتاش عجباتها ريحة حيدات داك شوميز من نيفها او حطاتو فشبكة فين كنحط لحوايج ديال تصبين دارت او بدات كاتغاد فالفراش او هي تلفت إنتباها واحد تصويرة ديال واحد المرا كانت محطوطة تما هزاتها او بدات كتشوف فيها،كانت تصويرة عالية لي كانت مصورة او هي كضحك نطقات ليالي

ليالي:واش تكون هادي هي مرات سيد دياب شحال زوينة.

قاطع شرودها صوت لي رجولي صوت لي خلاها تهز من بلاصتها

دياب:شكون نتي او شنو كديري فبيتي.

حطات ديك تصويرة بزربة او هي مخلوعة او لاخور لي كان متبع حركتها، نطق مرا خرا بصوت لي يخليك تجمد من بلاستك.