سلام البنات مرحبا بيكم فقصة....
{👑 ليتني لم أحبك 👑}
.
.
* ممنوع أخد القصة من دون إدني❌❌
-تأليف و الكتابة :
@za3imaikram157.
-وكذلك الغلاف من تأليفي:
@za3imaikr...
فالقصر جالسين فالطاولة الطعام أو كاي ياكلو العائلة مجموعة أو كان سكوت سيد المكان حتى هضر الحاج إبراهيم.
الحاج إبراهيم: ولدي دياب واش باقي ما كاين حتى شي خبر.
دياب لي بغا يهضر و اكن تيليفون بدا كاي صوني ليه كان الإتصال من الغارد...جاوب دياب او نطق.
دياب:أشنو كاين.
الغارد:سيد دياب أم ديال السيدة ليالي ماتت للأسف.
دياب لي ناض بإنفعال أو قال.
دياب:كيفاش،أو ليالي فيناهيا.
الغارد:السيدة ليالي فقدات الوعي أو هي دابا فالغرفة كاي فحصها الدكتور.
هو لي سمع الطبيب كاي فحثها تعصب و لكن مابينش.
دياب:واخا أنا جاي ماتحركش من تما حتى نجي.
قطع الإتصال أو نطقات لالة مليكة.
لالة مليكة:ولدي أشنو واقع واش نجحات العملية.
دياب (ببرود):لالة كنزة ماتت.
كلشي تصدم أو حزن على هاد الخبر أو خادمات كذالك.
لالة مليكة: أه أولدي أو ليالي شنو حالتها فيناهيا.
دياب:فالمستشفى أنمشي نجيبها.
الحاجة زهور:واخا أولدي سير.
نزار:تسناني أ دياب أنمشي معاك.
ناض أو تبعو خرجو أو كل واحد ركب سيارتو أو مشاو نيشان للمستشفى.
فالغرفة ليالي لي كانت متكية أو ناعسة أو داك الخيط ديال سيروم لي فيديها أما جيهان لي كانت جالسة هي أو لالة عائشة جالسين قبالتها متحسرين على حالتها.
جيهان:دابا أماما إيلا فاقت أشنو أدير أو كيفاش أتعيش بلا ماماها.
لالة عائشة:أتقبل كاي خسها تقبل أبنتي راه عارفة بلب صعيبة بزاف تفقد باباها أو دابا ماماها و لكن الله بغاهوم.
دارت عندها جيهان كتشوف فيها أو كتبكي...علات عينيها هي أو لالة عائشة فاش سمعو الباب تحل، لالة عائشة لي كاتشوف فيهوم بإستغراب أما ناضت جيهان أو مسحات عينيها أو نطقات.
جيهان:سيد نزار،سيد دياب.
لالة عائشة:بنتي شكون هادو واش كتعرفيهوم.
جيهان:أه أماما هادا سيد نزار رئيس ديالي فالشركة.
أو شيرات ليه نزار لي حرك ليها راسو أو بتاسم أو شيرات جيهان لدياب أو بلعات ريقها أو نطقات بتوتر.
جيهان:أو هادا سيد دياب راجل ليالي.
لالة عائشة:كي....كيفاش راجلها.
جيهان:أه أماما راجلها.
لالة عائشة:وقتاش وقع هادشي أو أنا مافراسيش أو المرحومة واش كانت عارفة بزواجها.
حركات ليها جيهان راسها بلا أو حنات راسها.
لالة عائشة:أه أجيهان أه...علاش....
قاطع كلامها صوت ليالي لي شادة فراسها.
ليالي:اه...اي راسي فين أنا.
دورات عينيها فالغرفة أو شافت هادوك لي واقفين كاي شوفو فيها.
ليالي:أشنو كان ندير هنا...أو شنو وقع ليا.
لالة عائشة لي قربات أو جلسات حداها.
لالةعائشة:والو أبنتي غير هبط ليك ضغط أو فقدتي وعيك.
ليالي لي بقات ساكتة أو بدات كتذكر داكشي لي وقع...حركات راسها بلا أو شدات كتاف د لالة عائشة أو نطقات.
ليالي:خ...خالتي خالتي ماما فيناهيا متغوليش ليا داكشي لي وقع ليا صحيح.
لالة عائشة: تهدني أبنتي أو ماديريش فراسك هاد الحالة.
ليالي نطرات سيروم لي فيديها بجهد حتى خرج ليها الدم أو بدات كتنطق كي بحال شي حمقة.
ليالي:لا...لا ماما ما ماتتش غير كتكذبو.
أو ناضت بغات تخرج من الغرفة أو وقفها دياب لي شدها من يديها.
دياب:فين غادا رجعي جلسي.
ليالي:لا طلق مني أنمشي عند ماما.
دياب:ماماك ماتت صافي تقبليها.
نطرات منو أو خرجات من الغرفة كتجري خلاتو هو لي تابعها أو كي عيط ليها و لكن ماكتكلمش ليه،خرجات من المستشفى كتجري أو لي شافها ها لي كاي قول عليها حمقة أو ها لي متحصر على الحالة ديالها واخا ما عارفش شنو طاري ليها أما هو لي تابعها غير شاف واحد الطونوبيل كانت جاية من جهتها أو نطق.
Oups ! Cette image n'est pas conforme à nos directives de contenu. Afin de continuer la publication, veuillez la retirer ou télécharger une autre image.
