مسكين من قد بليِّ بالغرام ♡

الجزء السادس

ــــــــــــــــــ ༺༽ ༼༻ـــــــــــــــــ

لبست الدبله و ناظرت نفسها بالمراية
: أنا مو غبيه عشان ما أعرف أن في
وحده بحياته أو شاغله تفكيرة..!
مافي أنسان غامض لهدرجة؟!
أسبوع كامل مايكلمني ولا يطالع بوجهي!!
وطول الوقت طالع و الصبح عنده شغل!
أي أنسان هذا الي يترك عروسة
بأول أسبوع لهم مع بعض!!
شهر العسل و عديته لأن مو متعارف
عليه عندهم ولا ياءمنون أن
في شي أسمه شهر العسل!!
لكن الظاهر أنه عايفني و مايبي قربي!

سمعت صوت الباب يفتح
لفت تشوف و لقته داخل:
السلام عليكم.
غزل: وعليكم السلام.
عنتر: أجهزي جدتي اليوم بتجي.
غزل:أن شاء الله.
عنتر توجهه للدولاب أخذ تيشرت
ولبسه بسرعة و تعطر.

ريحة عطره مو طبيعيه ما تقدر تميزها
هل هي دهن العود أو أنها عطر ثقيل
ما تقدر تحدد أي نوع من العطور
لأن له رائحه عجيبة ماقد شمتها بأحد
من قبل، ولا عمرها أختلطت عليها
الروائح، طول عمرها تعرف تميز
أن كان العطر ثقيل أو عود أو حتى مسك
لكن عطرة على قد ما تشمه بأنحا الغرفة
على قد أنها ما تمل من ريحته الفواحه.

عنتر مشط شعره الي يوصل لتحت أذنه
و ناظرها من المراية: عندي شغل
الأن لما أرجع بدق عليش.
غزل: طيب.
عنتر بعقده حاجب: جملة مفيده طيب؟
غزل باسغراب: وش تبيني أقول يعني؟
عنتر: مدري، الله معك مثلاً
أو تروح وترجع بالسلامة.
غزل بتعجب: ليه مسافر أنتَ..؟
عنتر أبتسم بهدوء و توجه لها: لا.
غزل: أجل؟
عنتر عدل خاتمة الي مزين خنصره:
برجع بعدين ولنا كلام طويل لا تنامي.
غزل هزت رأسها بـ زين وهي مركزه على خاتمة.
عنتر ناظرها و ناظر الخاتم: هذا
خاتم عقيق يمني من أجمل و أفخم
الخواتم في العالم بالنسبه لي
مشهور عندنا وعند معظم العرب
نلبسه زينه لكنه غالي وله قيمه
كبيرة جداً، وخاصة عندي لأنه حق جدي
و متوارث من قبل عند عائلتنا.
غزل بعفويه مسكته: ليه لونه غريب؟
عنتر تأملها وهي ماسكة يده و
مركزه ع الخاتم و قال بابتسامة:
لونه غريب لأنه أحيان تشوفينه مثل النار
الي تقدح و الشرار يتطاير من حوله
و مرات تحسينه مثل الدم
الي سفكت في الحروب.
تنفس بعمق و بعد شعرها عن وجهها:
تبي حاجة قبل أروح؟
غزل بابتسامة وهي خجلأنه من حركته: لا.
قربها منه و بأس خدها بهدوء:
مع السلامة.
غزل باحراج لفت شعرها لورا
: في حفظ الله.
طلع و تركها خلفه، كأنه ينفي أفكارها
و أستنتاجها قبل شوي!!
ولا كأنه مقاطعها أسبوع كامل ما يكلمها
ولا يناظرها، و يحاول مايكون متواجد
طول الوقت، و في الليل يجي ينام
بهدوء ويروح شغله بهدوء؟!
غزل ناظرت نفسها بالمراية: ي أنا
مقدرت أفهمه ي هو جداً غامض؟!
غموض لاااا نهائي مارح نستمر كذا أبداً!!
ي أنك توضحين له أنه غامض
وماتقدرين تفهمينه، ي أنك تطلبين
منه توضيح لتصرافاته الغريبه؟؟!
....