زينة الهاشم 💝

الجزء 2

زينة الهاشم 💝
الحلقة02:
حكيت معاه شوية وانا بيا غير الكرهة ،المهم هدرت مع مريم قلتلها عليه قاتلي يا نندب ملقيتي علامن طيحي قالتلي خامج وغير نتاع شيرات المهم مديتش على هدرتها قلت راني نحكي غير معاه فالفايس وكان ديما يقولي اتهلاي وصي باباك يبعثلك كوسميتيك وجيبيلي نبيع فالحانوت عرفتو طماع قلت شادة بيه الوقت المهم وحد النهار كان تالي نتاع الفصل اأول قلت نفوت ليه للحانوت ونروح للدار ضوك العطلة مانوليش نخرج بزاف المهم أنا تما حتى دخلت وحد الطفلة وهو وجهو تقلب حكات سافا سافا ممبعد شافت فيا وسقساتو قاتلو هذا الجديد هو تبكم ممبعد قاتلو والله عيب عليك تلعب ببنات الناس قاتلو بوبية كيما هذي يلعبو بيها وخرجت جا يهدر معايا زربت خرجت شوية لقيت ذيك الطفلة تعيطلي تلفت ليها قلتها انعم قاتلي شوفي والله منبغي الضر لحتى طفلة المهم الطفل هذا راه باغي يلعب بيك علابالو بلي باباك في فرنسا راه طامع باه يديرك طريق ردي بالك منو ومن أمثالو ، رحت للدار وانا مغمومة شحال كرهت روحي وشحال حسيت روحي رخيصة تفكرت هدرتو لي كانت كامل طمع غاضني الوقت لي كنت نضيعو معاه وزادت يما كملت عليا زعفت عليا بزاف خاطر كي راحت جابت كشف النقاط الاساتذة قالولها بنتك راها تتهاون وهبطت بزاف فالقراية بدات تقولي واش لي ملهيك على قرايتك واش لي راه شاغلك المهم بهدلتني الغدوة من ذاك رحت لمريم لدارهم حكيتلها قاتلي قتلك ومبغيتيش تاخذي الراي.
قاتلي زينة نقولك بصح متزعفيش والله غير نتي شابة ولي يشوفك يتمناك على زينك مالا خلي كي يعرفوك ويعرفو عقليتك يهبلو عليك بصح نتاع الحومة ولي يعرفو بلي باباك في فرنسا غير اخطيك منهم خاطر كامل باغيين يديروك طريق وخويا واحد منهم ،هدرتها توشاتني بصح هذي هي الحقيقة المرة منها كرهت الحب وسيرة الحب شوية حتى وراتلي فوطو نتاع وحد الجان يهبل عيطت قولتلها شكون هذا قاتلي اسكتي يا جدك افضحتينا قاتلي هذا واحد تعرفت بيه اسمو صالح يقرى 5 يعني عامو التالي قلتلها مخفتيش خاوتك يشوفو الفوطو مسحتها قاتلي بغيت غير نوريهلك ،المهم صرعتني بصالح هذا ممبعد قلتلها يا خداعة ونجيب ضحكت قاتلي ياك هو خدع الاول خطب وخلاني ههههه قاتلي ما عنداك قاتلي نجيب كان كيما خويا نحس فيه الامان مش كيما خاوتي ومكنتش نعرف كي خبرت ماما باش نبهتني قاتلي كان يعجبني كي نروحو ليه نقولولو تبلاونا جامي يرجع علينا يروح ليهم مش كيما خاوتي يرجعو عليا ويقول لي نتي ضحكتي معاهم ولا نتي لبستك ،شحال كانت تعجبني العلاقة نتاع مريم ويماها تحكيلها كلش وهي تسمعها وتنصحها مش كيما أنا ويما ممكن مين يما كبيرة بزاف متفهمنيش مرات نتمنى كون ماما عايشة يا ترا كون كنت أنا وياها كيما مريم وماماها.
رجعنا للقراية زيرت روحي مليح والحمد لله جبت الباك وفرحت وفرحتهم كامل معايا ، كريمة وسعاد قالولي روحي كملي قرايتك في فرنسا عند باباك يما مقالت والو بصح حسيتها حزينة ومش باغية وحتى أنا معلاباليش بصح متحمستش للفكرة ممبعد حسمت القرار وسجلت في الجامعة نتاع مريم يما محبتش المرة الأولى ممبعد حاولتها وزاد نجيب قاللها راها مع مريم متخافيش عليها و كيما كان رحت مع يما ونجيب ومريم سجلنا أول مرة وعجبتنا بزاف صح بعيدة بصح ولاية هايلة وزاد الجامعة ولاسيتي بزاف شابين وقراب في وسط البلاد المهم يامات ودرنا عرس نجيب دارتلو يما عرس هبال قاتلنا وليدي واحد ونفرح بيه شطحنا ودرنا لومبيلونص هبال ومرة مرة نهبل مريم نقوللها شوفي ضرتك شابة عليك وهي شايخة مش قاع سامعة بيا تقولي ان شاء الله كي اليوم نتصدر في بلاصتها مع صالح قلتلها ان شاء الله وانا في قلبي خايفة لا كي كمل قرايتو يجبد عليها وهي عاشقة فيك حد الجنون