زينة الهاشم 💝

الجزء 12

زينة الهاشم 💝
الجزء 12
الصباح رحت مع سعاد شفنا الفراش صورتلو وبعثتهم قلت نديرهم سبة بالاك يعيط  والو معيطش العشية دخلنا للدار غسلت ورحت نعاون في سعاد فالعشا حتى قاتلي هشام اليوم معيطلكش كيما موالف غير الخير سكت قاتلي مدابزين قتلها ايه قاتلي علاش قلتلها كلش قاتلي زينة انتي غلطتي نورمالمو مش هكا الهدرة  بالمساعفة تغلبيه قاتلي أنا منقولكش تعرايلو بصح تعلمي كيفاه تقضي منو الصالحة وتاني باين بلي راجلك سخون حشمت منها قاتلي متحشميش أنا حاباتك تعرفي تكسبي راجلك خاطر راح تتغبني معاه بزاف فالفراش بقات تحكيلي وتفهم فيا  تعشينا غسلت أنا الماعن ورحت شديت بلاصتي غلقت الباب بالمفتاح ولبست هذيك النويزات وطلقت شعري درت غوج غوج فاقع عيطتلو محبش يرد بعثتلو ميساج اذا ليبر عيطلي بلاكام  معيطش تصورت وابعثتلو الفوطو لقيتو عيط بلاكام فتحت شفتو متكسل وداير ذراعو على عينيه  وداير الكيتمان قتلو احكي معايا علاش ساكت قالي نعسان حاب نرقد قتلو اسمحلي ديرونجيتك تصبح على خير لقيتو ناض وقالي وين رايحة ربك اشعلتيني ورايحة قتلو نتا قلت بلي نعسان قالي زينة خلاص اسكتي بقينا ساكتين بقيت نسمع فالنفس نتاعو غير يقوى قتلو هشام قالي يا عيون هشام عرفتو بلي خلاص راح فيها  قتلو اسمحلي مش قصدي هذيك الهدرة قالي حبيبي والله نموت عليك علابالي كثرت عليك بصح احسني عوني منيش قادر بلا بيك يا زينة والله نبغيك نعشقك نتناك عليك  قد ما نقولك متعبرش على واش نحس من جهتك أمنيني كي منحكيش معاك نولي مودر نولي ندابز بلا سبة قالي علابالك اليوم دابزت صالح حتى قالي روح شوف زينة نتا الوحش عماك  بقى غير يحكي وانا نذوب كون زاد غير شوية كون قتلو خلاص غدوة أرواح ديني مكان لاعرس لا جداماليه .
الصباح صبحت على سعاد فرحانة قاتلي راهم ترونجاو قتلها ايه خلاص قاتلي مزية قاتلي زينة كامل روحي معاهم بالقباحة إلا هشام سايريه والله تملكيه بمعنى الكلمة قلتلها ان شاء الله.مع العشية حكيت معاه قالي حبيبي باغي نجي غدوة نشوفك قتلو معليش حتى نشاور سعاد باش منديرهاش مشكل مع راجلها قالي عندك الصح حبيبي سقسيتها قاتلي معليش بصح قولو التالية مبقاش بزاف للعرس ها توحشها شوية اسمعها قالي قوليلها ديما متوحشها  ،فالليل حكينا غير شوية مطولناش بصح مجانيش نوم بسيف ما رقدت  الصباح نضت لبست لاغوب اي جابهالي صالح مع خمارها  شربت قهوة ستنيت شوية عيطلي قالي راني وصلت خرجت مشيت شوية لقيتو ركبت معاه فالطونوبيل سلمت عليه وديمارا طريق كامل شادلي يدي ويشوف معايا حتى خفت قتلو رد بالك على الطريق ولا يضحك قالي  هبلتيني علاه زينتي هكا قتلو بركا الشمس راها حارقتني تالمو نظل برا قالي يادرا كملتي ولا مزال قتلو نوغمالمو قالولي بقات حاجة خفيفة قالي مزية حتى تفكر قالي حبيبي كريتي صالة ياك نسيت كامل مسقسيتكش قتلو لالا مش راح ندير عرس قالي علاه قتلو معندناش غاشي بزاف ندير حاجة خفيفة  قالي معليش حبيبي لي تساعدك قتلو علابالك بابا مش جاي عنقني قالي واش تفاهمنا قتلو بصح هذا فرحي عرسي كيفاه ميحضرش وليت نبكي قالي زينة والله ما نحب نشوفك هكا سيرتو كي نبقى عاجز ومنقدر نديرلك والو صحا عمري خلاص خلينا نفرحو مبقاش بزاف وتجي حبي عندي نولي نرقدها عندي قتلو نولو نرقدو منسهروش قالي علاه قتلو خاطر نكونو مع بعض وكلش حكيناه ولا يضحك قالي نسهرو بحاجة وحدوخرى حشمت هبطت راسي قالي صحا وين تحبي نروحو للبحر ولا للغابة قتلو الغابة خير قالي أوكي حبس شرا الغدا رحنا لبلاصة شابة اصطالينا صوالحنا وبقينا مجمعين ونحكو كانو وحد لولاد صغار يلعبو بقينا نشوفو معاهم حتى قتلو حنوني كون يكتب ربي ومنجيبش ولاد تسمح فيا قالي زينة واش هذي الهدرة قتلو جاوب قالي وبالاك أنا منجيبش ولاد مش انتي قتلو أنا نبقى معاك طول عمري جامي نسمح فيك قالي وحتى أنا منسمحش فالزين نتاعي وبدا يغنيلي فالغنية نتاع بابيلون يازينة مادرتي فينا  ممبعد قالي حقا حبيبي قالي صالح مريم دخلت شهرها قتلو ايه قاتلي وزيد متقدرش تجي تحضر معايا عرسي قالي نوغمال تحضر عندي المهم تلقايها قتلو ايه بصح خايفة تولد نهار العرس بدينا نضحكو قالي لالا ان شاء الله متديرها بقينا تما تغدينا حكينا مع بعض حتى مع العشية قوتلو نروحو باش ندخل للدار بكري وزاد نتا تروح في ليتساع قالي أوكي لمينا كلش وركبنا فالطونوبيل كان مقريها في بلاصة فارغة بصح كاين لي زاجون هبطلي الكوسالة نتاعي قتلو علاش قالي تكسلي عمري. تكسلت بقى يبوس فيا من عينيا من نيفي وهبط لشواربي بقى يبوس فيا بالشوية استحليتها تفاعلت معاه بقى يبوس ويعض بالشوية بقينا مدة هكاك ممبعد ولى يهدر في فمي نبغيك عمري هابل أنا عليك قتلو حتى أنا نموت عليك قالي لالا عيشي بيا وليا حبيبي شوية ناض  سقملي الكوسالة قالي شكون قال أنا نعشق ويصرا فيا هكا ووقتاه على كبري يا ربك لي مدرتهاش فالمراهقة راني ندير فيها ضوكا تبسمت معاه وصلني قريب للدار ومدلي صاشي كبير قتلو واش هذا قالي صوالح تحتاجهم حنونتي قتلو يعطيك الصحة حنوني ونزلت رحت للدار غير دخلت شفتهم لقيتو جابلي لباس شاوي باج بالدوغي هبال بيه بالاكسسوارات نتاوعو سخاب والجبين بوشات وصباط دوغي قيستهم جاوني تحفة صورتني سعاد وبعثتهملو قتلو ربي يحفظك حبيبي ويخليك قالي بلا مزية حنونتي بصح والله جاوك هبال بصح القالب غالب.
جوزت قريب 10 أيام عند سعاد ورجعت للدار قاتلي صليحة السماطة بلا بيك والله راني نخمم كي يدوك كيفاه يصرالي والفتك ياسر وكي كنتي فالجامعة دايرة حساب نتاع جي الويكاند والفاكونس ضوكا كيفاه عنقتني هيا تبكي وانا شابعة نواح، جات كريمة وسعاد وبداو لبنات يخملو فدوزاني ربطوه بالحاشية وتاني شافو واش يخص باه نشروه ، سقساني هشام علا لاشومبر قتلو خيرها نتا ، قضات صليحة دوزان القاطو وقاتلي قولي لهشام إذا نخدملو حتى هو قتلو قالي قوليلها يعطيك الصحة بصح نوغمالمو كمونداو تهلاي فيا  غير بالبقلاوة كيما موالف ، قاتلي مكاش مشكل كامل خدمتلي بقلاوة ، عرايش ، مقروط، مقروط اللوز ، زوج لي مودال صابلي بالشكولا هذو باش نديهم معايا وفالدار تفاهمنا باش نديرو عشا وسهرة مالا خدمتلي مقروط وقريوش للسهرة وشوية لي قاطو ساك باش لي يجو مع العشية نحطولهم مع القهوة وللكورتاج قاتلي طريق طويلة ومش حابين يفطرو مالا نخدملهم لي صالي خير بقيت نحكي مع هشام قتلو شوف واش خدمتلي قالي يعطيها الصحة والله فريمو متهلية فيك قتلو والله حاسبتها مع خواتاتي كريمة وسعاد مش مرات خويا ممبعد قتلو قالولي لبنات دوماج مكيش بدارك وحدك كون دينا قشك قبل العرس من جهة باش ما يجيناش الضيق ومن جهة باش ميخربولكش فيه حتى قالي زينة إذا نجي نديلك قشك نوغمال وعندنا دوزيام ايطاج فارغ كنا راح نبنوه مي الله غالب هذوك اليامات توفى بابا الله يرحمو مالا مكملناهش بصح فيه زوج بيوت مخدومين نحطلك قش تماك وكي جي خمليه بالشوية كي قلت لخواتاتي عجبهم الحال قالولي يدير فينا مزية مالا تفاهمنا على نهار وجا داه وكيما حاول معاهم قاللهم خلوني نشوفها مخلاوهش مدتلو صليحة بوات نتاع بقلاوة قاتلو اسهر بيها حتى جي زينة ولاو يضحكو  راح بلا مانشوفو فالليل عيطلي قالي حبيبي واش وصيتك مش قتلك متكلفيش روحك واش كامل هذاك الدوزان والصالون علاش وين راح تفرشيه قتلو مكلفتش روحي نوغمالمو هذاك صداقي قضاو منو والصالون قالولي لبنات كي تروحي عندهم تعرفي وين ديريه ،  قالولي خواتاتي ديري ليماش بصح هشام محبش قالي خلي شعرك كيما راه ، قالي بلي  من عادتهم هوما أهل العريس يروحو للعروسة نهار عرسها يحنولها لقيناها متخرجناش للزوج هو بزاف المصروف عليه وزيد التعب  الطريق بعيدة وحتى أنا زيادة مصروف ومع الضيق مالا أبونديناها لحق عرسي درتو باربعة أيام قبل ما يدوني باش نفرزو الحالة في دارنا وتاني نريحو شوية قبلها بيوم داوني الحمام غسلولي خواتاتي كيما البيبي الصغير  وكي كملنا درنا قعدة بالدربوكة ودينا معانا قاطو وجي سربيناهم للنسا تما جوزناها هايلة غدوة حتى بعد الغدا رحت للحفافة كنت متفاهمة معاها دارتلي كواف سامبل ومكياج الله الله خواتاتي كانو مشطو الصباح باش العشية يستقبلو الغاشي لي يجي وانا عشية رحت مع أخت صليحة شهيناز صغيرة عليا بعامين المهم جاو نسا عمومي في خمسة مع بناتهم وعمتي علاقتي معاهم سطحية جدا  وتاني أهل راجل سعاد وكريمة عرضنا أم صليحة وخواتاتها وجات مامات مريم وختها واحدة ووحدين جوارينا مش غاشي بزاف مع العشية كامل كي تلمو خرجت عندهم لبست صواغي جاية فالبلون كاسي على الحواشي نتاعها ستغاس أغجون هي ساتان ستيل حوتة ببليمونش قونفلي وترومسبارو وتاني بين الصدر ترونسبارو والظهر كامل عريان بعثهالي بابا مع صاحبو كان جاي وبعثلي معاه كوسميتيك ولبسة  مام فارسالي دراهم  شراتهملي سعاد كامل صياغة المهم لاغوب جاتني تحفة هشام هبل عليها قالي دوماج عريانة كون خرجتي بيها ، تصدرت مع لومبيونص  والقصرة لحق وقت العشا  دخلت لبيت نجيب تعشيت وهوما عشاو الناس كي كملو جاو لبسولي شدة تلمسانية حناولي بيها وشبعنا بكا سيرتو أنا تمنيت يما عايشة وراها تحنيلي تمنيتها تفرحلي كيما فرحت بخواتاتي وبخويا تمنيت نتاع الصح كون ماما حية وفرحت ببنتها مثل كل أم ولكن للأسف المهم جازت كي كملت جمعت فالبيت عيطت لهشام باركلي وحس عليا واش واجعني خلاني على راحتي بقى يقولي حبيبي شحال كنتي شابة تهبلي حكينا غير شوية ورقدت خاطر كنت تعبانة ، الغدوة منو عاونت لبنات فرزنا الدار خملناها رجعنا كل حاجة في بلاصتها مالغري هوما محبوش بصح أنا قلتلهم لالا نتعاونو واليومين لخرين جوزناهم روبو ولحق يوم الخميس لي يدوني فيه.
نهار الاربعاء فالليل دارتلي شهيناز ابيلاسيون من كامل جسمي بالرجينة والخميس بكرت على 5 للحفافة أنا وياها وسعاد خاطر رايحة معانا وصليحة وكريمة بقاو يوجدو في لي صالي دارو ميني بيتزا وكورني فاغسي بالفرماج والطون ، وكي مشطو سعاد وشهيناز تبادلو مع صليحة وكريمة المهم  مشطت أنا دارتلي مشطةبزاف شابة ومكياج باهي نتاع الصح خرجت اللهم صلي على النبي ما شاء الله جيت للدار روبوزيت شوية كي ولاو قريب يوصلو عيطلي قالي عمري مبقالناش ملا نضت لبست لاغوب بلونش خيرت وحدة مستورة كامل ببليمونش خاطر هو وصاني قبل 9 كانو لحقو عندنا سرباولهم المملحات والجي والقهوة فالطونوبيلات منزلوش خرجت تحت جناح نجيب وهذا الأصح خاطر هو لي رباني بالبارود والزغاريت  هابلة بالبكا مدني لهشام وقالو تهلا ضوكا راها أمانة عندك قالو متوصينيش على عينيا ركبني فالطونوبيل وركب معايا لقيت صالح يسوق ومعاه باباه من القدام بقى هشام يسكت فيا ديمارينا بقيت نشوف معاه لابس كوستيم ماغون بشوميز بلون ومطراسي اللحية خارج تحفة مع لي متوحشاتو عندي بزاف مشفتوش  حكينا غير شوية ممبعد قالي حنونتي ارقدي ريحي شوية علابالي تاعبة حطيت راسي على كتفو رقدت شوية بصح ديرونجيت من لاغوب نتاع الصح ندمت لي خرجت بيها وكان مرة مرة يقولي إذا عييتي ولا نضريتي  نحبسو نقولو لالا المهم وصلنا للاصال لي كاريينها  استقبلتنا يماه بالتمر المحشي والحليب دخلنا لصالة صغيرة غير أنا واهلي راحو معايا خواتاتي صليحة وسعاد وكريمة ، يمات صليحة وختها شهيناز ونسا عمومي زوج ومامات مريم والحلوفة لقيتها تما صاي ولات من أهل العريس ودلاعتها حتى لفمها روبوزينا ممبعد جابولنا تغدينا  أنا تالمو تعبانة رقدت شوية لقيتهم نوضوني قالولي راها الربعة هذاك هو الوقت نضت عدلتلي سعاد المشطة فالحق مخسرتش خاطر خبرنا الحفافة بلي رايحة بعيد مالا كثرتلي لالاك ، مام المكياج عاودتلي غير الغوج ولبسولي كراكو باش نفتح بيه ومدولي محبس المقروط قالولي سربي للناس قلتلهم كيفاه هذي حابين تخدموني وانا عروس ولاو يضحكو قاتلي صليحة غير الأولين وحنا نكملو عليك المهم خرجت ليهم وأنا الرجفة حاكمتني سيرتو كي لقيت الصالة معبية الله يبارك عندهم غاشي كبير تصدرت شوية ودخلتني سعاد  لبسولي غوب كابيل ومدولي قلة نتاع الما قالولي رفديها على كتفك قلتلهم بزاف قاتلي مريم ياك فارغة علاش عاجزة اصبري ترفدي ما كثر ودارت يدها على كرشها ولينا كامل نضحكو تاني خرجت بيها شوية دارولي غنا قبايلي نوضوني شطحت عليه  وقعدت تاني شوية وخرجتني شهيناز جاو يلبسولي الشدة قلتلهم عييت خلاص مش قادرة استناوني روبوزيت 10 دقايق ولبسولي خرجوني بالشموع لقيت الغاشي كل باهت ومخلوع هنا تاكدت صح كل واحد وعاداتو تصدرت شوية وعاودت دخلت قلتلهم خلاص والله تعبت بزاف منزيدش نلبس قالولي كيفاه مزال الوهراني والملحفة والسواغي والقفطان  قلتلهم والله مراني قادرة خلاص قاتلي مريم على الأقل البسي الشاوي حتى قاتلي سعاد ايه على خاطر هشام البسيها لبستها سيف خلاص تعبت حبيت نرقد برك لبست الشاوي  ولبست معايا مريم تاني الشاوي نتاعها وخرجتني ولات عجوزتها تصلي وتسلم على النبي قاتلنا الله يبارك خرجتو تحفة تصدرت شوية ودخلت زدت خرجت بالقفطان الاحمر لي جابولي ودخلت.