زينة الهاشم 💝

الجزء 13

زينة الهاشم 💝
الجزء 13
عيطت لهشام قتلو راح نلبس لاغوب بلونش قالي أوكي حنونتي راني برا كي توجدي عيطيلي ندخل لبست لاغوب وعيطتلو شوية قواو الزغاريت عرفتو جا حكمتني الرجفة دخل عندي قالولهم سامحونا شوية معليش ضحكو أنا حشمت مت غير خرجو باسني من فمي قالي توحشتك العمر تبسمتلو قالي وقيلا متوحشتينيش قتلو سي توحشتك ضمني ليه شوية وقالي هيا إذا بقيت هنا متفراش خرجنا ولاو كامل يزغرتو علينا شفت صالح وخوه و ولاد عمهم آخر،كنت رافدابالونات حمورة وبيوضا جاو الاطفال يجرو حابين يدوهم حتى قالتلهم سعاد فيهم البوقالات سربيتهم للعزبات بديت بأخت هشام ، لبسلي الخاتم وقطعنا بياس مونتي شطحنا مع بعض دارولنا بلال الصغير واليسا جوزناها هايلة ممبعد عاود رجعني للبيت لي كنت فيها قالي حبيبي تعيشيلي اصبري شوية ندير حنتي ونجي نديك قتلو أوكي ممبعد قالي نحي وروبوزي كي نكمل نعيطلك البسي لاغوب لي لبستيها في داركم بصح ديري البرنوس أوكي قتلو أوكي عاود باسني وخرج دخلو عندي لبنات قلتلهم نحولي قالولي اصبري ضوك يجي يديك قلتلهم منروحش بهاذي نحيت وتكسلت هوما بداو يعشو فالنسا لي تما جابولنا تعشينا قاتلي مريم كولي شوية مع الحشمة نتاعك باينة راح تباتي بلا عشا وضحكو تعشينا وانا كل ما يفوت الحال نزيد نخاف ونتقلق حسو عليا بداو يلهيو فيا بالهدرة حتى قريب 11 عيطلي قالي راني جاي نضت لبست بصح مقدرتش نوقف ولاو يكورجو فيا قاتلي سعاد متخافيش هذا هشام مراحش يآذيك بسيف درت الكوراج لبست خرجوني للصالة دخل هو وصالح شافني بلا برنوس وجهو نقلب جا طول عندي نحا لسعاد لبرنوس من يدها ولبسهولي كوفراني كامل بيه خرجنا ركبت غير أنا وياه في طونوبيلتو ديمارا وهو ساكت أنا خلاص من الاول كنت خايفة وزاد ضوكا زعف يا ربي وتفوت الليلة على خير شوية حتى قالي زينة واش بيك شفت معاها وعينيا مغرغرين دموع قالي حبيبي متخافيش علابالي عيانة وتاعبة مراح نديرو والو اليوم عنقني عندو هذا وين حسيت بالراحة صونا تيليفونو رد قالو قريب نوصل يعطيك الصحة لحقنا للوتال نزل هو الاول جاب المفتاح ممبعد جا هبطني وغطاني مليح بالبرنوس هبط الفاليزة وطلعنا فاسانسور الايتاج 4 وصلنا دخلنا لاشومبر تهبل الورد والشموع فالارض، البالونات العشا محطوط على الطابلة دخلنا نحالي البرنوس عنقني ويزير حسيت ضلوعي قريب يتكسرو شوية قالي هذي تالمو توحشتك وتاني كي زعفتيني جيت نردلو باسني من فمي وقالي ميشقاش بقى يبوس في وجهي من كل بلاصة ممبعد هبط مع كتافي سرات الرجفة في جسمي ممبعد قالي ادخلي دوشي و توضاي وعاودي البسي هذي لاغوب شفت معاه بتعجب قالي راح نصلو برك متخافيش وحاب نشلل عينيا بيك دخلت درت دوش خفيف وتوضيت عاود لبست هذيك لاغوب وخرجت لقيتو متكسل تبسم معايا ودخل للدوش جبدت حوايج الصلاة لبستهم فرشت السجادات .
خرج من الدوش لابس قميص يا عمري يهبل هذي أول مرة نشوفو بالقميص واتاه روعة صلينا ركعتين وقرينا الدعاء كملنا نحيت حوايج الصلاة وهو نحى القميص بقى غير بديباردور وشورت داني للطابلة جيت نقعد قالي لالا مزال قعد هو وحطني على حجرو حشمت منو قالي زينة خلاص حبي أخيرا راكي معايا وكيما وصيتك حشمتك خليها في داركم بقى ياكل ويوكل فيا مرة مرة ويبوسني على خدي على شفافي بصح كنت نموت وندزع كي يبوسني من رقبتي ولا كتافي شوية ناض رفدني وحطني فوق السرير غير قرب مني قتلو مش قتلي منديرو والو قالي زينة بصحك هزيتلو راسي قالي حبيبي متوحشك مفقتش كيفاه نحالي هذيك لاغوب وبقى يبوس فيا من كل بلاصة من جسمي مكاش بلاصة ما باسهاش حاول معايا بصح الله غالب مقدرتش مخليتوش وليت ندز فيه ونبكي عاود ناض ولاح عليا الغطا قالي ارقدي صايي مفيهاش وخرج للبالكون بقيت شوية فالفراش من جهة حابة نرقد بصح تان من جهة حسيت غلطت معاه نضت فتحت لافاليز لقيت ديزابي باج لبستو وخرجت عندو غير شافني قالي ادخلي اهبلتي قتلو حابة نشم هوا طفى الضو وقالي اقعدى متوقفيش خاطر تباني قعدت معاه قتلو زعفان قالي لالا قتلو بصح حاساتك زعفان قالي زينة بصحك ولا تتمهبلي عندي شحال نستنى هذا النهار وكل يوم قبل ما نرقد نتخيلو وكي نلحق ليه نلقى حبيبتي خايفة مني ومش حابة نمسها قتلو مش خايفة منك خايفة برك وزاد مزالو اليامات قالي حبيبي صح قتلك مش اليوم بصح مقدرتش احسني عوني مش قصدي نخلف الوعد قتلو خايفة بزاف قالي علاه تخافي ياك فهموك خواتاتك هزيتلو راسي بلالا قالي محكاوش معاك على نهار اليوم قتلو لالا حضني عندو وبدل سوجي حتى حسني رجفت قالي واش بيك قتلو بردت كانت نسمة خفيفة تضرب قالي أيا ندخلو نتي تمرضي دخلنا حضني حسيت بالدفا شوية قالي حبي ندي تصبيرة متخافيش منديرو والو قتلو وعد قالي وعد بدا يبوس فيا من فمي هبط مع رقبتي لصدري وليت متفاعلة معاه بالشوية بالشوية حتى حس عليا مفقت غير كي قضا الصالحة وحسيت بالوجاعة فرح بزاف بقى يبوس ويعاود ويقولي خلاص راكي ملكي وأخيرا مرتي راها معايا صح توجعت بصح هو ساعفني على قد مايقدر مسحلي وسقمني فالفراش حس بيا متوجعة قالي إذا نديك للطبيب قتلو لالا عيب قالي نوغمال شوية جبد سلسلة ذهب خفيفة فيها قلب فيه حرف H لبسهالي قتلو نوغمالمو z ولا يضحك قالي شكون فتحك قتلو آه كيفاش ولا هابل بالضحك قالي H مفتاحك يعني هشام هبطت راسي طلعهولي باسني في جبيني قالي متنحيهاش كامل ردي بالك قتلو أوكي .
دانا النوم مع بعض حتى فطنت بيه ينوض فيا قتلو نعسانة بقى يبوس ويقولي نوضي يا أحلى عروس بسيف نضت لقيتو جابلي فطوري فالفراش قتلو طلع الصباح هزلي براسو ايه قتلو نعسانة قالي معليش حبيبي غير شوية ورقدي ريحي انتبهت بلي مزالني عريانة حبيت نوض نلبس مخلانيش قالي حتى نفطرو فطرنا مع بعض كأي عرسان في صباحيتهم قالي اسمحيلي حبي خالفت الوعد قتلو معليه مزية فرات كون بقيت كل يوم نخمم وخايفة باسني ممبعد قالي هيا حنوني دوشي ولبسي باش نوصلك للحفافة وقوليلها تمشطلك كيما مشطتي في عرس مريم جيتي تهبلي قتلو أوكي جيت نوض توجعت ناض يجري عندي بقى يبوس فيا ويقولي اسمحيلي عمري بقينا قاعدين شوية حتى قالي حبي عيطي قبل لخواتاتك هنيهم عليك عيطت عند سعاد غير ردت وقلتلها ألو بدات تزغرت تبعوها لخرين قلتلها رايحة للحفافة ونمشط قاتلي بصح شكون يعاونك في شعرك أرواحي هنا أنا نغسلك ونمشطلك قتلها صحا كوبيت قلت لهشام قالي حبيبي لي تساعدك ديريها دخلت دوشت لحمي برك وخرجت لقيت هشام خمل الحالة ولابس سروال لاتوال نواغ مع شميز بلون جا يهبل لبست قفطان بلو غوا درت مكياج حوست على ملاية ملقيتش قتلو ملقيتش ملاية قالي كيفاه هذي قتلو والله مكان باينة سعاد نساتها خاطر هي خملتلي الفاليزة عيطتلها وكان يسمع قلتلها مدرتيليش ملاية قاتلي ايه مش مليح العروسة تلبس حاجة كحلا قلتلها وباش نجي ضوكا قاتلي بقفطانك زينة ياك مستور وراني دايرتلك خمار انتبهت عليه زعف وزير يدو بونية قعدت على طرف السرير وبقيت ساكتة شوية قالي نوضي ديري خمارك نضت بستو من فمو تبسم معايا علابالي مجاملة برك خاطر كان يغلي من داخل درت خماري لبست صباطي ونزلنا كامل الانظار كانت عليا خاطر القفطان أتيرونت وصلني للطونوبيل ركبني ورجع دخل مدلهم المفتاح جا ركب عيط ليماه قاللها جايين ،في الطريق نزل عند فارماسي ورجع مدلي ساشي فيها دوا قالي كي تدخلي للدار ديريه باه تتنحالك الوجاعة غير وصلنا فتح الباب دخلت معاه يدينا مشبكين عاود لاڨاتنا يماه بالحليب والتمر صبحنا عليها جات تفوتنا للصالون قاللها لالا خليها تروح لبيتها دخلني لشومبرتنا لقيت أهلي تما صبحو علينا جا خارج حتى قال لسعاد. اشفاي عليها ولات تضحك خرج سقساوني يا درا لاباس سافا حشمت قالتلهم صليحة وجها راه منور يعطيكم خبر ما كالاه تحشموها لقيتهم خملولي قشي فشمبرتي سهرو معاه فالليل خملوه كي جاو من الصالة جات تحفة مع لاشومبر لي جابها هشام سامبل بلون بالنواغ قاتلي سعاد هيا زينة نحي قفطانك باش نغسلك شعرك نحيت لبست بيجامة ورحت معاها للدوش لقيت زهية خت هشام كبيرة عليا بعام مش مزوجة تما سلمت عليها هي راحت وانا درت الدوا ممبعد دخلت عندي سعاد غسلتلي شعري كي كملنا ورجعنا للشومبرة سمعنا الحس .