زينة الهاشم 💝

الجزء 26

زينة الهاشم 💝
الجزء 26
غدوة منو نضنا بكري تقهوينا وخرجنا درنا انا وياه ممبعد رجعنا للدار هشام رقد وانا وصليحة وجدنا رواحنا مع العصر رحنا عند سعاد لقيناها موجدة كلشي ديجا بقينا مقصرين والرجال خرجو برا تعشينا ورجعنا للدار عيا معانا جمال اقعدو باتو محبش هشام قالو نروحو باه غدوة نسهلو للدار ، المهم الغدوة منو حتى مع 11 باه ديمارينا تغدينا فالطريق لحقنا مع العشية دخلنا  طالعين مع الدرج وهو يقولي ازربي البيت طول متوحشك بقيت نضحك عليه فوتنا للصالون الصغيرة لقيناهم تم يتتقهواو جيت نسلم على العجوز طبعتني وناضت راحت لبيتها حتى ولدها مسلمتش عليه تبعها هو دخل معاها وانا سلمت على لبنات قتلهم غير الخير واش كاين قالولي منعرف قاتلي زهية من العيد في دار عمي وهي هكا ممبعد قاتلي زهيرة وزادت كي بقى هشام معاك نضت دخلت لبيتي يا ربي واش هذي العجوز لي بليتني بيها ديما تحرم عليا فرحتي شوية دخل هشام تكسل قالي تعبان حاب نرقد بقى غير يتقلب عاود ناض رفد تليفونو ومفاتحو وخرج حتى دخلت عندي شيبة النار نتي رحتي لداركم ولدي علاه ديتيه معاك قتلها في قلبي تحسب ولدك هذا عندو عامين جاوبتها قتلها منيش انا لي شديتو رجال خواتاتي عرضوه محبش يكسر كلمتهم تشنفت عليا وخرجت فرزت انا شمبرتي وسقمتها وتكسلت نستنى فيه مجاش حتى قريب الواحدة قتلو وينك لضرك قالي خلاص ازينة كرهت هذي الدار وكرهت مشاكلها. الغدوة منو جا الخدام انا عليا كلشي فطورو غداه قهوة العشية والعجوز غير تشنف وتعاشي سمانة دارت فينا حالة حتى هشام كره ومل قاللها خلاص والله مراني باني ربها اتهناي برك غاضتني عمري وعدني ودار عليا رجعت انا وياه تقابضنا قتلو معندكش الكلمة جات هيا تدخل بديت انا كلمة وهي كلمة عيط علينا للزوج ودار عندي سبني غسلني وخرج ، من يومها ولات العجوز منايفتنا للزوج سيرتو هو متصبحش عليه ووقت الماكلة تقولنا حطو كي نقوللها مزال ما جا تقولي إذا باغية تستناي راجلك دبر راسك وهي تاكل هي وبناتها وتنوض شهر فوتناه تحسب عام هي تعاير ومنشنفة هو من الاول كان ساكت نورمال ممبعد قوات عليه ولا غير مزعف غير نجي نحكي معاه يطير ليا صح ميضربنيش بصح تعاملو معايا باشع لاقصى حد حتى وحقو فلفراش يديه بالزعاف والقوة ميساعفنيش خلاص كيما كان.
كرهت من الدار ومن المشاكل العجوز تنوض تعاشي ترقد تعاشي هشام ملي ينوض يصلي الفجر ميرجعش حتى لل 11 ولا 12 نتاع الليل وانا باقية نقاسي وحدي ، اليوم جات زينب وبناتها شوية وتقلع العجوز لالياتك جابو الاولين وراهم يعاودو ونتي تدواش كل وقت والصح مكان والو كان علابالي فيها تهدر على مريم خاطر راها بالحمل على بنتها وتاني سولاف مرت رياض ولد عمهم الصغير عندها طفل من قبل عمرو عامين وضوكا تاني بالحمل المهم كثرت ما هدرت وانا فالكوزينة نطيب فالقهوة ودمعتي على خدي من تالي حتى قاتلي يا تزربي تهزي يا خلي بلاصتك للي تقدر تهز قلقت قتلها وان شاء الله شكون هذي لي حابة جيبيها في بلاصتي سكتت مجاوبتينيش ممبعد زدت قتلها ونتي وين درتي إذا مني ولا من هشام وطير ليا يا لي متحشميش ولدي راجل سيد الرجال كيفاه تقولي عليه هكا ياك راه يضل يفعل فيك حتى المشي ماتقدريش تمشي قتلها علاه انا قتلك مهوش راجل راني نقولك هذي حاجة ربي ممكن حتى وتزوجي ولدك مرة خلاف بالاك ميرزقوش ربي قاتلي  نتي لي مجيبيش وزاد راها ختك قبلك عاقرة ومتولدش دارت حالة بالمعايرة أنا جيت في بيتي غير نوح حتى كي دخل هشام رحت سخنت العشا انا وياه نلقاها دخلت عندنا وجهك صحيح ومقابلاتو وتتعشاي معاه قاللها هشام علاه واش كاين قاتلو لالة راه تقول نتا مش راجل ونتا لي مجيبش صغار نضت نبكي حرام عليك لي تهدري فيه اني قتلك منعرف لا مني ولا منو خلي روحو للطبيب ونعرفو قاتلي مالا راكي تكذبي فيا وليت نعيط وكيلك ربي والله محكيت هكا وهاهم بناتك شاهدين ناض هشام قلب الطابلة وشدني من شعري وجرني للبيت وانا نعيط والله ثلاث مقتلها هكا كي دخلنا للبيت قالي واش قلت لربك نتي متفهميش مقتلكش متعاندهاش ومتردلهاش الهدرة عندك واش تقولي خلي نجي ويقولي لي بغيتيها رماني صدم راسي فالحيط وخرج وخلاني انا بقيت فالارض غير نبكي ونوح حتى تفسخت رفدت روحي وطلعت على السرير رقدت للصباح مفطنتش بيه مامبا كي جا.
صباح مع نضت لقيتو عاد راقد ستنيتو ناض قتلو اديني لدارنا شاف ليا من فوق لتحت وجا خارج قتلو يا تديني يا نعيط لنجيب يجي ليا طار عندي اقسم بربي وديريها نقتلك ونشرب دمك وليت نبكي علاه دير معايا هكا بقى غير ساكت ويشوف معايا رجع قالي للعيد نديك (كان باقيلنا 15 يوم للعيد الكبير ) ممبعد خرج هزيت روحي رحت للكوزينة قلت صباح الخير برك مرحتش للعجوز سلمت على راسها تقهويت  ونضت اليوم دالتي نتاع الميناج عييت نكمل مقدرتش ولات الدوخة تدي فيا وجيب حتى طحت تغاشيت فطنوني بالريحة والما وعاونتني زهية داتني لبيتي تسطحت مع وقت الظهر دخل هشام لاح السلام قالي إذا مزال مريضة نديك للطبيب قالولي راكي تغاشيتي هزيتلو راسي بلالا وتغطيت رقدت حتى للعصر باه نضت راسي باغي يطرطق وعينيا مضبين ما قادراش نفتحهم جبدت تيليفون عيطت لصليحة حكيت معاها وهذي اول مرة نخبر عليه وقتلها ضربني قاتلي كيفاه هبل هذا قتلها محبش يجيبني وقالي حتى للعيد نديك قاتلي خلاص معليش اصبري حنونتي ومتحكي لا معاه لا مع عجوز الهم حتى جي وتشوفي واش نديرولك فيه والله منحرش عليه نجيب ونخليه يشتاق خيالك مراني مرأة ، درت على كلامها وليت صايمتهم منحكيش كامل معاهم نخدم شغلي ونغلق الباب في بيتي حتى الماكلة مناكلش معاهم بصح والله مرضانة قراف راسي قاتلني بالوجع والدوخة غير عقابي واحد اليوم قاتلي العجوز قدام هشام حقا هوما خلاص رجعو لبعضهم رضات عليه كي سوطني نتي لاه منايفتنا متحكي معانا متاكلي معانا قتلها ياك قلتو قليلة أصل وتردي الكلام مالا نشد سابعي باه منضلش ناكل فالطرايح وترضاو نتوما ودخلت لبيتي رقدت هذو 3 ايام راني قراف غير نوقف نطيح ، الفشلة قاتلتني وكون نلقى من الفراش منوضش كي شافتني العجوز هكا قاتلي مكيش قاع تعجبي راكي صفرا وغير مرة وتتغاشاي زعما مراكيش ثقيلة تبسمت على جهة وخليتها مسكينة معلابالهاش من طريحة وليدها راسي حاساتو باغي يطرطق ، نهار عرفة نويت الصيام بصح والله مقدرت مع لحقت 15 ولا كلشي كحل قدامي وحكمتني الرجفة بالسيف رحت للكوزينة شربت الماء قلت اموان كان نموت مانموتش عطشانة ورجعت درت كليت كي شافتني العجوز فطرت معجبهاش الحال بقات تلوحلي فالهدرة دخلت للبيت وخليتها، الغدوة منو العيد غافرتهم بصح والله فوق قلبي ذبحنا كي شفت الدوارة والزليف دار قلبي وليت غير نرجع حتى قاتلي العجوز كون مشفتكش البارح فطرتي نحلف بلي راكي تتوحمي بقيت نخمم صح العادة من رمضان مجاتنيش حبيت نقولو يجيبلي تاست بصح ممبعد درت في رأي قلت خلي نروح لدارنا ممبعد ساهل .