زينة الهاشم 💝

الجزء 35

زينة الهاشم 💝
الجزء 35
مع دخل هشام لقاني واقفة نرجف وجهي أصفر الله غالب ملي كنت  صغيرة وانا خوافة وتبان عليا مرات حتى يشدني القيا من الخوف قالي واش بيك وواش مسهرك لضوك وليت نبكي ونتلعثم اهشام والله مقصدي ندير المشاكل اااااحتجت للللللاكارت......... خلاص اشت واش بيك نتي وواش من مشاكل ولاه خايفة ومقلقة روحك كامل هكا كون يطلعلك السكر مكان والو وزيد ياك انا ديما نقولك عيطيلي الوقت لي تحبي ياك عيطتي في تيليفوني مالا خلاص لاه صاري فيك كل هذا هدرتو ردتلي الروح ااف الحمد لله قتلو لالا برك كي ردو عليا قلت راني حصلتك معاهم وبالاك درتلك مشكل محبيتش نقولو سمعتكم قالي هاكي بديتي تخلطي فالهدرة لاه تحصليني واش يكونو هوما ولا حاسبة نخاف منهم قتلو لالا قصدي ....قالي خلاص صحا لاه عيطتي الخير مكيش مريضة ولا قتلو لالا نحتاج غير لا كارت ناسيونال وكارني دو فامي علا جال الفاكسان قالي خلاص روحي ترقدي وغدوة الصباح نجيبهم ونديك قتلو تصبح بخير ورحت للشومبرة اففف مزية واش كنت خايفة يدور ليا كاش ما يديرلي ولا يضربني كيفها بصح والله العظيم ربي كيما يقولها هو كون تجرأ وتوشاني منفوتهالو ونديرها سبة ونهج من عندو حاليا أموري قاع مخلطة كي يكون عندي حتى ومناش ملاح وهدرتنا قليلة بصح كي نشوف اهتمامو حاجة ما منقصها عليا ديما يسقسيني واش نحتاج واش خصني حتى كي يروح لدارهم ويعيطلي يا لوكان مرتين راكي مليحة مكيش موجوعة منكذبش اهتمامو بيا كيما من قبل ولا زاد شوي سيرتو ميلي عرف بالحمل تاعي وزادني السكري حتى ماكلتي مهتم بيها هذي كوليها هذي لالا نقول خلي نمد فرصة لحياتنا وممكن تتصلح قاع الامور بصح مجرد ما يغيب قاع السيناريوهات لي موش ملاح يجوني نتفكر قاع اليامات الخايبين لي عشتهم معاه نديرها غير على البكا ونبدا نقول لازم  نروح وعلاقتنا هنا تموت كي حكيت لمريم قاتلي غير من الحمل متزربيهاش خلي تولدي وخمي مليح فالحكاية هذي ،رقدت للصباح داني درت الفاكسان ورجعني للدار وراح جاب غدا من برا شافني يدي واجعتني مقدرتش نهزها تغدينا هو راح وانا تكسلت رقدت .
جبنا ثلاث ايام بعد حكاية التليفون انا نسيتها كامل حتى مع الظهر كنت راح ندوش صونا تليفوني لقيتو نيميرو جديد مجاوبتش حتى عاود هزيت غير قلت الو وطيح فيا بالسبان يا خامجة يا رخيسة يا لي متسوايش متحشميش دوري براجل متزوج عرفتها ضرتي وبديت نسب حتى انا قلتلها مكانش مكان قحبة كيما نتي لاه نتي كي ديتيه مكانش متزوج بلالاك بدات تعيط وتطيح في وحد الكلام الارض تزلزل منو زربت سجلتو وخليتها تهدر على راحتها حتى كي قاتلي انا يحبني ودايرني فالدار مش كيما نتي شابع منك فالزنق قتلها حاشاك حتى أنا دايرني في دارو عايشة راسي وراسو مستمتعين مع بعض مش كيما نتي دايرك خدامة ليماه وكوبيت عليها درتها فالروجوتي وخليتها  وليت نغلي ممبعد استغفرت قلت خليني من الخامجة رحت دوشت ونسمع في تيليفوني يصوني  كي كملت  رحت شفت نلقى نوامر بزاف قاع مانعرفهمش لي معيط لي باعث ميساج كي دخلت نلقاهم قاع ميسواوش غير وين نتلاقاو ، شحال للساعة ، واش تعرفي ديري.......المهم الكوارث وحتى هي باعثالي ميساج ندير ونعمل وغير راجلي لي منخليهلكش المهم ما خلات مابقاتلي طفيتو ورحت سشورت شعري كاين شوية البرد لبست غوب نتاع خيط باج جايتني سيغ طاي مع كرشي خارجة شوية ، عاودت فتحت التليفون بداو غير يدخلو لي ميساج زربت عيطت لمريم حكيتلها قاتلي باينة الخامجة راها حطت نيميروك في كاش باجة نتاع قحاب المهم كونك فحلة وكي يجي وريلو كلشي بالاك تخافي قتلها ذاك هو مقدرتش نتهنى مع مريم بالهدرة من لي ميساج ولي أبال لي يدخلو كملت معاها وطفيت التليفون  ومرة مرة نشعلو مقدرتش نصبر تعللت من هذوك لي ميساج المرة التالية طفيتو وحلفت منعاود نشعلو حتى كي يجي هو مع المغرب ويشوف كيفاه يدير رحت نتفرج حتى سمعت المفتاح دار فالباب ياه هشام جا مهوش عوايدو ستنيتو دخل بصح هو دخل شاعل ربك تيليفونك لاه طافي ركبتيلي الخلعة حسبت كاش ما صرالك  انا فيا طبيعة سامطة غير يعيطو عليا نخاف ومنقدرش نجاوب تبكمت وهو زاد هبل وينو قسام تليفونك شرتلو عليه راح رفدو لاه راه طافي شديتو عليه.
مع لول خفت من بعد درت الكوراج وعطيتلو التلفون كي عطيتهولو فتحتلو ليميساج ومديتلو بدا يقرا فيهم ضرب الطابلة قلبها وبدا يعيط وش هذا وش هذا قولتلو مرتك عيطتلي وسبتني وحكيتلو كلش مخبيت عليه والو  وسمعتو حتى التسجيل خفت يديرولي مشاكل عليها صارحتو وكان احسن قرار خذيتو اني منخبي عليه والو مرتو باين بلي خبيثة ومهيش ساهلة واذا سكت راح ديرلي مشاكل هو ولا شيطان عينيه حمارو عروق رقبتو ويديه راح يطرطقو  قالي اليوم نقتل ربها ونباصي عليها اليوم نقتلها ونتهنى من عزرين قسام باباها البلوة الي طاحت على راسي عرت النسا الي لصقتها فيا يما دار حالة بالسبان والتطياح مخلا ماقال من هيئتو مهوش انسان طبيعي ويديرها عادي.
خفت لوكان يقتلها شكون راح يتغبن باين انا وبنتي الي راح تتفر فينا كي يدخل للحبس انا شكون بيا مقدرتش نتخيلو بعيد عليا، انا فهذيك اللحظة كي جا خارج ملقيت ماندير غير اني حضنتو وبستو على رقبتو حسيت ببنتي تتحرك شديت يدو حطيتها على كرشي  السيد صاي تكالما قول ماهو العبد الي كان يعيط ويسب بقا يشوف معايا مستغرب من الحالتين من بنتنا كيفاه تتحرك ومني انا لي بوستو على رقبتو  متوقعهاش مني قولتلو تعيش متروحش خمم علينا واش يصرالنا كي تقتلها  وتروح وتخلينا ماقال والو هزني ديراكت لشمبرة كان يستنى فيها كي بستو وحضنتو كي شغل مديتلو اشارة اني سامحتو. قعدت معاه نحينا الوحش انا كنت متوحشاتو وهو علاه كثر مني محبش كامل يطلقني قولتلو انا باين وعلاه حكمني الجفاف العاطفي بصح انت وعلاه قالي بلعي فمك الهدرة الي خاطياتك مكلاه تهدريها قوتلو علاش واصلا انت عندك مرا ثانية نورمالمو تكون شبعان قالي زينة الحوايج الي خاطينك بلعي فمك ومتجبديهمش صاي منزيدش نهدر انا سكت. قعد معايا ماخرجش طول كي لحق الليل عيطتلو يماه قالها ماتستناينيش مانجيش قاتلو كيفاش متجيش وش الطبيعة هذي الي تعلمتها ديما تخرج فالليل قالها ما منيش طفل صغير متحوسيش عليا وكوبا عليها وطفا التلفون هذاك اليوم رجعنا لبعضانا رجعنا مع بعض كيما كنا ولا أكثر حبنا حياتو بنتنا من جديد  فوتنا يامات شابين حاولت ننسى  الماكسيمون سيرتو انو صح كان معايا ومنسيني حتى كي يروح لدارهم ويعيطلي ويحكي معايا مدايرلهاش قاع حساب قتلو علاه متبقاش عندي قالي حبي على جال ما برك  محابهاش تسمط علينا كي طبيعتها قتلو ولوينتا نبقاو هكا قالي حتى يفرج ربي قتلو معليش قالي حبي مزعفتيش قتلو لالا المهم نتا تكون معايا قالي يا العمر حتى ومنيش معاك هنا وحطلي يدي على قلبو كاين غير نتي تهناي بستو على فمو ولينا مع بعض ما شاء الله حتى  جا هذاك النهار الي قلب كلش كان علبالي بلي فرحتي راح تروح ونرجع للحزن والمشاكل كل مانقول الدنيا ضحكتلي يامات ترجع تبكيني شهور.