زينة الهاشم 💝

الجزء 11

زينة الهاشم 💝
الجزء 11
بقينا نقو فالكوزينة حتى جا نجيب هدر مع صليحة بيناتهم ولات تضحك دخلت عندنا قاتلي حبيب القلب حاب يقعد معاك شوية أنا وليت نرجف قلتلها كيفاه نقعد معاه ووين تفرفشت كامل ولاو يضحكو قاتلي سعاد يا يما على المهبولة نتاع ختي داوني للبيت جابتلي صليحة جبة مارون صدرها كروازي طويلة بصح فيها شلقة من الجهتين حتى للركبة كي لبستها حسيتها مفضوحة بزاف قاتلي بدلي دوبياس نتاعك وبلعي فمك قالتلها سعاد والله يا صليحة اليوم يفرعها لهنا قالتلها هو راه حاب يقلب السلعة لي داها والله ومنهبلو ويولي كل يوم هنا عندنا مكرة في يماه منتسمى صليحة قالتلها يا حلوفة باينة درتي ما كثر فنجيب قالتلها هبلتو ومزلت ولاو يضحكو وانا خايفة هشام يزعف ولا ميعجبوش الحال قاتلي سعاد رانا خارجين بدلي وعيطيلي ومتنسايش المكياج قتلها شفتيه قبيل قالي اغسلي قاتلي هذيك على الناس مش ليه هو لبست دوبياس من لي جابهملي فالبلون ولبست هذيك لاغوب وطلقت شعري درت غير روج فالغوز كلاغ وعيطت لسعاد جاو فالزوج قالولي ما شاء الله خموس عليك قاتلي صليحة نعيط لنجيب يجيبو قلتلها بصح تعيشي متخليش نجيب يدخل معاه قاتلي علاه قلتلها نحشم منو قاتلي زينة خلاص راه راجلك كي تكوني معاه متحشمي من حتى واحد جات سعاد خارجة قلتلها تعيشي بقاي معايا قاتلي وجدناك باه نقعد معاك قلتلها تعيشي أيا لاحت خمار على راسها حتى دقدق الباب ودخل هشام رافد فيدو كوفر ماغون ولا بوات نتاع الباغوغ صافح سعاد وانا سلم عليا على خدودي قالي لاباس قتلو الحمد لله قعدنا مد لسعاد هذاك الكوفر قاللها صداقها راه هنا قاتلو يعطيك الصحة ولبسلي باقي الباغوغ قالي عجبك قتلو ايه شباب قاتلو سعاد إذا نتا خيرتو عندك ڨوهايل قاللها نوغمالمو كي طحت في ختك باينة نعرف نخير ولينا نضحكو حتى قاتلنا أنا نخليكم على راحتكم وخرجت فيما غلقت الباب هجم عليا هشام يبوس ويعض في شواربي حتى ضاقت مني النفس حط جبينو على جبيني قالي لعمر خلاص راكي حلالي وأخيرا هزيت راسي قالي فرحانة ولا لا عاودت هزيت راسي قالي حبي احكي معايا وشبيك قتلو فرحانة عاود باسني من شواربي ممبعد وقفني وبقى يدور فيا قتلو واش قالي راني نقلب فسلعتي تساليني حشمت منو عنقني وبقى يشم في شعري وزاد باسني من رقبتي وانا رجفة سرات كامل فجسمي بعد عليا وزاد باسني بوسة خفيفة على شواربي وقالي لعمر تهلايلي في روحك حتى نجيبك عندي أنا نتهلى فيك قتلو أوكي قالي أوكي واش قتلو أوكي حبيبي هجم على شواربي يبوس ويعض ويديه حطهم في صدري قالي حلوة عسل من فمك وانا خلاص دايخة بين يديه جبد روحو قالي بلي حبي وخرج دخلو لبنات لقاوني ذايبة شوكولا وحمرة طمطومة ولاو شايخين عليا بالضحك وانا في عالم ثاني المهم هشام غير خرج من عندي وقعد معاهم قال لنجيب العرس على شهر ولاو يضحكو عليه قالو نجيب مانقدروش على شهر قالو شهر من زيدش نستنى كثر منو حتى ولى صالح يسكت فيه قالو نجيب نسقسي خياتها إذا يقدرو يوجدو لها صوالحها قالو منحتاج حتى صوالح حوايجها برك مجيب معاها والو حتى قالو عمو يا سي نجيب ارحم الطفل ولا خليه يديها معاه ضورك قالو ان شاء الله منطولوش عليه المهم هوما راحو ونجيب حكى لصليحة وحكاتلنا وهي ميتة بالضحك قالتلها سعاد يا وحد الوحدة حصلتينا ضوكا كيفاه نديرو شهر قليل بزاف عيطلي قالي حبيبي وصلت شوية ونعيطلك قتلو أوكي.
فالليل كامل عيطلي قالي واش زوجتي وانا ضحكت قتلو عجبتني بزاف قالي مالا ديما نقولهالك قتلو أوكي قالي حبيبي شكون نصب الغدا اليوم قتلو صليحة وسعاد قالي ونتي واش درتي قتلو بوراك والسلاطة قالي ايه بنينة بزاف سلاطة نتاع مرتي وليت نضحك قتلو بصح علاش سقسيتني قالي باه نعرف إذا تعرفي جيبي ولالا الله يعطيكم الصحة حتى قاتلي سعاد قوليلو كيما قتلك قالي الخير برك واش قتلو قالولي شهر قليل بزاف ومنقدروش نوجدولك جهازك قالي جوزيهالي نهدر معاها بقاو يحكو عيات تقولو قليل الوقت بزاف بصح هو ميبس راسو قالهالها بلا ميحشم منيش قادر نصبر عليها يا إما علا شهر يا نجي غدوة نديها احسني عوني خلاص مقدرتش طرطقت بالضحك وعطاتلي التيليفون قاتلي هاكي راجلك قوليلو خلاص معليش وأمري لله مع الجري قتلو هكاك قالي مزية ممبعد قتلو حبيبي نروح غدوة مع سعاد لدارها قالي علاش قتلو باش تشريلي القش خاطر صليحة وكريمة ماعندهش الوقت قالي بصح حبيبي كيفاه هذي ومنقدرش نخليك تروحي معاها منتهناش عليك قتلو علاه والله نوغمال ساكنة وحدها وراجلها راك لقيتو كيما جيتو أول مرة قالي زينة والله معلابالي بصح منقدرش نخليك تروحي لدار من غير داركم جبت ساعة وانا نحاول فيه معنديش شكون يقضي معايا وزيد راك تزرب فيا بالسيف باه رضى ممبعد قالي حبيبي شري قدك ومتكلفيش روحك واذا احتجتي دراهم قوليلي متحشميش مني قتلو أوكي حبيبي ربي يخليك ليا ممبعد قالي أه حقا نسيت حبيبي نبغيك فالدار تلبسيلي كيما موالف تلبسي قتلو كيفاه قالي نبغيك تلبسيلي السروال ، الميني منبغيش تلبسي جبة وتعصبي راسك ردي بالك قتلو حتى أنا نحب هكا بصح وداركم قالي شكون مكان والو في دارنا غير ما و خواتاتي نوغمال قدامهم واذا جا كاش واحد باينة تبدلي قبل متخرجي ليهم أوكي حبي باغي نشلل عينيا بيك داكور قتلو أوكي سقساني قالي راكي وحدك ولا معاهم قتلو وحدي خرجت للبالكون قالي ياك بدلتي قتلو ايه وديجا للبالكون بزجاج فيمي قالي أيا بيان قالي بصح قتلتيني كون زدت معاك غير شوية كون درت فيك كاش حاجة قتلو نتا لي نفختلي شواربي ولا يضحك قالي حبيبي أنا قتلك نزيد نلقى المكياج في شواربك نحيهلك بطريقتي ضحكنا ممبعد قالي دوبياس لبيض نحيتيه ولالا قتلو وين شفتو قالي شفت شفت كلش يا زينة واش يصبرني جبنا الصباح وحنا نتمعشقو بالتيليفون.
رحت مع سعاد لدارها ،قلتلها قالي هشام حابك تلبسيلي وتعمريلي عيني ، قاتلي زينة عندو الحق شوفي هو راه يخدم فالجامعة وبنات الجامعة ألوان وانواع اللبسة المكياج الحطة قاتلي لازم ديما تكوني حطة وكلاص قاتلي ديما نوضي الصباح قبلو اغسلي البسي مكيي ونوضيه بالحب بالحنانة وكي يخرج تبعيه للباب ديما قوليلو كلام حلو نتاع مطولش نتوحشك مالا يبقى قلبو معلق عندك كي يروح البسي جبة نتاع دار مقطعة واعطيها للخدمة يا الله يا الله لازم قبل ما يجي تكوني كملتي وعدلتي روحك وليت نضحك قاتلي اضحكي هكاك قاتلي زينة الراجل كيما البيبي لازم تهتمي بيه تعطيلو كامل الحنانة لازم نتي تقنعيه وتشبعيه باش متزيغش عينو برا ، جوزت يامات شابين عندها كل مرة وين نروحو ونشرو وكل يوم تعطيني درس وزدت شفتها كيفاه تتعامل مع راجلها صح مددلاتو كنت الحاجة لي نشريها نصورها ونبعثها لهشام نوريهالو خاطر هو موصيني وحد المرة قالي صوريلي لي نويزات لي شريتيهم مرة الاولى حشمت ممبعد صورتهملو شاف وحدا فالغوج بريكي قالي حبيبي فالليل البسيها وعيطيلي بلاكام نشوفك قتلو لالا منقدرش قالي زينة علاش والله متوحشك طايب عليك زعفت منو قتلو راك تماديت بزاف معايا كل مرة دوموندي حاجة ولا يعيط قالي كيفاه ربك هذي تماديت نتي مرتي ديجا نوغمالمو ضوكا راكي معايا فالفراش مش غير تتصوريلي بتشليق هذيك قالي اسمعتيها هذي نتي مرتي عام وأنا معاك كاش يوم توشيتك كاش يوم دومونديت منك حاجة بصح ضوك راكي حلالي من حقي نتمتع بيك ديجا قودي عليا لي نقولك عليها تقولي لالا وكوبا عليا وليت نغلي نفور غاضتني بزاف فالليل ستنيتو يعيط بصح معيطش كامل بايتة نتقلب ممبعد رقدت