حب من نوع آخر

1

يااااه اخيرا خلصت "

ده كان كلام رهف و هي بتكلم نفسها بعد ما خلصت اخيرا ترتيب الشقه بعد ما نقلت جديد ..

رهف : الحمد لله خلصت .. اقدر استريح شويه

قاطع كلامهم مع نفسها صوت خبط ع الباب.. و راحت فتحت

رهف باستغراب : اهلا .. مين حضرتك ..

مني بابتسامه : اهلا بيكي ي بنتي .. انا جارتك هنا ف الشقه ال قصادك و عرفت انك جيتي جديد ف قلت أرحب بيكي ... اتفضلي دي حاجه بسيطه مني ..
و مدت اديها بطبق ..

رهف : شكرا جدا لحضرتك بس يعني مكنش له لزوم تتعبي نفسك..

مني : ولا تعب ولا حاجه و اعملي حسابك انك معزومه ع الغدا عندي بكره ..

رهف بحرج : انا .. انا مش عارفه اقول لحضرتك ايه .. بس كده كتير جدا ملوش لزوم والله ..

مني : انا مش عاوزاكي تتكسفي خالص ، وبعدين ولا تعب ولا حاجه و يلا منغير نقاش كتير

رهف : ان شاء الله ، طب اتفضلي حضرتك هتغضلي واقفه ع الباب كده ..

مني : لا شكرا ي حبيبتي انا عارفه انك مشغوله هاجي بقا ف وقت تاني ان شاء الله ... مع السلامه

رهف بابتسامه : سلام ...

__________________________ عند مني

محمد : كنتي فين ي مني..

مني : كنت عند جارتنا الجديده ...

محمد: ها وايه تاني...

مني : ايه لا بس كده .. بس دي صغننه كده و اموره ..

محمد : ربنا يهديكي .. وبعدين متتعمليش كده مع كل الناس ي مني مش كل الناس طيبين ف الزمن ده

مني : بقولك والله دي شكلها طيبه و بنت حلال و كمان عايشه لوحدها ..

محمد بضحك : لحقتي تعرفي كل ده ..

___________________________ عند رهف

ف التليفون

رهف : و الله زي ما بقولك كده .. دي باين عليها طيبه جدا

ريماس : ي بنتي بطلي هبل بقا .. هي جت و عملت كل ده منغير حتي ما تكون عرفاكي

رهف : ايوه والله هو ده ال حصل

ريماس : المهم خلي بالك انت بس من نفسك الناس الطيبين ف الزمن ده قليلين جدا ،، يلا سلام

رهف : مع السلامه ..

كانت رهف مشغوله و بتفكر ف حياتها و ف جارتهم و ف كل حاجه و ف الاخر اخدت شاور و راحت ف نوم عميق...

____________________________ ف شقه تانيه

حسين: انا سمعت من عم مسعد ان ف ساكنه جديده جت ف الدور التاني ف الشقه ٢٧

عامر : هتسكن ف الشقه لوحدها !!

حسن : ايه المشكله احنا مالنا

عامر : هي العماره ناقصه

محمود : طول بالك ي عامر و بعدين ي اخي ان بعض الظن إثم ما يمكن تتطلع كويسه

حسين : معاه حق ي بني ..

عامر : اما نشوف ...

محمود : طب يلا ي جماعه علشان نلحق صلاه العصر ف المسجد ..

حسن : يلا ي شيخ محمود انا جاي معاك

حسين : يلا ي بني توكلنا ع الله ..

__________________________ ف اليوم ال بعده ..

عند رهف فى الشغل

مازن : اتفضلي ي دكتوره ..

رهف : صباح الخير ي فندم

مازن : صباح النور ..

رهف : خير حضرتك طلبتني ف حاجه ولا ايه ..

مازن : هو الحقيقه ف خبرين .. الأول أن ف دكتور تاني هيجي بدل دكتور عزيز
الخبر التاني بقا ان في قضيه جديده جت ولازم نبدأ فيها ف اسرع وقت ممكن ..

رهف : طيب ومين هيتولي مكان دكتور عزيز ..

مازن : في دكتور جديد جاي من بره و هيستلم ان شاء الله من بعد بكره بالكتير ..

- بس انا واثق ان انتي قدها و هتقدري تشوفي شغلك مظبوط ..

رهف ،: ان شاء الله اكون قد ثقه حضرتك ..

مازن : انا واثق من ده ...

رهف : شكرا .. و هستاذن انا بقا علشان اكمل شغلي ..

مازن : اتفضلي ..

_________________________________________

ي تري مين الدكتور الجديد ده
و ايه هي القضيه الجديده؟.