فؤاد : هو ده القرار النهائي
يزن : بس ي فندم دي مش مشكله من عندنا ، ده مش ذنبنا
فؤاد بحده : مليش دعوه ذنب مين ، في ملفات مهمه جدا ناقصه من مكتبكم زائد التقصير ف الشغل الفتره الاخيره ده أقل جزاء الصراحه ، وبعدين دي أوامر لازم انفذها زي زيكم
يزن : ال تشوفه ي دكتور
فؤاد باستغراب: يعني انت موافق انك تتنقل المركز للمده دي كلها
يزن : مش ده قرار حضرتك النهائي
فؤاد : ايوه
يزن : خلاص تمام ال تشوفه وانا هبلغ الدكتوره رهف بنفسي
فؤاد : تمام ، تقدر تتفضل دلوقتي و معاك اسبوع كامل تتجهز فيه للسفر
يزن : تمام عن اذنك ي دكتور
• • • • • • • •
يزن : بس هو ده ال حصل
مازن : انت ازاي بالسهوله دي توافق ع حاجه زي كده
يزن بتفكير : الموضوع اكبر من مجرد ان احنا نروح المركز الصحي ده لفتره المراد هو أن احنا نبعد عن المستشفي و لسبب انا مش عارفه
مازن : وليكن ي اخي بس انت وافقت كده بسهوله
انت ازاي هتروح تقعد لفتره مش اقل من ست شهور ف مركز صحي ف قريه ف اخر الدنيا
يزن بغموض : هتعرف
مازن: طب و رهف
يزن : مالها رهف
مازن : انت وافقت ع النقل خلاص و طبعا رهف هتكون ملزمه طبعا انها تسافر هي كمان ..
يزن : لو ع رهف ف انا هقنعها
مازن : انت عارفها عنيده و مش هتوافق بسرعه
يزن : انا هتصرف ، يلا بقا سلام
مازن بتعجب : سلام
__________________________ عند نهال
نهال : وحشتني اوي ي حبيبي ، انت مش ناوي ترجع اشوفك قبل ما اموت
إياد: ليه بتقولي كده بس ي نونو ، ربنا يديك الصحه
نهال: ي بني الأعمار دي من عند ربنا ، المهم متوهش مش ناوي تيجي قريب
إياد: هو انا اقدر أرفض ل نونو قلبي طلب
طبعا حجزت و جاي ف اول رمضان ان شاء الله
نهال بفرحه: بجد ي إياد.. يعني هترجع ي حبيبي
إياد: ايوه ي قلبي و هقعد معاكو لغايت ما تزهقي مني
حسين : واحشني ي حبيبي تيجي بالسلامه
إياد: وانت والله ي سحس واحشني ي راجل
حسين : لسه غلباوي زي ما انت
إياد: حبيبي ..
___________________________ عند رنا
رنا : انا خلاص اخدت القرار
بسمه : اشمعنه فجأه كده
حسن : مبروك ي بنتي ربنا يثبتك
رنا : الله يبارك فيك ، وبعدين القرار مش فجأه انا بقالي فتره بفكر و قررت بمناسبه رمضان بقا و كده انها تبقي
بدايه جديده
حسن : احسن خطوه عملتيها والله ي بنتي
رنا : ربنا يقدرني ان شاء الله و اقدر التزم بيه
حسن : ان شاء الله ي حبيبتي
________________________ عند حسين
رنا : خلاص بقا مين لقا احبابه
حسين : ليه بس ي بنتي بتقولي كده
رنا : ما انت خلاص ي سحس معنتش بتسأل ع رنوش
عامله ايه و لا راحه فين ولا جايه منين
لا انا كدا زعلانه .. زعلانه بجد
حسين : خلاص ي ستي حقك عليا
رنا : خلاص مسمحاك صعبت عليا
نهال: قلبك طيب اوي انت
فرح : امال طبعا مش رنا
رنا : انا هتجاهل كل هذه التعليقات السلبيه
حسين : دي غيره اصلا
نهال : بقا كده ي حسين
فرح : اوبا بقا ي سحس .. المدام زعلت
حسين : هو انا اقدر ع زعلها
رنا: ياااه ع الرومانسيه ي جدعان
_______________________ عند رهف
مني بضحك : انا مكنتش اعرف انك بتخافي من المحلول اوي كده ، يعني انتي دكتوره وكده
رهف : انا طبعا مش بخاف منه
مني بضحك : ايوه ايوه ما انا ملاحظه
رهف : احمم .. هو انا يعني بخاف منه شويه صغيره
علشان بخاف من الحقن
مني : اول مره ف حياتي اشوف دكتوره بتخاف من الحقن
رهف بضحك : احنا بشر برضو
مني : يلا مفضلش غير حبه صغيرين
يزن : احمم .. رهف انا محتاج اتكلم معاكي ف موضوع
رهف باستغراب : في ايه .. حاجه حصلت ف الشغل
دكتور فؤاد قال حاجه بسببي
يزن : احنا هنمشي من ال المستشفي
رهف : ايه !!
أنت تقرأ
حب من نوع آخر
Romanceقصه حب بين اتنين دكاتره هتكون ايه غير قصه حب من نوع آخر رهف بتنقل ل عماره جديده و هناك بتقابل السكان ال بتحاول تتعايش معاهم و تكون واحده منهم
