حب من نوع آخر

11

عند مازن

مازن : اتفضلي استريحي

البنت قعدت بتوتر و قلق بتحاول تخفيه

مازن : ها بقا قوليلي كنتي فين بالضبط يوم الحادثه

البنت بتوتر : كنت ف البيت مخرجتش

مازن : امم و عندك دليل بقا

البنت : بابا و ماما كانو ف البيت و البواب كان طول الليل بره لو كان شافني كان بلغ حضرتك

مازن : معاكي حق بس.. الصراحه مش دليل كفايه

البنت بتوتر: ازاي يعني مش دليل هروح اقتله منغير ما اخرج من البيت يعني ولا هطير

مازن: لا بس ممكن تخرجي من الباب الخلفي مثلا

البنت : بس انا مقتلتهوش

مازن : انا مصدقك بس الكاميرات بتوضح عير كده الصراحه

البنت: ك .. كاميرات ايه

مازن : اه هو انا مقلتلكيش
ما هو في كاميرات ف الجنينه الخلفيه بتاعه الفيلا ال جمبكم و ال بالصدفه مبينه المخرج الخلفي كامل للبيت بتاعكم

البنت: قق قصدك ايه ... يعني ايه الكلام ده

مازن : يعني الكاميرات مصوراكي مرتين يوم مقتل اختك و انتي داخله قبل معاد الوفاه و بعد معاد الوفاه وطبعا يوم مقتل خطيبها وطبعا ده كله بالصدفه

البنت : اا انا .. انا مقتلتهمش .. انا معملتش حاجه

مازن : انا بنصحك الصراحه تعترفي احسن لان الدلايل كلها ضدك و كده كده انتي راحه ف ستين داهيه ف الاعتراف دلوقتي احسنلك

البنت بغل : هي السبب ف كل ده ... لو هي مش موجوده مكنش ده كلو حصل ... هي السبب

مازن : هي السبب؟!

_____________________________ ف العماره

ريماس كانت ف العماره راحه ل رهف

ريماس : هي قالتلي الشقه ف الدور الكام .. افتكري ي ريماس افتكري ا... ايوه ف الدور التالت الشقه ال ع اليمين.. ايوه هي دي

طلعت ريماس الدور التالت و راحت تخبط ع الشقه

*عبد العزيز : شوف مين ده ي حمزه ال بيخبط

حمزه : حاضر

راح حمزه ناحيه الباب و اتفاجئ ب ريماس

ريماس بتعجب : انت بتعمل ايه هنا ، انت مين اصلا

حمزه : انت بتقوليه ايه ، انت ال جايه شقتي و تقولي انت مين

ريماس : شقتك ايه ؟؟ هو أنت عايش ازاي اصلا و دي شقه بنت عايشه لوحدها

حمزه : ي مصبر الوحش ع الجحش ، يبنتي دي شقتي و بعدين بنت مين ال عايشه هنا

عبد العزيز: في ايه ي حمزه مين ال ع الباب

حمزه : تعالي شوف انت علشان انا متهورش

عبد العزيز : نعم ي بنتي انت محتاجه مين

ريماس بحرج،: انا اسفه جدا انا شكلي جيت عنوان غلط ، انا بس كنت بدور ع شقه واحده صاحبتي

عبد العزيز : انت متأكده انها العماره دي

ريماس : ايوه بس مش عارفه انهي شقه الصراحه
لس ع العموم انا اسفه جدا لحضرتك مره تانيه

عبد العزيز: لا ولا حاجه ي بنتي ، انتي قصدك ع رهف ال جت هنا العماره جديد

ريماس : ايوه هي دي ، حضرتك تعرف انهي شقه بالضبط

عبد العزيز : الدور ال تحت الشقه رقم ٢٧

ريماس : شكرا جدا لحضرتك و اسفه مره تانيه ع الازعاج

___________________________ عند مازن

رهف : ايه ا حصل بعد كده ؟؟ هي اعترفت ان هي ال قتلت اختها و خطيبها

مازن : للأسف ايوه هي اعترفت بكل حاجه

يزن بثقه : كنت متأكده

رهف ف نفسها : مغرور

مازن : و عرفت ازاي بقا

يزن : دي خبره ، وبعد دي اسرار مهنه مش اي حد يعرفها

مازن : اه أسرار مهنه قولتلي ..

رهف : طيب كمل هي قالت ايه بعد كده قتلتها ازي وليه .. يعني الدافع بتاعها

مازن : ...

___________________________ عند ريماس

نزلت ريماس خبطت ع الشقه مره اتنين و محدش رد و اتصلت ع رهف بس برضو مش بترد عليها ..

ريماس : اه ي كلبه الكلاب ي ندله كل ال حصل ده بسببك

حمزه بضحك : قاعده بتكلمي نفسك ع السلم كده ليه
صحبتك تنشطلك ولة ايه

ريماس : ملكش فيه .. انا اصلا ال عاوزه اقعد هنا ع السلم المكان عاجبني ي اخي انت مالك

حمزه بضحك : براحتك كنت هساعدك بما ان صحبتك مش موجوده

ريماس : بجد .. اقصد هتساعدني ازاي اصلا

حمزه : تعالي معايا

ريماس: نععععم .. اجي معاك فين ي بتاع انت

حمزه : استغفر الله العظيم.. هو أن هاكلك تعالي بس

قامت ريماس من مكانها و راحت معاه ناحيه شقه ما
خبط حمزه ع الباب و فتحت مريم

مريم : ايه ي حمزه ي بني اتفضل

حمزه : لا شكرا ي طنط كتر خيرك بس عندي طلب بس لو مش هتأل عليكي

مريم : اتفضل ي بني

حمزه : دي واحده صاحبه رهف وهي مستنياها ف ممكن تخليها عندك شويه لو مفيش مانع مع فرح ع ما رهف تيجي بس من بره ، حضرتك عارفه انا عايش انا و والدي لوحدنا و..

مريم : ايه ال انت بتقوله ده طبعا تتفضل تقعد مع فرح ، ثواني بس هنديها

حمزه : شكرا بجد

مريم: ولا حاجه ي بني

رجع ل ريماس و قال : خلاص تعالي

ريماس : اجي فين انا مش فاهمه حاجه ؟؟.