حب من نوع آخر

17

رهف : اييييه !!
يعني ايه الكلام ده ، طب انا و هقول ماشي بسبب ال عملته اخر مره ، بس انت كمان ليه ؟؟

يزن : مش ده السبب اصلا

رهف : امال ايه السبب ال يخليه يفصلنا من الشغل الدكتور المتخلف ده

يزن : في ملفات مهمه ناقصه من المكتب و علشان كده الاداره قررت انها تجازينا

رهف: ملفات ناقصه .. ايه الهبل ده الملفات اصلا كلها ف الأرشيف يعني مش احنا المسؤلين عن حفظها و تخزينها ... هل ده سبب اصلا

يزن : ممكن تسمعيني للآخر
هو احنا مش هنسيب الشغل احنا بس انتقلنا لفتره ف وحده صحيه ف قريه.. و هنشتغل هناك فتره و بعدين نرجع تاني

رهف : بس احنا ليه نتعاقب اصلا ع حاجه احنا معملنهاش ، وبعدين دقيقه واحده ليه انت كمان تتعاقب حتي لو الملفات ناقصه انت لسه جاي اصلا
هو انت مش حاسس بحاجه غريبه

يزن : ده ال انا بقالي ساعه برغي فيه ، المستشفي دي مش مجرد هدفها اننا نتعاقب ولا حتي ان احنا نغطي مكان ف القريه ال هناك دي ، لاكن هدفهم اكبر من كده
المستشفي دي بتجهز ل مصيبه مش عاوزانا نقف ف طريقها

رهف: نقوم نسيب لهم الطريق مخضر كده بدل ما نحاول نكشفهم

يزن : ملكيش انت دعوه باي حاجه من دي نفذي ال هقولك عليه بس

رهف : أمري لله

يزن : اخيرا مره معاندتيش معايا و عارضتي

رهف : معنديش طاقه الصراحه

يزن : و موضوع القريه علشان بعيده و كده ، هتقدري تقنعي اهلك

رهف بسرحان : اهلي

يزن : انتي سرحتي ف ايه

هف : ها .. لا مفيش انا معاك اهو
اتا هاقدر اقنع اهلي متقلقش

يزن : تمام

رهف : طيب ايه مش هتشيل ليا المحلول

يزن : لا لسه واحد كمان علشان كده خليه ف ايدك

رهف : خلاص والله انا بقيت كويسه شيلها بقا

يزن : خلاص بقا متبقيش طفله ، خلاص فاضل مره واحده بس

رهف : اووف

_______________________ عند ريماس

ريماس : ايه ي بنتي عامله ايه دلوقتي

رهف : كويسه ، اشمعنه بتسالي

ريماس : طنط مني قالتلي

رهف : لا وانت عرفتي طنط مني كمان

ريماس : لا دي قصه طويله ، المهم انتي لسه تعبانه اجيلك

رهف : والله ي بنتي انا زي الفل اهو انا بس كنت دايخه شويه ، اه نسيت اقولك ان انا مسافره مع الشغل الفتره الجايه