حب من نوع آخر

13

رنا كانت لسه هتحكي قاطعهم خبط ع الباب

رهف راحت تفتح

ريماس : لا خيانه بقا .. دي خيانه

رهف : اتنيلي ادخلي وانت ساكته

فرح : اهي صاحبتك وصلت لحد عندك اهي

رهف : لا خليها بالله عليكي .. كان نقصني
طب ادخلو بقا ولا هتفضلو ع الباب

دخلت فرح و ريماس و شافو رنا

فرح قربت منها و قالت : مالك ي رنوش ايه ال حصل

رهف : دقيقه واحده بس وكنت هعرف

ريماس : هو في ايه ي جدعان

رنا بدموع حكت لهم ع كل حاجه

رهف و هي بتحضنها: طب اهدي بس كده ي قلبي ، مفيش حاجه انتي كويسه اهو

فرح: اهدي بس ي رنا .. الحقير الواطي ده والله لوريك

ريماس : اهدي بس و متعيطيش ، لازم تبقي قويه علشان الزمن ده مفيش في حد كويس

فرح : ربنا سترها المره دي بس مش كل مره تسلم الجره ، لازم تاخدي بالك و مينفعش تنزلي بالهدوم دي تاني

رنا : ده وقته تتكلمي ع هدومي و هو ال غلطان بدل ما تقفي معايا

فرح : انت عارفه ان انا خايفه عليكي

رهف : رنا اسمعيني لو سمحتي ، انا معرفكيش من فتره طويله بس ربنا يعلم انت معزتك عندي قد ايه
علشان كده انا هنصحك نصيحه لوجه الله
و هي ان جسمك ده حاجه خاصه بيكي انتي مش من حق أي حد ماشي ف الشارع انه يشوفها، انتي اغلي من انك تظهري جسمك لأي حد ماشي ف الشارع
بعيدا عن ان المتحرش ده انسان حقير و مريض ولاكن احنا برضو مش هنرمي الطعم و متوقعين ان منطلعش سمك
و احمدي ربنا انه علمك درس و انه الموضوع انتهي ع كده لان في بنات تانيه مجلهاش إنذار زيك و ده دليل ع ان انت ربنا بيحبك و عاوز لك الهدايه 

قال تعالى: ﴿ يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلَابِيبِهِنَّ ذَلِكَ أَدْنَى أَنْ يُعْرَفْنَ فَلَا يُؤْذَيْنَ ﴾

و ده معناه ان ربنا مش فرضه علينا علشان يقيدنا بس فرضه علينا علشان يحافظ علينا من الناس المريضه ال ممكن تاذينا .

ريماس: صح ان انا اول مره اشوفك و معرفكيش من زمان لس انا شيفا فيكي انسانه كويسه و خلوقه

رنا : بس انا .. انا خايفه ، خايفه البس الحجاب و اقصر فيه او ارجع اخلعه تاني

فرح : ربنا قال ف القرآن فيما معناه ، والذين جاهدو فينا لنهدينهم سُبلنا ، يعني انتي بس جاهدي و ربنا هو ال هيعينك بس اهم حاجه تكون نيتك خالصه لله

رنا بابتسامه : اوعدكم ي جماعه ان انا هلتزم و اقرب من ربنا بس طبعا لازم تساعدوني

رهف : طبعا

ريماس : اححم  .. هو الصراحه انا كنت جايه ابات معاكي كام يوم لاني انترضت من البيت

رهف: مصيبه تانيه ، عملتي ايه المرادي

فرح بضحك : رفضت عري مامتها جيباه  

ريماس : فضحتينا  ي بنتي

رهف : كنت متأكده

رنا : هي دي عاده ، يعني كل فتره تيجي علشان رفضت عريس

رهف : ياااه دا دي تقريبا المره العشروميه ال تيجي تبات عندي علشان سابت البيت بسبب العرسان
دي تقريبا بتبان عندي ايام اكتر من ال بتباتها ف بيتهم

ريماس : حبيبي .. شكرا ي زوق

رهف : ع ايه .. ده واجبي

فرح : دي مصيبه دي حكاتلي بلاوي ع ما جيتي

رهف : صحيح هو انتو اتقابلتوا ازاي انا نسيت اسأل

ريماس : ما انتي لو مهتمه كنتي عرفتي

رهف : انتي هتعملي خطيبي ما تنطقي ي بت

ريماس حكت لهم كل ال حصل

رنا بضحك : يالهوي .. ي كسفتك ي حازم

رهف : مصيبه .. مصيبه متحركه .. يعني اتأخر ساعه تعملي كل ده

ريماس : خلاص بقا ي جماعه علشان مشاعيري

فرح : مشاعيرك .. سلميلي ع مشاعيرك

ريماس : ي رب انا عملت ذنب ايه ف حياتي ي رب علشان يحصل معايا كده

رهف : بلاش نفضح بقا .. يعني ال ستره ربه ميفضحهوش عبده

فرح : لا ما خلاص انا قعت معاها ساعه عرفت مصايبها من ساعه ما اتولدت

رنا : لا دا كده محتاجين قعده و كوبايتين شاي

ريماس ببراءه : والله انا غلبانه بس الدنيا جايه عليا

رهف : هعمل نفسي مصدقه

فجأه جه ل رهف تليفون

رهف : الو

رهف بقلق : ايه انا جايه حالا