حب من نوع آخر

5

عند رهف ف البيت

روحت رهف و اخدت شاور و اتغدت و كانت قاعده بتقرا ف كتاب لغايت ما سمعت صوت الباب
و قامت تفتح

رهف بابتسامه : اهلا اتفضلوا

فرح : احنا اسفين ان احنا جينا من غير معاد ولة حاجه

رهف : ايه ال انت بتقوليه ده و بعدين انا اصلا كنت زهقانه .. تعالو اتفضلو

فرح : شكر

رهف : ها تشربوا ايه بقا

رنا : لا ولا حاجه

رهف : ايه ده بقا ، خلاص اعمل هوت شوكليت لنا

فرح : خلاص تمام

رهف : ها بقا تحبوا نبدأ منين ، ولا بقول ابداو انتو الأول

رنا : خلاص ي ستي ، انا رنا ،٢٥ سنه و بشتغل محاسبه ف شركه

فرح: وانا فرح، ٢٧سنه و بشتغل مُدرسه
وانت دكتوره مش كده

رهف بضحك : ايوه دكتوره ي ستي

رنا بشك : دكتوره ايه ال بيضحك كده

رهف : دكتوره تشريح

فرح و رنا بصدمه : اييييييييييييه

رهف بضحك : في ايه مالكم كده

فرح : انت سمعتي نفسك

رنا : انت بتهزري صح

رهف : لا والله بتكلم بجد

فرح : اشمعني يعني تشريح من قله الأقسام

رهف : لا ي بنتي بس ده ال انا حبيته ، جدي الله يرحمه كان دكتور تشريح

رنا : الله يرحمه

رهف : المهم بقولكم ايه بما اننا متجمعين كده ما تيجو نبقي نخرج سوا ، انا كنت عاوزه اعرفكم ع صاحبه عمري ريماس ، انا متأكده انكم هتحبوها

فرح: دكتوره اموات هي كمان

رهف : لا ي خفه

رنا : طب الحمد لله

رهف بضحك : تصدقي ان انا غيرت رأي، يلا انت و هي من هنا ، يلا بره

فرح بضحك : خلاص متبقيش قفوشه كده

رهف : بتخرجوا جعفر ال جوايا

___________________________ عند يزن

يزن : ها قولي بقا عملت ايه ف القضيه

مازن : مفيش جديد..
و بعدين هو انت جايبني علشان تسألني عن القضيه ي اخي حرام عليك ما بصدق اخد نفسي

يزن : خلاص ي عم انا بس كنت بسأل

مازن : الا قولي صحيح رهف عامله ايه ف الشغل

يزن : عادي ، اشمعني

مازن بخبث : لا عادي اصل دي من اكفا الدكاتره رغم سنها

يزن بشك : اه ، بس كده

مازن : و كمان يعني انا شفتك وانت بتزعق ل سامر بعد الشغل

يزن : اااه قول كده ، انت بتستجوبني بقا

مازن ببراءه : هو انا قولت حاجه ي عم

يزن : بس يلا ، و بطل تلميحاتك دي علشان مفيش اي حاجه .. ولا حتي هيكون في

مازن : خلاص ي عم انا غلطان ان انا بطمن عليك

يزن : هتعمل زي امي بقا ، وبعدين ايه تطمن عليا دي
مش نطمن عليك انت الاول بدل ما انت بتحب ف صمت كده

مازن بصدمه : ايه !!

يزن : هو انت فاكرني نايم علي وداني يلا ده انا حافظك

مازن : طب عرفت ازاي ي عم ، هو انا مفضوح اوي كده

يزن بضحك : مووت

____________________________ عند سلمي

اسيل : مع السلامه ي ماما

سلمي : خلي بالك من نفسك ي سيلا ، يلا سلام

و دخلت اسيل البيت

سلمي : لو سمحت خلي بالك منها ي اسامه و اقعد معاها شويه

اسامه : دي بنتي ، خليكي فاكره

سلمي : ي ريت بقا انت ال تفتكر انها بنتك و تقعد معاها شويه و تحسسها بالأمان

اسامه بعصبيه : انا عارف انا بتعامل ازاي مع بنتي كويس ي سلمي

سلمي : اا تمام ، متخليهاش تسهر واتأكد من انها اكلت كويس

اسامه : خلاص ، سلام

سلمي : سلام

__________________________ عند نهال

رهف بابتسامه : ها ، اخبارنا ايه بقا انهارده
حضرتك حاسس بتحسن

حسين : الحمد لله ي بنتي، كتر خيرك

رهف : علي ايه ده واجبي ، اهم حاجه تفوق لنا كده و ترجع بالسلامه

حسين : ان شاء الله خير

رهف : صحيح افتكرت، انا ممكن اخد من حضرتك عينه الدم و انا هوديها المعمل بنفسي

نهال : كتر خيرك ي بنتي ، بس يزن الله يباركله اخدها و وداها المعمل

رهف : امم .. دكتور يزن

نهال : ف حاجه ولا ايه

رهف بابتسامه : لا خالص، انا هستاذن بقا ، مع السلامه

نهال : مع السلامه ي بنتي

بعد ما رهف طلعت ع باب العماره

سامر: رهف

رهف بغضب : انت بتعمل ايه هنا و عرفت،مكاني ازاي

سامر بسماجه : انا ال انا عاوزه بوصله

رهف بسخريه : بس انا مش لعبه من ال والدك بيشتريها بفلوسه ي دكتور سامر ، ويلا امشي من هنا
علشان كده مينفعش

سامر قرب منها و كان عاوز يمسك اديها بس رهف ادته بالقلم و قالت بحده : اوعي تفكري تقرب مني او تلمسني تاني مفهوم ... ي دكتور

سامر بص لها بحده و هو حاطط ايده علي وشه و مصدوم و بعدين مشي

________________________________________