حب من نوع آخر

23

عند فرح و رنا و ريماس

فرح : مازن

رنا: مازن !

ريماس: مازن مين ؟

فرح : هو ماله مازن بقا انت مصدومه كده ليه

رنا : مش مصدومه بس يعني انتو ولا مره اتكلمتو و لا اتكلمي عنو قبل كده و كمان انا ولا مره شفته بيبصلك كل مره يشوف بنت بينزل وشه ف الارض

ريماس : انا اسفه ع المقاطعه بس هو مين ده الأول

فرح : هفهمك ي ستي مازن ده يبقي ابن خالتي و هو أكبر مني بكام سنه بس

ريماس : طيب ما طلع ابن خالتها اهو امال انت مصدومه ليه كده

رنا : مش ع حاجه بس هي ولة مره حكت ليا عنه

ريماس : و بتحبي بقا من امتي ي عصفوره الحب انتي

فرح بخجل : يعني انا كنت معجبه بي من فتره بس
مكنتش متأكده من مشاعري

رنا : و دلوقتي اتاكدتي

فرح : يعني حاجه كده

رنا : صدقيني ي فرح انا مش مضايقه من حاجه بس انا خايفه عليكي تدخلي ف علاقه حب من طرف واحد
مش عاوزاكي تتجرحي كل مره تشوفي فيها و انتي حتي مش عارفه تكلمي ولا تشوفي حد غيره

ريماس : الصراحه رنا معاها حق، لازم تفكري كويس اذا كان يستاهل انك تحبي او اذا حتي كان مرتبط او بيفكر
و كمان هو ابن خالتك يعني اكيد مامتك تعرف او ممكن تروحي لخالتك تقوي علاقتك بيها

فرح : معكو حق بس..

رنا : بس ايه مفيش بس

فرح : أمري لله

___________________________ عند رهف و يزن

فتح يزن عينه براحه لقي رهف قاعده ع الكرسي جمبه و هي راحه ف النوم و لقي كمادات مايه ع راسه

يزن بهدوء : رهف

رهف قامت بسرعه ع الصوت و قالت بتفحص: يزن انت كويس دلوقتي

يزن بهدوء : اا ايوه الحمد لله ، هو ايه ال حصل

رهف : انا جيت بليل اتطمن عليك لقيتك تعبان و حرارتك عاليه

يزن : انت فضلتي هنا طول اليل

رهف : ايوه انت كنت تعبان مكنتش هسيبك اكيد

يزن : شكرا

رهف بضحك : عد الجمايل بقا

يزن : خلاص ي ستي جمايلك مغرقانه
صحيح و الشغل

رهف : رهف متقلقش انا اتصلت ب الدكتور ال ف المشرحه و هو هيشوف شغل انهارده و انا كمان هاروح للمدير و هطلب منه اجازه و

يزن : لا متشغليش بالك انا هبقا اتصرف ف الحوار ده

رهف : انت مش هتتحرك من مكانك الا لما تخف خالص و ملكش دعوه باي حاجه

يزن : تمام بس متعمليش مشاكل ي رهف

رهف : عيب عليك هو انا بتاعه مشاكل

يزن : ربنا يستر

__________________________ عند رنا

رنا بعصبيه : انا قلت لا يعني لا

بسمه : هو ايه ال لا انت فاكره نفسك لسه صغيره لا ركزي كده و شوفي مستقبلك

رنا : ي الله ، ي ماما انا مقلتش حاجه بس عزت ابن عمي ده مش هتجوزه لو اخر واحد

بسمه : و ماله بقا ما هو معاه فلوس وبيت و مرتاح و هيعيشك ملكه انت عاوزه ايه اكتر من كده

رنا : لو سمحت افهميني شويه الحياه مش بس فلوس و أملاك ف حاجه اسمها حب و تفاهم الفلوس كده كده بتروح و تيجي

بسمه :بطلي الكلام التافه ال بتسمعيه ف التلفزيون ال لحس عقلك ده

رنا: ده مش كلام تافه دي حقيقه و بعدين فيها ايه لو عديت العشرينات مش لازم اكون مؤهله اني اكون مسؤله و اتحمل مسؤليه زوج و اولاد و اكون قد تربيتهم بدل ما يطلعوا مرضي يبلوا المجتمع

بسمه : ده اخر كلام و اما ابوكي يرجع لنا كلام تاني فهماني

رنا: انت عارفه ان انا مستحيل هاعمل حاجه انا مش حباها ومش مقتنعه بيها حتي لو مين اجبرني عليها و عزت مش هتجوزه و خلصت

بسمه : هنشوف

______________________ ف المستشفي القريه

فؤاد : ها عملت ايه

المدير : كلو تمام و الخطه ماشيه كويس بس...

فؤاد بعصبيه : بس ايه الموضوع ده مفيش في بس
ايه غلطه فيها رقبتنا ع طول

المدير : اطمن ي فؤاد بيه ده مشكله تافه مش اكتر

فؤاد: المهم عملت ايه ف الدكاتره ال انا بعتهم لك

المدير : كلو ماشي زي ما خططت عطيه وصلهم البيت و عايشين ف نفس الشقه علشان نقدر نراقبهم كويس و تحت عنينا و كمان بعتهم المشرحه البعيده عن المستشفي والشغل هنا و كلو تحت السيطره و دكاترتتا هناك مراقبين كل حركاتهم

فؤاد : امال ايه المشكله

المدير بتردد : رامز الدكتور ال المفروض ف المشرحه التانيه استفز يزن و شدو مع بعض بس انا هاخل الموضوع متقلقش

فؤاد : يستحسن علشان ماقلبش عليك