حب من نوع آخر

7

عند يزن و رهف

رهف : هو ايه ال حصل ، احنا مش هنروح ع المشرحه

يزن : لا

رهف : امال ع فين

يزن : علي مسرح الجريمه

رهف : ازاي يعني لها علاقه بالقضيه القديمه ، هو ف جثث تانيه ؟؟

يزن : اسكتي و اما نوصل هتفهمي كل حاجه

__________________________ ف مسرح الجريمه

يزن : ها ي حضره الظابط ايه ال حصل

مازن : زي ما انت شايف كده ، تقريبا المشتبه فيه الاقرب انتحر

يزن بغموض : ممكن يكون ده هو دليل ادانه

رهف: تقصد انه مش انتحار

يزن : بعد التشريح هنعرف

___________________________ ف المكتب

مازن : القضيه دي كل مدي بتعقد اكتر

يزن : بس انا حاسس ان هي قربت تتحل

مازن : يوم القضيه الاب والام كانو ف مطعم بمناسبه عيد جوازهم
الضحيه كانت لوحدها ف البيت من بعد الساعه ٨
اخر شخص كان معاها صاحبتها و دي مشيت قبل معاد الوفاه
اختها الوحيده كانت مسافره الغردقه ف شغل بشهاده
مديرها
خطيبها الوحيد ال مش مثبت كان فين وقت وقوع الجريمه .. وادي مات

يزن : بعد تشريح الجثه هيتبيتن اذا كان اتقتل او انتحر
و اي جديد عرفهولي

مازن : تمام

_________________________ ف العماره

مريم : هما لسه مخلصوش

مني : لا انا اتصلت بيزن من شويه و قال لسه حبه ع ما يخلصوا

سلمي : ربنا يعينهم شغلهم ده متعب جدا

مني : ي رب ، المهم طمنيني اسيل عملت ايه

سلمي بحزن : اضطريت اوديها ل اسامه هتقضي معاه
يومين هناك

مني : متخافيش عليها ي حبيبتي ، ده مهما كان بباها

رنا : انا عارفه انها اكيد مقصره معاكي انها مش موجوده بس ده كلها يومين ان شاء الله

سلمي : ربنا يستر مش خايفه بس ال من الحربايه مراته

فرح : هي اكيد مش هتعملها حاجه طالما باباها موجود

سلمي : ان شاء الله خير

مريم : متقلقيش ي بنتي ، خير بإذن الله ..

________________________ ف البلكونه بليل

محمد : متجمعين ديما ف الأفراح

حسين : ي رب

وبعد مده من الضحك و الهزار سألت بسمه

بسمه بسماجه : بما انك انت الوحيده ال جديده هنا ي رهف ما تعرفينا كده ع اهلك و اشمعنه عايشه هنا لوحدك يعني ... اقصد يعني الزمن ال احنا فيه مش امان ل بنت عايشه لوحدها منغير أهلها

حسن بغضب مكتوم : بسمه !!

مني : ايه ي بسمه احنا مالنا نتدخل ف حاجات زي دي ليه

رهف بحزن مخفي : لا ي منمن طنط بسمه معاها حق انتم من حقكوا انكوا تعرفوا ع الاقل انا مين ومين اهلي بما اني هعيش معاكم هنا ..
انا عايشه هنا لوحدي لان الشقه قريبه من الشغل بتاعي مش اكتر و اهلي عايشين ف مكان تاني ... هو ده كل ال فيها ..

بسمه بسخريه : و ع كده اهلك سايبينك تعيشي لوحدك كده بعيد عنهم ...

حسن بعصبيه : خلاص خلصنا ي بسمه !!

بسمه: هو انا قلت حاجه ، انا بسأل بس مش اكتر

رهف : خلاص ي جماعه حصل خير مفيش حاجه ...
انا هاضطر استأذن دلوقتي لان الوقت اتأخر ، عن اذنكم

مريم : ليه كده ي رهف لسه بدري ، اقعدي شويه

رهف : انا اسفه ي طنط مره تانيه ان شاء الله ، تصبحوا ع خير ي جماعه

الجميع: وانتي من اهل الخير

مني بحنان : خلي بالك من نفسك ي حبيبتي ..

رهف : متقلقيش ي طنط

و نزلت بعدها رهف

نهال : ليه كده ي بسمه

بسمه بعدم اهتمام : هو انا قلت حاجه غلط

عبد العزيز : لا حول ولا قوه الا بالله .. حصل خير ي جماعه ..

حسن : طب عن اذنكم ي جماعه هنضطر نستأذن احنا كمان
وكمل كلامه بغضب : يلا ي بسمه ..

حسين : مع السلامه ي بني ..

______________________ عند مني ف الشقه

مني : بسمه مش ناويه تجيبها البر و تبطل حركاتها دي

محمد : ربنا يهديها ، اصلا رهف باين عليها بنت محترمه و ف حالها

يزن بتفكير : طب و زعلت ليه لما سألت عن أهلها

مني : يعني انت مع بسمه ف ال هي عملته

يزن : انا مقولتش كده ..

محمد : اكيد ي بني اي حد مكانها كان هيزعل من كلام بسمه بالطريقه دي قدامنا كلنا و كمان ممكن تكون فكرتها ب أهلها و انها يعني عايشه بعيد عنهم و هما اكيد وحشوها ...

يزن بعد اقتناع : ممكن ، يلا تصبحو ع خير انا هدخل بقا

محمد و مني : وانت من اهل الخير

________________________ تاني يوم عند مازن

مازن : دخلي ي بني اول واحد

العسكري : امرك ي فندم..

مازن : ها بقا احكيلي تعرف ايه عن موت خطيب بنتك

والد الضحيه بتوتر : قلت لحضرتك معرفش غير انه يوم انتحاره كان عندنا قبلها و بيقنعنا ان هو مقتلش بنتي وانه كان بيحبها و انه ملوش ايه دخل ف ال حصل و ..

مازن بحده : وايه كمل ... استنيت يروح و روحت قتلته .. صح؟؟

والد الضحيه بتوتر : حضرتك انا .. انا ..