حب من نوع آخر

3

يزن بصدمه : انتي بتعملي ايه هنا !!

رهف : انت ال بتعمل ايه هنا .

يزن : انا صاحب الشقه انت ال مين ..

مني : استهدو بالله كده انتوا الاتنين...
اعرفك ي يزن .. رهف جارتنا الجديده ف الشقه ال قصادنا

يزن ببرود : اهلا ... طب انا مضطر ادخل ارتاح بقا ..

رهف بإحراج : طب انا هستاذن دلوقتي و ابقي اجي لحضرتك وقت تاني ..

مني : طب استني خلصي الشاي الأول..

رهف : ان شاء الله مره تانيه ..

بعد ما مشيت رهف ..

مني بزعل : ليه عملت كده ي يزن ... ليه كلمتها كده

يزن : خلاص بقا فكك ي منمن .. المهم عامله لنا ايه ع الغدا بقا ي حلو ...

مني : انت بتلهيني بكلمتين ... بس علشان انت لسه راجع من السفر مش هكبر الموضوع

يزن : طب فين بابا مشفتهوش من ساعه ما جيت ..

مني : خرج من شويه مع عمك محمود و الحج حسين..

يزن : طب هدخل اغير انا بقا ...

______________________________ عند رهف

كان الحج حسين طالع ع السلم هو و محمد و فجأه
تعب و وقع مغمي عليه ..

كانت ساعتها رهف ع السلم .. و جريت عليهم ..

رهف : احنا محتاجين ننقله بسرعه ..

نقله محمد و محمود و دخلوه الشقه ..

نهال بخوف و دموع : ايه ال حصل، هو في ايه

رهف : اهدي ي طنط هو أن شاء الله بخير ..

محمد : هو ماله ي بنتي ..

رهف : الحمد لله ي عمو مفيش داعي للقلق بس محتاجين شويه تحاليل علشان نطمن عليه و ان شاء الله خير ... بس اهم حاجه الراحه التامه ..

محمود : طب و ايه بقا سبب الإغماء ده ..

رهف : انا محتاجين التحاليل دي علشان نتأكد من السبب و أن شاء الله خير ي جماعه هو بس يرتاح و انا هاجي اتطمن عليه تاني ...

نهال : شكرا ي بنتي تعبناكي معانا

رهف : ولا تعب ولا حاجه ده واجبي .. وانا موجوده علي طول لو حصل اي حاجه

نهال: طب اشربي اي حاجه الأول..

رهف : شكرا ي طنط ملوش لزوم .. مع السلامه .

نهال : سلام ي بنتي ..

___________________________ عند حسن

بسمه : رايح فين ي حسن

حسن : الحج حسين تعب و اغمي عليه انهارده ع السلم ف هروح اتطمن عليه

بسمه : لا الف سلامه عليه ، اطلع انت وانا اما رنا تيجي من بره هنتطلع للحجه نهال

حسن: تمام ، و اتصلي اتطمني عليها شوفي هي لتاخرت كده ليه

بسمه: حاضر هرن عليها و احصلك

__________________________ عند حسين

عبد العزيز : الف سلامه عليك ي سحس ، كده تقلقنا عليك

حمزه : خلاص ي بابا سحس كان بيشوف غلاوته عندنا

عامر : الف سلامه عليك ي سحس .

حسين : الله يسلمك ي عامر ي بني

حمزه بضحك : في واحده كده هو ال وشه خير علينا

يزن : متلمحش ، شكل العلقه وحشتك ، فاكر ولا افكرك

حمزه : خلاص ي عم الواحد حرام يهزر معاك

يزن : ناس تخاف متختشيش

حسين : والله وليك وحشه ي عم يزن

يزن : والله وانتو كمان وحشتوني اوي ي سحس

حسين : و هتقعد بقا المرادي قد ايه

يزن بتنهد : والله انا ناوي اكبس ع نفسكم ع طول

محمود : احسن حاجه عملتها ي بني ، بلا غربه

يزن : انا بقول كده برضو

~عند نهال~

بسمه : الف سلامه علي الحج حسين

نهال : الله يسلمك ي بسمه ي ينتي

مريم : ان شاء الله خير و هيقوملنا بالسلامه

نهال : ي رب ي بنتي ي رب

رنا : خلاص بقا ي نونو كده فكي ، سحس بكره يقوم و يبقي زي الفل و بكره تقولي

فرح : والله اول مره رنا تقول حاجه صح ف حياتها..

رنا : كتر خيرك ي ستي وانا بقول محدش بينصفني ابدا

مريم : خلاص ي غلباويه انتي و هي .

بعد فتره جت رهف

رهف : السلام عليكم

نهال : و عليكم السلام تعالي ي بنتي اتفضلي

رهف : اخبار الاستاذ حسين ايه دلوقتي

نهال : بخير الحمد لله

رنا : مش تعرفينا ي نونو

رهف بابتسامه : انا رهف الساكنه الجديده

رنا بابتسامه : اهلا بيكي . . انا رنا

فرح : اهلا ي رهف ، وانا فرح

رهف : اهلا بيكوا

نهال : وانتي عايشه هنا لواحدك ي بنتي

رهف : ايوه ي طنط

مريم: انا مامت فرح ، واعتبرينا زي أهلك بالظبط

رهف: طبها ي طنط ..

بسمه بزهق : طب هستاذن انا بقا ، يلا ي رنا

______________________________ عند بسمه

رنا : ف ايه ي ماما ، انتي مشيتي كده ليه و بعدين انتي بتعمليها كده ليه ها ؟؟

بسمه: دي بنت عايشه لوحدها و احنا منعرفهاش واحسن لكي تبعدي عنها

رنا : ايه ال انتي بتقوليه ده ي ماما ؟؟