حب من نوع آخر

4

ف الشغل عند رهف

مازن : هنقدر نستلم ملف الطب الشرعي امتي ي دكتور

يزن : احنا خلصنا تشريح الجثه ، بس انا حاسس ان في حاجه غريبه ف القضيه دي

مازن : كلو هيبان ف التحقيقات ، بس ع العموم دايره المشتبه فيهم مش كبيره و اغلب الشكوك و الادله بتدل ع شخص واحد

يزن : خطيبها ؟

مازن : اغلب الادله بتدل عليه هو

رهف : مش ع طول الادله بتكون كل حاجه

مازن : قصدك ايه

رهف : مش عارفه بس انا حاسه ان ف حاجه غلط
حد بيحاول يلبس خطيبها ف الموضوع
يعني مثلا لو هو ال قتلها مكنش هيسبب كل الادله دي وراه .. كأنه بيقول انا ال قتلتها تعالي امسكني

يزن : انا شايف كده برضو
اثار الاعتداء ع جسمها فيها غل .. يعني لشخص بيكرها
و عاوز يخلص منها مش بس بهدف الاستمتاع او شهوه

مازن : دي حاجات انا لاحظتها جدا ، ولاكن القانون مش بيمشي بالاحساس و ادينا مستنيين اي ادله جديده

________________________ ف غرفه التشريح

رهف : تتوقع مين يكون القاتل

يزن : احنا مالنا ده شغل التحقيقات، احنا نكتب التقرير و بس

رهف ف نفسها : انا غلطانه ان انا سألت اصلا

يزن ببرود : بتقولي حاجه

رهف بعصبيه: بكلم نفسي ولا حرام ده كمان

يزن ببرود : وانا مالي

رهف : اووف

_________________________ عند رنا

فرح : بقولك ايه ، ما تيجي نبقي نروح ل رهف شويه

رنا : امم اشمعنا كده

فرح: يعني هي من سننا و كمان عايشه لوحدها ، ها ايه رايك

رنا : تمام عادي انا موافقه طبعا بس..

فرح : بس ايه

رنا : الصراحه كده ماما قالتلي يعني مختلطش بيها اوي علشان هي عايشه لوحدها بس انا طبعا مش هعمل كده

فرح : بس ليه دي باين عليها طيبه جدا

رنا : ما انتي عارفه ماما

فرح : ع العموم نبقي نتقابل كده ع الساعه اربعه و نشوف

رنا : تمام ي فندم

فرح : طب يلا ي بت انتي من هنا

رنا بضحك: طب متزوقيش بس ، مع السلامه ي فروحتي

فرح : غوري ي بت من وشي

_______________________________ عند سلمي

سلمي : يلا بقا ي سيلا متغلبنيش معاكي

اسيل : لا مش عاوزه اروح .. مش عاوزه

سلمي : لازم تروحي ي قلبي علشان خاطري انا

اسيل : مش عاوزه ي ماما

سلمي : طيب بصي لو روحتي انهارده علشان خاطري و سمعتي الكلام هنروح الملاهي انا وانتي

اسيل : اممم ، خلاص انا موافقه بس توعديني انك توديني الملاهي

سلمي : خلاص وعد

اسيل : انا بحبك اوي

سلمي : وانا كمان بحبك، يلا بقا نجهز علشان منتاخرش

اسيل : هتوحشيني اوي

سلمي : وانتي كمان ي قلبي و متزعليش هو يوم واحد بس و هاجي اخدك بسرعه تاني

اسيل : ليه مش هرجع انهارده مش عاوزه افضل هناك كتير

سلمي : لا ماينفعش ي قلبي .. و بعدين ابقي اتصلي عليا ، يلا بقا زي الشاطر علشان احنا اتاخرنا اوي

اسيل بحزن : يلا

________________________ عند رهف

ف التليفون

رهف : ايوه ي بنتي خلاص خلصت شغل و مروحه اهو

ريماس : يعني مش هتخرجي انهارده

رهف : معلشي بقا يوم تاني ، انتي شايفه اهو انا لسه مخلصه شغل و لسه هروح

ريماس : خلاص يوم تاني ، خلي بالك من نفسك

رهف : مع السلامه

لمت رهف كل الملفات و جهزت نفسها و خرجت

ف الشارع ~

كانت رهف مستنيه تاكسي و فجأه

سامر : تعالي اما اوصلك بدل الوقفه

رهف بزهق : شكرا ي دكتور كتر خيرك انا هاعرف اروح
لوحدي، مش عاوزه اتعبك

سامر : ولا تعب ولا حاجه ، يلا بس تعالي اركبي

رهف بنرفزه : دكتور سامر انا قلت لحضرتك انا هاعرف اروح لوحدي .. و ارجوك كفايه كده

سامر : بس ..

: هي مش قالتلك مره انها مش عاوزه تروح معاك و لا انت مش بتفهم

رهف : دكتور يزن !!

سامر : هو ده حبيب القلب ال انت سيباني علشانه

رهف بعصبيه : لو سمحت بطل الهبل ده و سيبني امشي ، و جريت بسرعه

يزن : وسع كده ، و مشي بالعربيه

_________________________________________

ي تري مين سامر ده و ايه علاقته ب رهف !؟؟