عند مني
سمعت صوت خبط جامد ع الباب ..
محمد : ايه ده .. مين ال بيخبط كده
مني : بخوف ربنا يستر انا هقوم اشوف مين
قامت مني و فتحت الباب
مني : ايه ده ... سلمي ... مالك ي قلبي
سلمي بانهيار: ... اسيل .
مني بخوف : اهدي بس كده هي بنتي و قوليلي ايه ال حصل و اسيل مالها
سلمي بانهيار و بكاء : معنتش هشوفها تاني
مني : اهدي بس ي حبيبتي وادخلي علي ما اعملك حاجه تشربيها
محمد : ايه ي بنتي ال حصل .. اسيل مالها
مني : اتفضلي ي بنتي اشربي و اهدي كده و احكيلنا براحه
سلمي بانهيار و بكاء هستيري : كنت بكلم اسامه اساله ع اسيل وليه اتاخرت ولسه مجتش لقيته بيضحك و بيقولي ترجع ايه هي خلاص هتعيش عندي و مش هتشوفيها تاني ابدا
محمد : متقلقيش ي بنتي احنا هنرجعهالك ان شاء الله
بس انتي متقلقيش و اهدي
سلمي : بجد هترجعولي بنتي تاني
محمد : بوعدك ان انا هرجعهالك بس هو اسامه ده عايش فين
سلمي وصفت له العنوان
محمد : خلاص بقا بلاش عياط انا وعدتك اني هرجعهالك ان شاء الله
سلمي و هي بتمسح دموعها : خلاص والله مش هعيط تاني
___________________________ عند عبد العزيز
محمد : هو ده بس ال عرفته و عرفت عنوانه كمان
عبد العزيز : طب ما يلا بينا ع مكانه قبل ما بقكر يعمل حاجه
محمد : يلا بينا
عند العنوان *
عبد العزيز: هو ده البيت
محمد : هو ده البيت ال مكتوب ف العنوان
و راحو خبطوا ع الباب مره .. اتنين .. تلاته لغايت ما البواب جه
البواب : اساعدكم ازاي ي حضرات
محمد : فين صاحب البيت ده
البواب: الاستاذ اسامه؟؟
عبد العزيز: الله ينور عليك ، هو فين بقا
البواب : معرفش ي بيه
محمد طلع فلوس من جيبه و ادها له
محمد : طب دلوقتي
البواب: الاستاذ اسامه خد المدام و بنت صغيره كده و مشيوا من صباحيه ربنا و تقريبا كده سافروا
عبد العزيز : و متعرفش هو راح فين او هيرجع امتي
البواب: لا ي بيه معرفش ، بس ال انا اعرفه ان عنده بيت كمان بعيد عن هنا و متطرف بعيد ممكن يكون راح هناك ولا حاجه
محمد : طب وانت عرفت ازاي
البواب بسماجه: ما هو البواب بتاع البيت التاني ده يبقي قريبي بس الاستاذ اسامه ميعرفش ان انا مشغله بالواسطة هيهيه
عبد العزيز : طب متتصل ب قريبك ده شوف هو هناك ولا لا
البواب : دي أسرار شغل ي بيه
محمد طلع من جيبه فلوس زياده و قال : لسه أسرار شغل ولا ايه
البواب بضحكه : هيهيه .. لا ي بيه هو انتو حاجه تستخبي عليكو ، حالا هتصل ع الواد اشوف الاستاذ اسامه هناك ولا لا
____________________________ عند مني
فرح : اهدي ي قلبي زمانهم جايين دلوقتي و معاهم اسيل
سلمي بحزن : ي رب ي فرح يطمنوني عليها و يرجعوها لحضني تاني
مني : متقلقيش ي حبيبتي انا متأكده انهم هيرجعوها ان شاء الله بالسلامه
ف التليفون *
رهف : الو ي رنا عامله ايه
رنا بحزن : الحمد لله
رهف : مال صوتك ي بنتي ، هو في حاجه ولا ايه
رنا : طنط مني مقلتلكيش
رهف بقلق : لا انا لسه ف الشغل اصلا ، هو في ايه قلقتيني
رنا : طب خلاص اما ترجعي نبقي نتكلم ... يلا سلام
رهف: طب استني بس افهم
ملحقتش تكمل لان رنا فصلت بسرعه
يزن : هو في ايه ؟؟ هما كويسين حد حصله حاجه
رهف : والله ما اعرف رنا اتصلت قالت انتي عرفتي حاجه قلتلها لا قالتلي خلاص اما تيجي هتعرفي
يزن بقلق : طب احنا كده كده خلصنا خلينا نروح نشوف في ايه
رهف : تمام
___________________________ عند محمد.
البواب : الو ي عبده عامل ايه ، اخبارك ي ولد عمي
محمد : انجز انتو هتتعرفوا
البواب: بقولك ايه هو الاستاذ اسامه جه انهارده البيت ولا لا
عبده بلهجه صعيديه : ايوه ي ولد عمي جه انهارده هو المدام و معاه عيله صغيره إكده ، لي منبه ان محدش يعرف انه هنا حتي مشي البت سريه ال بتيجي تنضف الشقه كل فتره
البواب: طب خلاص ي عبده اسيبك بقا
عبد العزيز: ها قالك ايه
البواب : ايوه ي بيه هو هناك
محمد : طب شكرا جدا تعبناك معانا
البواب : ال صحيح هو انتو تعرفو البيه منين و عاوزينه ليه
عبد العزيز : انت لسه فاكر تسأل، ع العوم دي أسرار شغل
______________________ ف البيت عند مني
رهف دخلت بسرعه هي و يزن ، شافو سلمي و هي منهاره و كلهم قاعدين معاها
رهف : هو ايه ال حصل ي جماعه ؟..
أنت تقرأ
حب من نوع آخر
Romanceقصه حب بين اتنين دكاتره هتكون ايه غير قصه حب من نوع آخر رهف بتنقل ل عماره جديده و هناك بتقابل السكان ال بتحاول تتعايش معاهم و تكون واحده منهم
