حب من نوع آخر

28

مازن: احمم... اسف ان انا قطعت اللحظه الرومانسيه دي بس معايا ضيف

يزن : غور ي اخي كده

فرح جريت ع رهف

رهف بستغراب : فرح !! انتي بتعملي ايه هنا و عرفتي مازن ازاي و مين ال قالك اصلا

فرح : واحده و احده بس الاول كده ، وانا هاحكيلك ع كل حاجه

رهف: ها اتفضلي احكي

فرح : اولا مازن ده يبقي ابن خالتي ، ثانيا انا ال كنت عامله عامله النضافه ف المستشفي علشان اتجسس ع المدير

رهف: اييييه ، انتي ي فرح

يزن : وانت وافقت ع كده ي استاذ مازن

مازن : هي ال سمعت الحوار و انا كنت بدوى ع حد اثق فيه ميقدرش فؤاد يرشيه بشويه فلوس
و هي ال أصرت ف اضطريت أوافق

رهف : و بعدين

فرح : بس مازن حكالي ع كل حاجه و دخلت المستشفي كأني واحده كن العمال و الحمد لله نجحت الخطه

رهف : بس انتي كنتي معرضه نفسك للخطر بال انت عملتي ده

فرح : يلا الحمد لله ربنا ستر بقا

رهف : طب و مامتك ف البيت مشكتش انك بترجعي متأخر او مواعيدك اتغيرت

فرح : ما هو انا الفتره دي كنت قاعده عند خالتي مامات مازن و هي كانت عارفه

يزن: طب الحمد لله انها عدت ع خير ، بس ايه ال جابكم

مازن : اول ما فرح عرفت أصرت تيجي اشوف رهف

رهف : اصيله ي بت

فرح: تربيتك

رهف : المهم ، ممكن تخرجوني من هنا بقا علشان انا عاوزه اروح

يزن : انا تخفي شويه و تقدري تخرجي

رهف : بالله عليك .. بالله عليك .. بالله عليك

يزن : لا اما تخفي

فرح: أما تخفي ي رهف علشان متتعبيش تاني ، بس صحيح ايه حوار جوازكم ده

يزن : ياااه

رهف : دي قصه غريبه كده هبقا احكيهالك

مازن: ما انا قولتلها

رهف بضحك : امال بتسالي ليه

فرح بخبث : بحب التفاصيل ، خصوصا يعني ان انا حاسه ان في حاجه تانيه

رهف بخجل : غوري من وشي كده، قال تفاصيل قال

_______________________ عند رنا

رنا كانت قاعده باليل و كلنت مامتها بتجهز استقبال الضيوف

رنا ف نفسها : ي رب ساعدني ي رب ، والله ي إياد لو طلعت بتسرح بيا و بتاخدني ع قد عقلي لوريك ايام سوده

فجأه قاطع صوت كلامها مع نفسها صوت خبط ع الباب

بسنت : قومي افتحي ي رنا يلا بسرعه

قامت رنا و فتحت لقت مرات عمها و عمها و ابن عمها الغتت عزت

رنا بابتسامه صفرا : اهلا ي جماعه ، اتفضلو ادخلو

مرات عمها بسماجه : شكرا ي عروسه ابني

رنا بصت لها بقرف و قالت : لسه بدري ع كلمه عروسه دي

مرات عمها ابتسمت بسماجه و قالت : هو حد يطول يبقي عروسه ابني الحليوه ده .. مسم

رنا ف نفسها : هي ليله باين عليها كده مش معديه

راحو قاعده ف الصالون و بدأو يتكلمو ف مواضيع مختلفه

عزت: انت مالك كده ليه ساكته و مش بتتكلمي

رنا: اتكلم اقول ايه يعني

عزت: انت مكسوفه مني ولا ايه ، لا انا مش عاوزك تتكسفي من هنا و رايح

رنا : اتكسف من مين ي عبيط انت . هو مين قلك ان انا مبسوطه اصلا

عزت : احمم ، حلو انك واخده عليا و مش لسه هنتعرف

بعدها خبط الباب

بسمه باستغراب : مين ال ع الباب ده

حسن : انتو مستنيين حد ولا ايه

رنا بسرعه : هاشوف مين ال ع الباب الأول و بعدين نتكلم

وراحت رنا فتحت الباب و دخل إياد و معاه ورد و شكولاته و معاه حسين كمان

حسن باستغراب : حسين .. إياد

إياد: ايه ده هو احنا جينا ف وقت مش مناسب ولا ايه

حسن : ايه ال انت بتقوله ده ي بني .. ادخل اتفضل

حسين : انا اسف ي حسن ان احنا جينا منغير معاد كده بس انا مكنتش اعرف ان عندك ضيوف

حسن: متقولش كده ي سحس ده انت مننا و علينا و بعدين ده اخويا و اسرته مش حد غريب

حسين : طب الحمد لله انه مش حد غريب و انه من العيله

حسن : مش فاهم ي سحس و بعدين ايه لازمه الحاجات ال انت جايبها دي هو احنا فينا من الحاجات دي برضو

حسين : ف الحقيقه انا كنت جاي اطلب ايد الانسه رنا بنتك الغاليه ل إياد

رنا بصدمه و هي مش مستوعبه : ايه !!

الكب اتصدم من ال حسين قاله بس رنا كان لعا النصيب الأكبر من الصدمه