حب من نوع آخر

2

ف المطار

مازن : انت فين ي بني انا بقالي ساعه واقف لما الشمس  كلت دماغي

يزن : انشف كده يلا و بعدين انت فين انا مش شايفك

مازن : خلاص انا شفتك اهو .. ، وراح ناحيته ..

يزن : فينك ي راجل ..

مازن : ي اخي روح كده فضيلك انا ..

يزن: بني آدم فصيل ..

مازن : طب يلا ي عم انا عازمك ع الغدا انهارده.. ابسط

يزن : لا كريم يلا..

مازن : عد الجمايل..

بعد الغدا

مازن: ها ايه ال رجعك بقا

يزن : ايه ي بني آدم انت ده سؤال

مازن بجديه : لا بجد ايه قررت تنزل مصر فجأه كده لا و عاوز تشتغل هنا كمان يعني دي مش اجازه و السلام

يزن : عشان انا قررت ارجع اعيش هنا ..

مازن بدهشه  : انت بتتكلم بجد ي يزن ..

يزن : ايوه بجد

مازن : طب و ال..

يزن بمقاطعه : ده خلاص موضوع و انتهي

__________________________ عند مني

مني : اهلا بيكي ي بنتي

رهف : شكرا جدا انا مش عارفه اقول ايه

مني : انا اسفه سامحيني انشغلت و نسيت أسألك تشربي ايه ..

رهف  :لا  ولا حاجه ، انا بجد مش عارفه اشكر حضرتك ازاي

مني: مفيش شكر ولا حاجه ، لو احتاجتي اي حاجه متتكسفيش ..

رهف بابتسامه  : طبعا اكيد.

مني: طب يلا بقا علشان تتغدي زمانك ماكلتيش كويس علشان ظروف النقل و كده ..

رهف : اساعد حضرتك ف حاجه ..

مني : حضرتك ايه بقا .. قوليلي ي منمن ، و خدي راحتك كده اعتبريه بيتك ..

رهف بابتسامه : حاضر ي منمن

مني : ايوه كده.. انا من زمان و انا كان نفسي ف بنت كده بس يلا الحمد لله ..

رهف بابتسامه  : خلاص انا موجوده اهو...

مني : طب يلا بقا علشان نلحق الاكل قبل ما يبرد

ع السفره

محمد : اهلا بيكي ي بنتي نورتينا..

رهف : شكرا، بنورك والله ي عمو

محمد : ها قوليلي بقا ايه رايك ف الشقه هنا ..

رهف : والله الحمد لله جميله و الناس هنا طيبه جدا
و كمان قريبه من الشغل بتاعي

محمد : و انتي بتشتغلي ايه بقا هنا ..

رهف :  انا دكتوره ..

مني : ربنا يحميكي ي بنتي و يوفقك

رهف بابتسامه : شكرا ..

___________________________عند رهف

تاني يوم ف الشغل 

مازن : اتفضلي ي دكتوره رهف .. اعرفك ده دكتور يزن
دكتور التشريح ال هيتولي القضيه

رهف : اهلا بحضرتك .. انا رهف الدكتوره المساعده هنا

يزن ببرود : اهلا ..

مازن : انا بقول ندخل ف الموضوع ع طول
و ندخل بالقضيه

رهف : تمام ..

مازن : ادخل ي بني بملفات القضيه

رهف : حضرتك احنا طبعا مش هنقدر نحدد او ناخد اي قرار ف القضيه قبل ما نتطلع ع مسرح الجريمه...

مازن : طبعا انا متفهم بس اكيد اخدتي فكره

يزن : انا حابب اننا منضيعش و قت ف الكلام ده و التحليلات دي منغير ما يكون معانا اي ادله ماديه

رهف : دي تحليلات مهمه جدا و ممكن تغير مجري القضيه تماما

يزن قام و مسك البالطو بتاعه من ع الكرسي و قال و هو ماشي

: طب انا هستاذن بقا علشان انا في جثه مستنياني جوه .. و مش فاضي للتحليلات دي ..

رهف فنفسها :  اوف ي اخي .. ابو تقل دمك ..

مازن : ي اخي روح كده ..

يزن : قال عملينلي فيها المحقق كونان

_____________________________ عند رهف

حضرت رهف طبق كيك و جهزته علشان توديه ل مني ك شكر ليها ..
اخدت رهف الطبق و راحت خبطت ع الباب

مني بابتسامه: اهلا ي رهف ، اتفضلي ..

رهف : انا بس كنت جايه اشكرك ع الغدا بتاع امبارح

مني : شكر ايه بس انتي كده زعلتيني

رهف بابتسامه : لا والله ي منمن انا بس جايه ادوقك عمايل اديا هتكسفيني بقا.

مني : طب ادخلي بقا نشرب شاي مع بعض

رهف بابتسامه  :  حاضر

* جوه *

مني : ها بقي احكيلي الشغل عامل معاكي ايه ..

رهف : والله الحمد لله بس جالنا حتت دكتور غلس و بارد  شايف نفسه علينا ..

مني بضحك  : و شايف نفسه عليكوا ليه بقا ما انتي دكتوره شاطره و زي القمر اهو ..

قاطع صوتهم ده دخول شخص الاوضه فجأه

: ماااما ..

بصت مني بتفاجا ناحيه الصوت

مني بدموع : انت جيت امتي ي حبيبي و مقولتليش ليه ... هونت عليك .. حتي متطمنيش عليك كده

يزن : غصب عني ي ست الكل ، و بأس راسها
بطلي عياط بقا انا كنت عاملهالك مفاجأه كنت فاكرك هتنبسطي ..

مني : طبعا مبسوطه ...

بص يزن جمبه علي رهف و قال بدهشه : انتي !!