حب من نوع آخر

26

فؤاد : ايييه !

الضابط : يلا معايا بقا كده و منغير شوشرة

فؤاد : يعني ايه ... يعني كده خلاص

الضابط: يعني كده خلاص كل حاجه اتكشفت و هتشرفنا بقا ف السجن مكان امثالك ال يستحقوا
امسكوااا

_________________________ عند رنا

رنا : ي جماعه حاواو تفهموني شويه هو الجواز ده لعبه

بسمه : احنا خلاص حددنا معاد

رنا : بتحطوني قدام الأمر الواقع يعني

بسمه : تفهميها زي ما انت عاوزه جهزي نفسك علشان هما جايين بليل

رنا : انا قلت مش هتجوزه يعني مش هتجوزه ، هتجوز اي حد تاني الا عزت ده

حسن : هو ماله عزت ي رنا ده ابن اخويا ، و متربي كمان

رنا : ي بابا انا مش بحبه انا مش عوزاه ، هتجوز اي حد تقول عليه إلا عزت ده ، بالله عليك

حسن : خلاص قابلي انهارده و اعملي ال انت عاوزاه بعد كده

رنا: يعني ده اخر كلام عندكم

بسمه : اه واعملي ما بدالك

حسن : اهدو الأمور مش بتتحل كده

سابتهم رنا و مشيت متعصبه

__________________________ عند ريماس

حمزه : اديني جيت اهو ي سيتي ، و اظن كده ان انا اتوفقت ولة انت رايك ايه

كانت ريماس مكسوفه و مش بتتكلم

حمزه : انت هتفضلي ساكته كده و سيباني اكلم نفسي ولا ايه

ريماس : لا .. انا ما انا بتكلم اهو

حمزه بضحك : انت قلبتي طماطمايه حتي من قبل ما اكلمك .. ع العموم ي ستي مش عاوزه تتعرفي عليا اكتر مش عاوزه تسأليني مثلا عن شغلي حياتي اي حاجه

ريماس بتفكير : صحيح هو انت بتشتغل ايه

حمزه : انا ي ستي شغال مهندس و عايش مع والدي و عندي ٢٨ سنه

ريماس : مهندس و عندك ٢٨ سنه .. مش باين عليك الصراحه

حمزه : مش باين عليا ان انا مهندس ولة مش باين عليا ان انا عندي ٢٨ سنه

ريماس بضحك : الاتنين الصراحه

حمزه : وليه بقا ان شاء الله اكتب ع وشي و لا اعلق يافطه

ريماس : ايه ي عم مالك كده قلبت ، اقصد يعني ان انا كنت متخيله ان المهندسين كده علطول جد و مش بيضحكوا زي البني يعني بيفطروا اسمنت و بيتغدو خرسانه

حمزه : ي ساتر ي رب ليه كده بنفطر اسمنت مره واحده

ريماس : بس طلع في مهندسين فرافيش زيك

حمزه : طب شكرا ي ستي ، سبك مني انا احكيلي عن نفسك

ريماس: انا بقا صيدلانية و عندي ٢٦ سنه

حمزه : انت اخرك معايا ١٦

ريماس : ١٦ سنه ايه، ماشيه بضفيرتين

حمزه بضحك : يمكن أصغر كمان

ريماس : ده انت غلس ي اخي

____________________________ عند سلمي

اسيل : ماما

سلمي : نعم ي عيون ماما

اسيل : انتي كنتي وعدتيني ان احنا هنروح الملاهي و مروحناش ، انا بقا عاوزه اروح

سلمي : اسيل ي حبيبتي انت صاحيه من النوم الساعه ١٢ بليل علشان تقوليلي عاوزه اروح الملاهي
نامي ي حبيبتي و بكره نتكلم ف الموضوع

اسيل : يعني كده خلاص مش هنروح الملاهي يعني

سلمي ؛ لا ي سيلا انا مقولتش كده ، انا قلت اما تصحي نتكلم ف الموضوع

اسيل : طيب انا عندي طلب كمان

سلمي : اتفضلي ي ست الكل اطلبي و اتمني

اسيل : عاوزه عمو عامر يجي معانا

سلمي : ايه ال انت بتقولي ده ي سيلا ، طبعا مينفعش

اسيل : ليه بقا ي ماما ، انا بحبه و عاوزاه يجي معانا

سلمي ف نفسها : هما كل الأطفال كده بيصحوا ف نص الليل كده ي ربي يطلعوا عين اهاليهم

سلمي : طيب اقولك حاجه حلوه ، نامي دلوقتي و احنا هنبقي نشوف عمو عامر هيقول ايه

اسيل بفرحه : بجد ، شكرا ي ماما

سلمي : يلا تصبحي ع خير بقا
سلمي ف نفسها : نامي بقا الله يهديكي فوقتيني من احلي نومه

________________________ عند يزن

ف المستشفي

يزن : انا عرفت كل حاجه ، كل حاجه اتكشفت

المدير : كل حاجه اتكشفت ..

يزن : مش هنحور ع بعض انا اكتشفت مشروع تجاره الأعضاء ال كنت فاتحها تحت السلم

المدير بخبث : عرفت كل حاجه قولتلي .. اممم
خلاص بقا انت ال جانيت ع نفسك

يزن : يعني انت بتعرف انك كنت بتاذي الناس و تتاجر فاعضاءهم و تستغل حاجتهم للفلوس

المدير : انا ماستغلتش حاجه حد كل حاجه كانت برضاهم و بياخدوا فلوس مقابل اعضائهم ، انا بس بساعدهم

يزن : هو انت بتسمي ده مساعده انك تستغل فقرهم ده بتسميه مساعده

المدير : كل واحد بيساعد بال بيعرف يعمله بقا

رهف : ال انت بتعمله ده نصب و احتيال

المدير : طب انا بقا هوريكوا ، ي عطيه .. رامز امسكوا ال اتنين دول

قاطع صوتهم البوليس

يزن : يااه معلش بقا تتعوض مره تانيه

المدير بغضب : والله لوريك ..

يزن: و انا مستنيك اهو وريني هتعمل ايه بقا ، وانا وانت و الزمن طويل

رهف : يااه اخيرا خلصنا من الحوار ده

يزن : احنا كده دورنا خلص و الباقي بقا الشرطه هتعمله

قاطع صوتهم ده صوت رصاصه !!!

يتري ايه ال حصل !!!؟