حب من نوع آخر

25

عند ريماس

ريماس : ايه ال جابك هنا تاني و لا انت رجلك خدت ع المكان

حمزه : ايه ي بنتي ما تيجي تخديلك قلمين احسن

ريماس : أنجز عاوز ايه علشان اشوف بقيه الناس

حمزه : بقيه ايه انتي هتزيطي مفيش حد الا انا

ريماس : طب خلصني قول عاوز ايه ياما تمشي

حمزه : عاوز رقم والدك

ريماس : ايه .. ليه ؟؟

حمزه : عاوز اشرب معاه شاي

ريماس بعدم فهم : ما تشرب ف بيتكم

حمزه : البعيده غبيه و لا ايه

ريماس : انت جايلي لحد عندي وبتقول عليا غبيه ي بجحتك ي اخي

حمزه : اللهم طولك ي روح ، يبنتي افهمي هاكون عاوز رقم بباكي ليه يعني

ريماس بعد ما فهمت قالت بخجل : و انت مين ال قالك ان انا موافقه اصلا

حمزه : وانا ايه ال يهمني ف موافقتك انا هاروح اتكلم مع بباكي راجل ل راجل

ريماس: رأي اصلا هو اهم حاجه

حمزه بخبث : يعني مش هتوافقي

ريماس بحرج : ااا انا .. هشوف تعالي جرب حظك

حمزه بضحك : يلا بقا سلام اشوفك باليل

ريماس ابتسمت ف خجل بعد ما مشي و هي بتفكر في

_________________________ عند فرح

مريم : بس ليه كده فجأه

هويدا: عادي ي مريم ما انتي عارفه لما مازن بيمشي بقعد انا ف البيت لوحدي ع ما يرجع و الصراحه بمناسبه ان انتو هنا ف خليها تفضل معايا كام يوم كمان بقا

فرح : خلاص بقا ي ماما وافقي هو انا هاقعد ميت سنه

مريم : خلاص تمام بس متتاخريش علشان بباكي

هويدا: هو انت خايفه عليها و هي عندي ولا ايه

مريم : مش ع كده والله ما انتي عارفه بس علشان بباها بس

فرح : متقلقيش ي ماما انا قولت لبابا و هو وافق

مريم : ده انتو مطبخينها سوا بقا

هويدا بضحك : حاجه كده

مريم : خلاص تمام امري لله

فرح بسعاده : ربنا يخليكي ليا ي احلي ام ف الدنيا كلها

مريم : مصلحجيه ، مع السلامه خلي بالك من نفسك

فرح : سلاااام

________________________ عند مازن

ف التليفون

: انهارده المعاد ال متفقين عليه

مازن : تمام عاوز محدش يشوفك خالص و خلي بالك من كل خطوه بتتحركيها علشان انهارده الحقيقه كلها هتبان

: حاضر ، سلام بقا دلوقتي علشان الدكاتره وصلو

مازن : تمام ركبي المايك و خليكي ع اتصال معانا و متخافيش من اي حاجه

: حاضر

مازن : يلا سلام

: سلام

___________________________ عند يزن

رهف : ها ايه ال حصل

يزن : لسه محصلش حاجه انهارده بليل المفروض هينفذو كل حاجه

رهف : طب و المستشفي ال هنا

يزن : دي بقا مهمتنا احنا

رهف : ايه ؟؟

يزن : مش عاوزك تقلقي انا هاكون معاكي ف كل خطوه

رهف : انا مش خايفه بس انت لسه تعبان

يزن : لا انا بقيت كويس دي كانت بسيطه الحمد لله

رهف بقلق : بس انت متأكد من ال هنعمله الناس دي مش سهله

يزن : متقلقيش و اعملي بس كل ال اقولك عليه

رهف : حاضر

________________________ عند ريماس

بسنت بفرحه : بجد ي قلبي .. الف مبروك

ريماس: لسه بدري اوي ع الكلام ده هو انتو لسه تعرفوه

سمير : انا احترمت الصراحه انه اول حاجه عملها انه طلب يقابلني ف الزمن ده مش كل الشباب كده

بسنت : ان شاء الله خير انا حاسه انه المره دي في نصيب بإذن الله

**بليل

حمزه جه هو و والده البيت و سلمو ع والد ريماس

عبد العزيز: اكيد حضرتك عارف احنا ليه جايين انهارده

سمير : طبعا احنا يشرفنا وجود حضرتك هنا ف بيتنا والله ي استاذ عبد العزيز

عبد العزيز: احنا ال لينا اشرف ، المهم انا كنت جاي اطلب ايد بنت حضرتك الابني الوحيد

سمير : وانا يشرفني بس ناخد رأي العروسه الأول

عبد العزيز: طبعا ده اهم حاجه

جت بعدها ريماس بصنيه القهوه

سمير : ها ي بنتي ايه رايك

ريماس بخجل : ال حضرتك تشوفه

سمير : خلاص ع بركه الله

عبد العزيز : نقرأ الفاتحه

سمير : نقرأ الفاتحه

___________________________ ف مخزن الادويه

فؤاد : ها ي دكاتره خلصتو العمليه و لا ايه ، معاد التسليم بكره و مش عاوزين نتأخر

دكتور ١ : كله تمام ي دكتور و فاضل نقفل و خلاص كده العدد كامل

فؤاد : كويس كويس، الصفقه دي لو تمت ع خير هيبقي لكم الحلاوه

الدكتور ٢ : هتم ي دكتور متقلقش

فجأه سمعو صوت الشرطه

الضابط : للأسف مش هيكون فيه مره جايه ي فؤاد بيه لأنك هتشرفنا

فؤاد بصدمه : ايييييه! ؟