حب من نوع آخر

جواز ف عصر السرعه 30

عند سلمي

سلمي : يلا بقا ي اسيل احنا كده اتاخرنا اوي

اسيل : شويه كمان لو سمحتي ي ماما

سلمي : لا ي اسيل اخنا لازم نروح دلوقتي و كمان عمو عامر لازم يروح علشان الشغل ال وراه

عامر : يلا ي سيلا دلوقتي و انا اوعدك هبقي اجي معاكي مره تانيه من اول النهار لغايت ما تزهقي

اسيل : طيب خلاص يلا

عامر : انت زعلانه

اسيل بغضب طفولي : لااا

عامر بضحك و هو بيقرص خدودها : خلاص يقا ي سيلا ، الله ، هو انا مش وعدتك هبقي اخرجك

سيلا : خلاص ، بس ده وعد

عامر : ايوه و يلا بقا علشان الوقت اتأخر

سيلا : حاضر

____________________________ عند رنا

حسن : مبروك عليكم ب ولاد

إياد: الله يبارك فيك ي عمي

بسنت ل رنا : اضحكي بدل ما انت ضربه الميه و حداشر كده ، هتطفشيه

بعد ما سابوهم لوحدهم

إياد بضحك : مالك كده ي رنا حاسك غضبانه ، انت مش مبسوطه ولا ايه

رنا بغضب : بقا انا غلطانه ان انا وثقت ف واحد زيك
كنت متوقعه ايه يعني ، ده شويه كمان و كان هيبقي عندنا أطفال

إياد بخبث : و ماله ما يبقي عندنا أطفال و لا انت مش عاوزه

رنا: ي رب اعمل ايه بس فيه دلوقتي

إياد: اضحكي

رنا : اضحك ع ايه ، ع خيبتي

إياد: لا اضحكي واتكلمي بصوت واطي علشان هما قاعدين هناك اهو ع السفره مش ف البلد ال جمبنا

رنا : اهدي ي رنا مفيش حاجه تستاهل ، اهدي كده بدل ما تباتي ف الحجز انهارده

إياد: شطوره

رنا : اسكت ي إياد مش عاوز اسمعك نفسك لو سمحت
هنعمل ايه بقا ف المصيبه دي

إياد: مصيبه ايه ي بنتي هو انتي الأمور ماشيه عندك بالعكس ولا ايه ، ده مامتك بتبل الشربات جوه

رنا : يعني انت فرحان بال انت عملته ده

إياد: ايوه طبعا ، رحت اتقدمت ل واحده و وافقت و هنتجوز المفروض اعيط يعني مش فاهم

رنا : هي مش دي كانت خطه علشان نطفش عزت ده

إياد بجديه: رنا انا مش بهزر دلوقتي ، انا شايف انك البنت ال انا عاوز اكمل معاها حياتي و علشان كده جيت انهارده و طلبت ايدك ، انا معرفتش ان انا بحبك غير لما كنتي بتتكلمي عن عزت ده ، انا كنت وقتها حاسس بإحساس غريب اول مره احسه
احساس غيره ع احساس ان انا عاوز امسك عزت ده اموته لغايت ما اتاكدت ..

رنا : بس .. بس انا مش متأكده من مشاعري

إياد: اكيد هتحبيني يعني مفيش فيها كلام

رنا بضحك و تلقائيه : شكلها كده

إياد بخبث: قولتي ايه ها ؟؟

رنا بوعي : ها .. مقولتش حاجه .. انا هو انا قولت ايه

إياد: اما نشوف الايام جايه كتير

رنا ابتسمت بخجل

و جه المأذون

المأذون بعد فتره
"بارك الله لكما و بارك عليكما و جمع بينكما في خير"

حسين : الف مبروك ي إياد، مبروك ي رنا ي بنتي

رنا بابتسامه : الله يبارك فيك ي سحس

نهال : هو انتو طلعتوا ساعه اطلع القيكم متجوزين

إياد: الدنيا اتغيرت بقا ي نونو ، احنا ف عصر السرعه

نهال : ربنا يبارك لكم و يبعد عنكم الشر

حسن : امين ، مبروك ي ولاد الف مبروك

___________________________ عند رهف

رهف : هو احنا هنرجع انهارده

يزن : ايوه احنا كده ملناش حاجه نعملها هنا تاني

رهف : يااه اخيرا البيت و حشني

يزن : اه والله عاوز اترمي ع سريري كده ياااه

مازن : طيب يلا علشان نوصل بدري

تاني يوم بعد ما وصلو

مني : حمد لله ع السلامه ي حبايبي وحشتوني اوي
و حضنت يزن و جت تحضن رهف

يزن : لا .. استني

مني : انت بتغير ولا ايه

يزن : علشان الجرح

مني بخوف : جرح ايه

يزن :دي قصه طويله هبقي احكيلك بعدين

مني: طب ادخلو استريحو شويه انتو اكيد تعبانين من الطريق

محمد : ارتاحو و بعد كده تحكيلنا كل حاجه

يزن : حاضر

ف اوضه يزن

رهف كانت واقفه بتبص ع الاوضه و بتتفرج ع صور يزن ال كانت محطوطه ع الرفوف

رهف بضحك :يالهوي كنت قلبوظ و كيوت اوي لما كنت صغنن

يزن : انا اصلا من يومي حلو و كل البنات هتموت عليا

رهف : ابوه ايوه انت هتقولي ، حرفيا كنت هموت عليك

يزن : بس انت حاجه تانيه برضو

رهف : انا ملاحظه انك اخر يومين كده بقيت رومانسي ع غير العاده

قرب يزن و قال : علشان بحب..

قاطع كلامهم دخول مني المفاجئ

يزن : القيها من مين و لا من مين ي ربي

مني : انا اسفه والله نسيت انا متعوده انك لوحدك ف الاوضه ، انا اسفه .. كملو كأني مجتش
و قفلت الباب و خرجت

يزن قام من مكانه: ده انا لو شقطك مش هيعملو كده

رهف : ي اخي الملافظ سعد

يزن : انا هادخل استحمي بدل ما اموت حد

رهف بضحك : ما خلاص ي عم ، مع السلامه