لا تستغربون ....
يمكن شكل العنوان يعطيكم فكره ان قصتي عاديه
و لكن صدقوني كانت ايام صعبه و شعور صعب انك تكون في مكان و انت ميه و ثمانين درجه ما تنتمي له و كل الناس الي حولك يختلفون عنك اختلاف كامل سواء من الشكل او من الأفكار او الدين
اسمي فهد عمري ١٦ سنه سعودي الأصل و لكن امي امريكيه و تحديدا من نيو يورك
طبعا بِمَا ان امي امريكيه ف طبيعي جدا اني اتكلم انجليزي بطلاقه و الحمدلله امي و ابوي كلهم مسلمين و جميع عائلتنا متمسكين بالدِّين و صحيح عائلتي مكونه من ٤ أشخاص امي و ابوي و اختي الكبيره فرح ..... خل ناخذ بريك قصير و نتكلم عّن فرح اختي
فرح اختي الكبيره عمرها ٢٥ سنه خريجة إدارة اعمال و بمرتبة الشرف بعد و لاكنها قررت بعد ما تتخرج من الجامعه تاخذ استراحت من التعب و الشغل و تتفرغ لم الرسم ... طبعا فرح تعشق الرسم من يوم ما كانت صغيره و اكذب عليكم لو قلت انها ما تعرف ترسم بالعكس رسمها من احسن الرسوم الي يمكن تشوفها في حياتك سواء كان بالريشة او بالأقلام
و رابع و اصغر واحد في العائله انا فهد ما عندي مواهب معينه او هوايات عدى الكارتيه فمن يوم ما كان عمري ٧ سنين و انا اتعلَّم كارتيه .... و اذا اي احد عنده اسأله ليش تعلمت كارتيه او اي سؤال يدور في بالك جوابي الحين رح ينهي كل أسألتك
انا اتعلَّم كارتيه علشاني احبها لا اكثر ولا اقل و اعشقها من يوم ما كنت صغير و مع مرور الوقت طورت هوايتي الى ان صرت ما انا عليه الان ... شخص ذو مهارات عاليه قادر على الدفاع عّن نفسه
الى هنا و بس نبدأ الحين نتكلم عن قصتي في أمريكا ......
______________
الساعه : ٧:١٥
دخلت امي الغرفه بسرعه و كانت مرتاعه بمجرد ما فتحت الباب و شافتني غارق في نومي قالت
امي : فهدد ؟ للحين ما صحيت ؟ بسرعه الساعه سبع و ربع و للحين ما صحيت
دخلت اختي فرح الغرفه و قالت و هي تضحك : هههههه اذا كانت هاذي بدايتك و كذا كان اول يوم لك ف الله يستر من باقي السنه
شعور ان فجأه و انت نايم و تلقى ناس تتكلم حولك شعور يخليك اشبه با فاقد الوعي و قلت بكل برود : طيب ... طيب بغسل وجهي الحين
امي : بسرعه غسل وجهك و خذ فطورك تلقاه تحت في المطبخ
دخلت الحمام و غسلت وجهي و بمجرد ما لمست المويه وجهي صحتني من حالة الا مبالاه و استوعبت الموقف الي انا فيه اني متاخر عن المدرسه
غسلت وجهي بسرعه و مع العجله نسيت لا أفرش أسناني و لبست ملابسي بسرعه و نزلت
بعد ما نزلت تحت عطتني امي فطوري و قالت : يلى موفق انشالله في اول يوم
أنت تقرأ
مكان لا انتمي له ( سعودي في أمريكا )
Teen Fictionكيف بيكون شعورك لو تتغير حياتك بالكامل فجأه تلقى نفسك في مكان لا تنتمي له مكان يختلف اختلاف تام عنك كل شي حولك مختلف تماما و صعب جدا انك تتأقلم معه بالضبط هذا هو شعور فهد حاليا فهد مراهق من ام امريكيه و اب سعودي ينتقل في ال ١٦ من عمره من السعو...
