مكان لا انتمي له ( سعودي في أمريكا )

السلام الذي حلمت به مارينا part 19

بعد مرور ٣ ايام من الظلم قررت ايملي تتصرف

الفسحه .... الكافيتيريا

كان كل المدرسه تحت في الفسحه الي يسولف و الي يأكل و الي يشتري

كنت جالس مع جورج و قافله معي

جورج : ياخي فهد سولف ..... ترى خلاص ما صارت ٣ ايام و انت زعلان

: و كيف ما تبيني أزعل و مارينا انتحرت .... و الكل قاعد يلومني و انا مالي دخل .... ما ادري أزعل على موتها لأن الله اعلم بمعزت مارينا عندي .....و لا على الظلم الي قاعد اشوفه و الكل يلومني و انا مالي دخل

بينما الكل لاهي في الفسحه الي يأكل و الي يشتري و الي و الي...كل شخص لاهي بشغله

شوي الا ترقى ايملي على طاوله في المدرسه .... علشان الكل يشوفها

قامت تتكلم بصوت عالي : مرحبا مرحبا جميعا .... لو سمحتو بس انتباهكم لمدة خمس دقايق

و كل الناس قام يطالعها

كملت كلامها و قالت : انا عارفه ان الفتره الأخيره صارت كل المدرسه تعرفني بسبب اني المسؤلة عن إذاعة المدرسه و كل يوم تسمعوني ..... بس في موضوع لازم نتكلم عنه و الي هو فهد و مارينا ..... الكل يعرف ان صداقتي انا و فهد جدا قويه ..... و انا ما اقول هذا الكلام علشانه صديقي بالعكس علشان الكل يعرف الحقيقه .... الحين كلكم قاعدين تلومونه علشان كم كلمه سمعتوها ؟ بلاه مو غلط ؟ هذا جزاه بعد ما غير المدرسه و وراكم الطريق الصح كذا تعاملونه ؟ فهد هو الوحيد الي لمن كانت مارينا تتقطع بسبب بعظ الطلاب.... كان يساعدها .... فهد هو الوحيد الي وقف في وجه ظلم للطلاب و مد يده لمارينا ..... صارت تجيه مشاكل بسبب وقفته معاها و السبب انه وقف في وجه الظلم و تكلم بالحق ..... هو الوحيد الي كان يساند مارينا اول .... و بالأخير تلومونه و تقولون انه سبب في موتها هذا كلام يخش العقل ؟ اسمحو لي بس ما يقول كذا الا الجاهل و ما يصدقه الا المتخلف ..... بتقولون مارينا طيب قالت في مقطعها انه أعجبت فيه بس ما بادرها نفس الشعور .... اول شي مارينا حبيبتنا و ما رح ننساها و تبقى في قلوبنا ...... بس الكل يعرف انها شخصيه خجولة بسبب بعظ الناس الي يقولون فهد تسبب في موتها .... فهد اصلا لمن كان يقعد معاها ما كانت تبين له شي .... كانت بس تسكت و تطالع الأرض .... كيف تبونه يعرف .... بالعكس كان هو احسن واحد يعامل مارينا في المدرسه ..... كان يعاملها زين و يساعدها و يوقف في صفها في الوقت الي كنتو كلكم متخلين عنها .... وقف في وجه كل احد بس علشانها ..... اعتبرها احد أصدقائه .... كيف تبونه يقتل صديقته ؟ ما اقول لكم الا انتبهو و كبرو عقولكم و لا تخلون اي شي يلعب برأيكم و يزرع المشاكل بيننا .... ترى فهد ما مثله احد و هو الوحيد الي ما سكت عن الظلم و حاول يغير المدرسه .... و الحمدلله سوا الي يبيه بأرادته ... و لا تخلون فرانك بعد ما عَصّب من فهد علشانه قال الحق يلعب برأسكم ..... خلاص اتوقع وضحت حقيقة فرانك من بعد خطاب فهد و مقطع مارينا .... و هذا كل الي العندي .... و كل احد ظلم فهد لازم يعتذر له
و شكرا

خلصت ايملي خطابها هنا

اول ما خلصت ايملي خطاب الكل قام يصفق لها

و كل المدرسه تركو أشغالهم و تجمعو حولي بس علشان يعتذرون

كان شعور حلو مثل الي كب علي مويه بارده

كانت زحمه حولي بشكل ..... كل احد يقولي اعتذار بكلام و اُسلوب يختلف .....

ما عرفت مع الزحمه وش اسوي قعدت اتكلم وبصوت عالي

: ابدا لا تشيلون هم انا مسامح كل احد و اعتذاراتكم كلها على راسي .......

قعدت اسولف مع الطلاب كل شوي طالع لي واحد يسولف ... حبيت سواليفهم .... حسّيت ان كل الطلاب متعلقين فيني .... كان كل الطلاب بس يتشكرون علشاني غيرت حياتهم للأفضل ..... و الحمدلله ربي رزقني على قد نيتي انا كنت ناوي الخير و كان هدفي بس أغير المدرسه و صار الي صار ..... خلاص انشالله الفوز في مجلس الطلبه مظمون

بعد ما خفت الزحمه و راحو كل الناس .... جتني ايملي و قالت

: عاد لو كنت للحين زعلان ترى بقتل نفسي

: ههههههه لا تشيلين هم خلاص .... بفضلك ما تتخيلين قد ايش هم كبير إنزال عن قلبي .... شكرا ايملي شكرا شكرا

ابتسمت ايملي و حطت يدها على يدي و قالت : هذا اقل شي أسويه .... انت دخلت في مشاكل بسببي و بغيت تنفصل بس علشان تهديني اغنيه ..... و غير كذا انت الي غيرت المدرسه .... هذا ولا شي يا فهد صدقني .... انت ما تتخيل قد ايش في ناس شاكرين لك .... كان عندهم اماني ان المكان يكون مهيء للتعليم و ها هو ..... حلمهم صار حقيقه المكان صار ولا احسن منه .... كان في طلاب يتعرضون للتنمر يوميا ... بس بسببك ما عاد صار في تنمر .... شف بعيونك الكل يحبك و الكل قاعد يتشكرك

و ابتسمت ايملي و قالت : تتذكر اول يوم كنا تونا راجعين من بارتي سندي ......تتذكر الكلام الي قلته لك بأنك انت الي بتغير المدرسه ..... هاه شف كلامي طلع صح ..... انت غيرت المدرسه و أرشدت
٧٠٠ طالب للطريق الصحيح

: ايملي الله يهديك تراك أحرجتيني .... طبعا ما ننسى مجهودك انتي و جورج

ايملي : دام اننا بدينا نسترجع الذكريات وش رايك نطلع انا و انت و جورج لم المطعم ألي رحنا له في اول السنه

: والله ميب شينه

و رحنا نتغدى في ذاك المطعم و كانت الطلعه كلها استرجاع ذكريات ..... فعلا شعور حلو

الحمدلله الي خلاني أتعرف علىيكم يا ايملي و جورج .... فعلا امثالكم نادرين في ذا الزمن .... الله لا يفرقنا

___________________________________

صارت المدرسه شي مختلف الحين .... تحسنت ميه و ثمنين درجه ..... كل شي فيها حلو و تمام .... ماعاد ناقصنا الا شي واحد و الي هي مارينا .......

بقت ايام معدوده على حفل مجلس الطلبه ..... الي فوزي فيه مضمون ميه بالمئه ..... متحمس بشكل ..... كنت استنى هذا اليوم من زمان ..... و صار الوقت الي يتحقق ..... خلاص لازم استعد كلها ايام معدوده