مكان لا انتمي له ( سعودي في أمريكا )

ماضي ايملي ...part 5

اشوف المتصل الا طلعت ايملي

رديت و قلت : اهلًا ايملي

ايملي : اهلين ... فهد ترا ربع ساعه و أوصل للمدرسه يلا تجهز

: يلا انا في الطريق جاي

و قفلت الخط

عاد الحين لازم ارجع للمدرسه علشان انتظر ايملي

جلست امشي من الحديقه للمدرسه ... الا و انا امشي لفت انتباهي شخص ... طويل و معضل ... قاعد يضرب شخص و يهدده ... مشهد مخيف خلاني غصب أتخبى ورى شجره ... و لكن اللقافه الي فيني ما سمحت لي اني اروح و أفوت مشهد زي كذا ... و المشهد الي شفته كان كالتالي ..

: بتعطيني محفظتك ولا كيف

رد الرجال بكل خوف و هو يرتجف :طيب طيب ولا يهمك بس تكفى ما نبي مشاكل

و طلع من جيبه البوك و أعطاه الشخص الثاني

اخذ البوك و فتحه و اخذ منه كم دولار ... بعد ما خلص منه رماه على الارض و قال: يله اشبع فيه الحين خلصت حاجتي منه

و مشى و ترك الرجال

و هو يمشي بان وجهه و اول ما شفت وجه تذكرت و قعدت افكر : انا قد شفت ذا الوجه بس وين .... اول ما وصلت القريه... لا لا مستحيل ..... المدرسه ..

ايوا المدرسه اقرب احتمال بس متى ... اول ما دخلت ... لا لا ....

و يجي ذاك المشهد و قلت

: بس تذكرت وين شفته ... كان اليوم مع المجموعه الي يتنمرون على مارينا

و بمجرد ما تذكرت مارينا الا و جا في بالي على طول هو ... لا يكون فرانك ؟

( اوكي انا عارف انه شخص واطي و قذر ... بس ما توقعت لهذي الدرجه ... الله يستر منه ايام الدراسه و يكفيني شره )

و صلت للمدرسه و انا طول الطريق جالس افكر في المشهد الي شفته قبل شوي

لقيت ايملي تستناني و قالت : هذا الي جاي بالطريق ؟ لي ربع ساعه استنى

ناظرت ايملي و قلت : اصبري و تعرفين سبب تأخري ... شفتلك تو شي ... خلاني أمسك راسي مع الروعة

ارتاعت ايملي و قالت : خير وش صار

قلت لها السالفه الي صارت و المشهد الي شفته

كانت ردة فعلها جدا عاديه و قالت : ايه .. اذا على كلامك شخص اسود الشعر طويل و معظل ... هذا فرانك ... و لا يتصرف هذي التصرفات المخيسه ... خلاص ميه بالميه فرانك

قعدت اطالعهاً و قلت : طيب ؟ اشوف ردة فعلك جدا عاديه ؟ انتي مستوعبه الي قاعد اقوله لك ؟ اقولك هدد رجال و سرق فلوسه ؟

عادة ردة فعلها البارده و قالت : ايه طيب ؟ هذا يعتبر ولا شي بلي يسويه عادتاً ... انت شكلك للحين ما استوعبت كلامي لك الصباح في المدرسه .... اقولك محد خلا المدرسه كذا الا هو