الأسبوع الرابع ( اخر اسبوع على الأجازه )
يوم الخميس ..... الي كان اخر يوم دراسي على بداية الاجازه .... صحيح انها اجازه قليله و مدتها اسبوع بس في النهايه اجازه و فرصه الواحد يرتاح فيها
الى الأن كملت شهر كامل في المدرسه ولا صرت اعتبر طالب جديد ... خلاص عرفت المكان و صرت من أهله
بعد ما خلصنا اول حصتين الي دوختني ايملي فيهم من كثر المشاركات ( تعرفون مستحيل اخسر قدامها في التحدي )
طلعنا من الفصل على أساس نجتمع مع جورج في الكافيتيريا
ايملي : يا حليلك يا فهد ....هاه وين كلامك اول السنه ؟ اشوف غرورك سيطر عليك الى ان تساهلت تدريجيا و بديت أتقدم عليك في الدراسه
: ههههههه كم مره قلت لك ليش تُحبين تسبقين الأحداث ؟ اصبري اخر السنه و نشوف
و مشيت و تركت ايملي
قالت ايملي بصوت عالي : وين رايح ؟
: مفاجأة ..... بس استنيني تحت شوي و ارجع
( عارف ان الحركه الي يسويها بتكلفني كثير بس يهون علشان ايملي )
تركت ايملي و قعدت امشي متجه لمكتب المدير
و انا أمشي قابلت ايلاي
ضحك و قال : وقف وقف وين رايح ؟
دفيته و كملت مشي و قلت : عندي شغل مهم .... اول ما اخلص بأفضى لك
و مشيت و تركته
و صلت مكتب المدير .... طلعت راسي بشويش علشان أتأكد اذا كان المكتب فاضي ولا لا ..... و الحمدلله طلع فاضي
دخلت المكتب بسرعه قبل لا يجي المدير و طلعت سي دي من جيبي
دورت على الشي الي اذا حطيت سي دي فيه يشتغل في كل المدرسه .... مما يخلي كل الطلاب يسمعونه
بعد تدوير طويل لقيته و علطول حطيت السي دي فيه
و بسرعه نزلت للكفيتيريا
على ما وصلت للكفيتيريا الا و يشتغل السي دي .... و يطّلع صوت ان في رساله من المدير للطلاب
الطلاب طبيعي تركو اشغالهم و بدو يسمعون
الا يوم اشتغل كانت مفاجأة لكل الطلاب
طلع صوتي و انا اتكلم و قلت
( هذي الأغنيه اهداء الى ايملي ...... حاولت اعترف لك بس ما لقيت شي يليق فيك غير هاذي .... عدت الأغنيه الف مره ... الى ان تأكدت ان أهدي لك كل حرف فيها و قدام جميع الطلاب .... و هذا اقل شي أسويه )
و اشتغلت الأغنيه
اول ما اشتغلت الاغنيه الا الصدمه غزت وجه ايملي
أنت تقرأ
مكان لا انتمي له ( سعودي في أمريكا )
Teen Fictionكيف بيكون شعورك لو تتغير حياتك بالكامل فجأه تلقى نفسك في مكان لا تنتمي له مكان يختلف اختلاف تام عنك كل شي حولك مختلف تماما و صعب جدا انك تتأقلم معه بالضبط هذا هو شعور فهد حاليا فهد مراهق من ام امريكيه و اب سعودي ينتقل في ال ١٦ من عمره من السعو...
