مكان لا انتمي له ( سعودي في أمريكا )

الكراهيه .. هل هكذا عانت مارينا ؟ part 18

انا واقف اسمع كلام الناس من حولي

: خسارة الأصوات عليه

: امس كان يتكلم عّن الخير و اليوم قتل ..... نفاق

و كنت اسمع كلام اشد من هذا

انواع و أشكال من الكلام الجارح

قعدت اقول في نفسي : والله ما كان قصدي ... اصلا ما كنت اعرف اني قاعد اجرحها ...... و اصلا ما كنت اعرف ان لها مشاعر اتجاهي علشان استغلها

فجأه الى بشخص يطق كتفي

التفت اشوف مين الا و صارت ايملي و جورج

طالعتهم و قلت : ليش تكلموني ؟ ما رح تتركوني زي باقي الناس ؟

ابتسمت ايملي و قالت : حنا أصدقائق و مستحيل نتركك و اكثر ناس نعرفك في المدرسه .... مها يقولون الناس في عينا انت بريء و مالك دخل ...... و الواقع اصلا انت بريء و انت أطيب منك مافيه و مستحيل تأذي شخص بدون حق علشان تقتل احد من أصدقائك و الي هي مارينا .... بس السبب يرجع لفرانك استغل الفرصه و شوه سمعتك

جورج : فعلا ما عليك منه طالع فوق و استمر و خل تركيزك الأول دراستك

_________________

استمريت على هالحال ٣ ايام

٣ ايام كل ما امشي في الممرات احد يذب علي كلمه .... صحيح ان ما صار في المدرسه تنمر من عقب خطابي .... بس الكل قاعد يلومني على شي انا ما سويته .... اما فرانك النجس ترك المدرسه و محد يعرف عنه شي .....

لاحظت ايملي تعب نفسيتي  من كلام الناس ..... كنت ما اسولف ابد و لا حتى اسولف في الدراسه.... مستواي نزل في الثلاث أيام هاذي .... حتى في الدراسه ماني زي قبل

كانت كل يوم تحاول تسعدني بس بدون فايده .... الحزن سيطر علي

سالت نفسي و قلت : الحين هذا الحزن الي سيطر علي كانت مارينا تحس فيه دايم ؟ ولا بعد مارينا أقوى .... والله يا هي بطله الي عاشت ظروف زي كذا و استحملتها

ايملي ما أرضاها ابدا انها تشوفني انظلم و تسكت .... و خصوصا ان الكل قاعد يحاسبني على انتحار مارينا

فقررت تتصرف .......