على كثر الهم الي نزل على قلبي بعد ما سمعت كلام فرانك الا جلوسي مع ايملي كان ينسيني اياه تدريجيا .... سواء سوالفينا بين الحصص ... او تنافسنا وقت الحصص
كانت الأيام تمر بسرعه ما اقدر اوصفها ..... تطورت علاقتنا انا و ايملي و صرنا نطلع بشكل شبه يومي ..... صارت ايملي تاخذ الجزء الأكبر من يومي و الوقت الي اكون معاها احس بسعاده لا توصف ....
______________.
يوم الخميس
١٠ اليل
بينما كنت اجهز دروسي علشان انام و اروح للمدرسه بكره ....
خلصت ترتيب دروس و طفيت النور علشان انام
انسدحت في السرير .... و بديت انام تدريجيا .... يوم بديت اغفي الا بصوت جوالي ....
اخذت جوالي من الطاوله الي جمب السرير الا و ألقى رساله من ايملي تقول
( لا تنسى تعال بدري بكره )
رديت برساله
( طيب )
انسدحت في السرير و قعدت افكر الى ان طار النوم
الحين مستحيل يكون الي بيني و بين ايملي مجرد صداقه عاديه مستحيل ...... انا عمري ما كنت ذاك النوع من الرجال الي يقعون في الحب بسهوله ..... كان الحب اخر همي .... و لاكن معها انا صرت شخص ثاني ..... انا عمري ما قد شعرت بهذا الشعور ..هذا هو شعور الحب يعني ؟
وقتها ادركت اني واقع في الحب ...... بس ما اعرف اذا هي كانت تبادلني نفس الشعور .... اخاف اعترف لها و تروح الثقه الي بينا .... لنها تعتبرني مثل اخوها و اكثر .... لكن انا قصدي نظيف و مستحيل ارضى عليها بالشينه.... بس الأيام تمر و تحل كل شي .... خل انام اصرف لي
__________
صباح يوم الخميس .... رحت المدرسه بدري مثل ما اتفقت انا وإيملي
و قعدتنا نسولف ذيك السواليف الي ما ينمل منها ..... من السواليف الى الدرس .... و نقعد تتنافس في الدرس .... صحيح اني كنت اشطر منها دراسه .... بس كنت احب أشوفها مستانسة .... كنت أشارك غلط علشان بس هي تجاوب صح و تستانس ..... لمن أشوفها مستانسه و مبسوطه استأنس اكثر منها حتى
جت الفسحه و اجتمعنا انا و ايملي و جورج في طاولتنا المعتاده
صراحه كنت اعتبر هال اثنين مصدر سعادتي في المدرسه .... لمن اسولف معهم اصير في عالم ثاني .... بعيد عن المدرسه و مشاكلها ....
مر الأسبوع هذا بسلام .... ما شفت لا من فرانك ولا من شلته مشاكل ... و اتمنى ان يستمر الوضع زي كذا .... حتى من زمان ما شقتهم يظايقون مارينا
اول ما تذكرت مارينا علطول تكلمت و قلت لم جورج و ايملي
: هيه ما تلاحظون شي ؟
ايملي : ما نلاحض شي ؟ وش تقصد ؟
: مارينا .... من زمان ما شفناها
ايملي : اي فعلا من زمان ما شفتها .... اخر مره شفتها يوم ترقا الدرج و هي تبكي ..... لا يكون صار فيها شي ؟
جورج : لا لا لا تخافون ما صار فيها شي هي معاي في الفصل و كل يوم تداوم
ايملي : اجل وينها ما نشوفها في الفسحه
جورج : و في تفسير غير ذا ؟ اكيد ما صارت تنزل تحت تبتعد عن المشاكل
ايملي : والله مسكينه مارينا تكسر الخاطر
: تدرون .... ما علي منكم لو شفتها في مشكله بتدخل .... و خل ادخل في مشاكل زيها ما يهمني
ايملي : فهد ؟
جورج : من جدك فهد ؟
فهد : ايه من جدي ... يعني اشوف حياتها تتدمر و اسكت . أشوفها تعاني و اسكت ؟
جورج : بس ..
قاطعت ايملي جورج و قالت : جورج .... خله ما لك دخل فيه ... هو يعرف ايش قاعد يسوي .... و متوقعه ان فهد بيسوي شي كلنا ما قدرنا قدرنا نسويه
جورج : براحتكم .... بس انا مالي دخل و ما ابي ادخل نفسي في مشاكل و وجع راس
خلصت الفسحه و رقينا فوق انا و ايملي و جورج .... كل احد بيروح لفصله
بس لفت انتباهنا كان فيه تجمع طلاب كبير في منتصف المدرسه
أنت تقرأ
مكان لا انتمي له ( سعودي في أمريكا )
Teen Fictionكيف بيكون شعورك لو تتغير حياتك بالكامل فجأه تلقى نفسك في مكان لا تنتمي له مكان يختلف اختلاف تام عنك كل شي حولك مختلف تماما و صعب جدا انك تتأقلم معه بالضبط هذا هو شعور فهد حاليا فهد مراهق من ام امريكيه و اب سعودي ينتقل في ال ١٦ من عمره من السعو...
