مكان لا انتمي له ( سعودي في أمريكا )

التحدي part ..7

_________________

٦:٣٠

و انا غارق في أحلامي و نايم نومه من زمان عنها

فتحت امي باب الغرفه و لقتني نايم

امي : الحمدلله اني قمت بدري ..... والله مدري بدوني وش بيصير على هذا البيت .... كان تظيعون

و انا نايم ما دريت عنها اصلا

صفقت يدها و قالت

: احر ما عندي أبرد ما عندك ؟ يعني لو ما قومتك ما رح تقوم بنفسك ؟

قربت من فراشي

: فهد .... فهد قم وراك مدرسه

و برظو ما حسّيت فيها و غارق في نومتي الي ما ودي اقوم منها

امي : ماش انت ما ينفع معاك الكلام

و فتحت درايش الغرفه سحبت لحافي

سحبت لحافي و النور شق عيوني هنا انا شخص ثاني ..... خلاص صحيت من النومه .... فتحت عيوني الا و لقيت امي فوجهي تصارخ ... حتى اني ما اعرف وش قاعده تقول ..... طالعتها و قلت

: اخخخخ فيني النوم ..... كم الساعه ؟

استغلت امي الفرصه و قالت : تستهبل انت ؟ ما تعرف الساعه كم ؟ الساعه ٨ .... بسرعه تحرك لا يفصلونك من المدرسه من كثر تأخيرك
و انعاد نفس سيناريو امس صحيت و غسلت وجهي سريع سريع و لبست ملابسي

نزلت تحت و لقيت ابوي .... ما صدقت على الله اشوفه

: صباح الخير يبه

: صباح النور ؟ خير

: معليش يبه بس تقدر توديني المدرسه

: أبشر من عيوني ما طلبت شي .... بس هاه ما اوصيك ... دراستك ثم دراستك ثم دراستك

قعدت اطالع ابوي و انا مستغرب من ردة فعله .... يعني الساعه ٨ كيف يتكلم بكل روقان ؟؟؟ وحتى ما عَصّب و لا عطاني محاظره على التأخير

ركبنا السياره انا و ابوي و قلت بِمَا انه وقت ظايع خل اسولف معه

سألته سؤال كان محيرني من يوم ما جينا امريكا و قلت

: يبه .... عندي سؤال محيرني

ابوي : سؤال .... امر اسأل

: الحين الشغل الي خلانا نترك السعوديه و نعيش في امريكا ... يستاهل ... علشان اكون أوضح ..... يعني الراتب يستاهل نغترب

ابوي : ايه والله صراحه يستاهل .... بس بيني و بينك ما رح أطول هنا في امريكا .... بالكثير سنتين كأقصى حد .... و بعدها نرجع للسعوديه ؟

: نرجع للسعوديه ؟ طيب ليش ؟ مو هنا راتب اكثر ؟

ابوي : ايه اتفق معاك راتب اكثر و كذا ..... بس بيني و بينك انا ما ارتاح الا في ديرتي و وطني ..... بقعد هنا و بجمع كم قرش نظبط فيها و طعنا و بعد كذا نرجع السعوديه