مكان لا انتمي له ( سعودي في أمريكا )

المفاجأة الكبرى .... ١٠٠ صديق part 11

جورج : مبروك .... هذول كلهم مؤيدين لك و عاجبهم الي سويته اليوم

( المشهد كان لا يوصف ... كان مجموعه كبيره من الطلاب مجتمعين .... كلهم يطالعوني ..... و كلامهم صدمني اكثر .... الي يقول

استمر احنا كلنا داعمين لك

و الي يقول : كلنا فخورين بالي سويته اليوم

و الي يقول : ما تتخيل قد ايش اسعدتنا ... استمر

كلام كثير كثير و كله تحفيز

طالعني جورج و هو يضحك و قال : هاه للحين مستعجل ولا غيرت رأيك ؟

: لا لا لا أغير رأيي .... متا قلت ذا الكلام اصلا

فرحت ايملي و خمتني و قالت : فهد اخيرا .... هذي اول نتيجه طلعت فيها .... و من تقدم ل تقدم و انا واثقه من هذا الشي

حسّيت بشعور غريب اول ما خمتني ..... قلت لها : انشالله يا رب ... و طبعا ما ننسى جهودك ايملي

قال احد الطلاب : طيب يا فهد حنا اجتماعنا في نقطتنين نبي نوصلها لك

: تفضل وشي ؟

: اولا حابين نشكرك على الحركة الي سويتها اليوم و نبغاك تعرف اننا كلنا يالي موجودين في هذا الأجتماع معك الى نهاية الطريق

: ابد شكرك وصل و ما سويت الا واجبي

: ثانيا .... و الأهم ... في موضوع جدا مهم ... الي هو مجلس الطلبه

سألته و قلت : مجلس الطلبه ؟ وش ذا ؟

: الحين اعلمك .. مجلس الطلبه هو عباره عّن مجموعة من طلاب يرشحون نفسهم .... الطلاب الي يرشحون نفسهم خلاص تنسجل اساميهم و صاحب الأكثر توصويت هو رئيس مجلس الطلبه و المتكلم بإسم الطلاب ... يكون صوته واصل للأداره و اقتراحاته و أفكاره احتمال كبير تطبق

: والله اعجبتني الفكره ..... بس في مشكله وحده .... الي هي الطلاب الموجودين حاليا تقريبا مية طالب و عدد طلاب المدرسه ٨٠٠ ف ما اتوقع اني بفوز

: لا تشيل هم بنسوي لك دعايات و كل شي و بنحاول قدر الأمكان اننا نجمع اكبر عدد من الأصوات .... و حتى لو خسرنا .... على الأقل حاولنا

تدخلت ايملي و قالت : فعلا فهد حتى لو خسرت على الأقل انك حاولت ...... و كلنا ما قلنا هذا الكلام الا علشانك انسب شخص يكون رئيس لمجلس الطلبه و انت الشخص الوحيد الي حاول يغير في المدرسه

ابتسمت .... و قلت : كلامك على راسي .... و شكرا على التحفيز ....... و اوعدكم اني اكون قذ الثقه .... خلاص توكلنا برشح نفسي

اول ما أعلنت موافقتي الا بصرخات فرح من جميع المتواجدين

جورج : مبروك فهد

مسكت ايملي يدي و يد جورج و قالت : خلاص اجل من اليوم و رايح .... انا و جورج بنساعدك قد ما نقدر على كسب مجلس الطلبه ؟ اتفقنا

انا و جورج بصوت واحد : اتفقنا

__________________________

من بعد الاجتماع و خلاص صار هدفي كسب مجلس الطلبه و استنى بفارغ الصبر افتتاح التسجيل علشان ارشح نفسي ....... بعد ما سألت الأداره قالولي انه يبدى في بداية الشهر الثاني من الدراسه .... او بعد الأجازه

و نسيت لا اقولكم الترم ٤ اشهر ..... بعد ما يخلص الشهر الأول في اجازه اسبوع ..... بعد الأجازه يبدى التسجيل

صرت استنى يوم التسجيل على احر من الجمر ...... كان كل يوم يمر بسرعه على رغم من اني كنت أتعرض احيانا ل قليل من المضايقات من فرانك و شلته .... بس كنت أتجاهلهم ... و ايملي كانت تنسيني اي شي اتعرض له ..... اول ما تبدأ تسولف معاي انسى نفسي و تعيشني في جو ثاني .... جو بعيد عن المشاكل ..... في كل يوم كان يزيد حبي لها .... فكرت اعترف لها بمشاعري بس ماش ما اعجبتني اعترف لها بشكل مباشر ..... ايملي ما يليق بمقامها الا شي مميز .... و بعد التفكير جتني ذيك ألطريقه الي ما اقدر اوصفها .... صارت انسب طريقه للأعتراف و كانت كالتالي