مكان لا انتمي له ( سعودي في أمريكا )

النهاية ...

الساعه التاسعه صباحا .... المدرسه

ايملًي : مبروك فهد

: الله يهديك ايملي ما اعلنو النتايج

جورج : و يبيلها تفكير اكيد فهد الفائز

طالعت ايملي و قلت : الله وش ذا الفستان الزين ؟

ايملي : اهم شي انه أعجبك

و بدى صوت المايكروفون ينادي : و الفائز في مجلس الطلبه هو فهد

جورج : يوه خلاص اجل بنطلع من خلف المسرح انا و ايملي و بنرجع اماكنا .... تعرف لازم نشوفك و انت تفوز

و طلعو من الكواليس و رجعو لم اماكنهم علشان يشوفوني

طلعت على المسرح و اول ما شافوني الطلاب على المسرح الا و الكل يصفق و يهتف بأسمي

فهد .. فهد .... فهد .... فهد

اخذت المايكروفون و بديت ألقي خطابي

( كان نفسي أتكلم في خطابي عن مارينا .....بس تعليمات المدير تقول ما يحق لي اتكلم الا عّن التركيز في الدراسه خوفا من ان موظوع مارينا يشغلهم )

بديت ألقي خطابي الي كان كله يتكلم عن التحفيز الدراسي و تطوير الذات .... و ان خلاص الأختبارلت قريبه و لازم الكل يشد حيله

_______________________

الحمدلله بتوفيق الله ..... تغيرت المدرسه ١٨٠ درجه للأفضل .... المدرسه المريعه الي كانت بس بلأسم مدرسه ..... تغيرت للأفضل .... الطلاب صار عندهم طموح .... صار عندهم هدف صارت المدرسه لها مكان في قلوبهم ..... فعلا اشعر بسعاده لا توصف كل ما اتذكر ان كان لي دور في هذا التغير ..... بدى الشهر الأخير من الدراسه و الي هو الشهر الرابع .... كان احسن شهر قد مر على المدرسه .... حتى المدير بنفسه شكرني على الي سويته و استغرب كيف قدرت أغير الطلاب ........في هذا الشهر تطورت علاقتي مع ايملي تطور جدا كبير ..... كانت ايملي بس تسولف عّن ألأسلام .... بس في شي في داخلها ما يخليها تسلم .... يمكن أهلها الله و اعلم .... بس في النهايه خصوصياتها و لا ابي أتدخل فيها..... ....... في يوم من الأيام و انا راجع من المدرسه للبيت ..... فتحت الباب و لقيت كل اهلي مجتمعين .... كانت وجيههم توحي بالحزن .... سألتهم و قلت

: سلمات وش فيكم ؟ وش صاير ؟

طالعني ابوي و قال : فهد ..... تفضل اجلس

جلست على الكرسي و قلت : يبه يمه فرح ؟ تراكم خوفتوني تكلمو قولو وش فيكم

ابوي : والله ما ادري وش اقولك فهد ..... بس خلاص بنرجع السعوديه

اول ما قال بنرجع السعوديه .... وقف قلبي .. و انصدمت .... كل شي يهون ..... بس ايملي الي وعدتها اني اكون جمبها الى الأبد .. بروح و بتركها

ما خليت شي في قلبي سألت ابوي و قلت : لحظه لحظه .... ممكن السبب ؟ ليش و كيف ؟

ابوي : والله الشركه الي اشتغل فيها خلاص أعلنت افلاسها .... و لا عاد فيه اي سبب يخليني اكمل ..... انا عارف انك تعلقت في المدرسه و خصوصا بعد ما كسبت مجلس الطلبه .... بس صار الي صار و هذا قدر الله و ما نقدر نعترض عليه